ISAIAH 11:10 - Edisana ñwed Abasi Ibom

¹⁰ Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

ISAIAH 11:10 Referans Kwoze

LUKE 2:32

Ete, edi uŋwana eke ediyararede ŋkpɔ ɔnɔ mme Gentile, onyuŋ edi ubɔŋ ikɔt Fo Israel.

ISAIAH 11:1

NDIEN nsehe kiet eyetibe ke etak eto Jesse, ŋkɔk eyenyuŋ asiaha ke oruŋ esie.

JOHN 12:32

Ndien Ami, ke ema emen Mi ekpɔŋ isɔŋ, nyedudi kpukpru owo etiene Mi.

MATTHEW 12:21

Ndien mme Gentile eyedori enyin ke enyiŋ Esie.

MATTHEW 8:11

Edi ndɔhɔ mbufo nte, Ediwak owo eyeto ke edem usiaha-utin ye edem usop-utin, edisuhɔre etetie ye Abraham, ye Isaac, ye Jacob, ke Obio Ubɔŋ Heaven:

UTOM MME APOSTLE 11:18

Edi ke ini mmɔ ekopde ŋkpɔ emi, mmɔ edop uyo, enyuŋ enɔ Abasi itoro, ete, Ama edi ntre ndien, Abasi ayak mme Gentile ŋko ekabare esit eduk uwem.

ERIYARARE 22:16

Ami Jesus ŋkɔdɔŋ angel Mi edisian fi ikɔ emi, man ada ɔnɔ mme ufɔk Abasi. Ami ndi Oruŋ ye Eyen David, ediyama ntantafiɔŋ usenubɔk.

HAGGAI 2:9

Jehovah mme udim ɔdɔhɔ, ete, Ubɔŋ ekperedem ufɔk eyekpon akan eke akpa: ndien ke ebiet emi ke ndinɔ emem, Jehovah mme udim ɔdɔhɔ.

ISAIAH 49:22

Ntem ke Ɔbɔŋ Jehovah ɔdɔhɔ, ete, Sese, nyenyanare ubɔk mi nnɔ mme idut; nnyuŋ mmenere banner nnɔ mme obio: ndien mmɔ eyekama nditɔ-iren fo ke ikpanesit edi, enyuŋ ebiom nditɔ-iban fo ke afara.

ŊWED MME PSALM 91:1

OWO eke etiede ke ndibe ebiet Ata Edikoŋ, ke oduŋ ke mfut Ata Ɔkpɔsɔŋ.

ISAIAH 60:3

Ndien mme idut eyesaŋa ke uŋwana fo, ndidem eyenyuŋ esaŋa ke usiere fo.

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.

MME HEBREW 4:1

MMƆDO sia uŋwɔŋɔ eriduk ke nduɔk-odudu Esie ɔsuhɔde, eyak nnyin ifehe ndik, mbak owo mbufo ekededi editie nte ŋkpɔ eke enye atabade nduɔk-odudu oro.

UTOM MME APOSTLE 28:28

Efiɔk emi ndien, ete, enɔ erinyaŋa Abasi emi esɔk mme Gentile: mmɔ eyenyuŋ ekpaŋ utɔŋ ekop.

ISAIAH 66:19

Ndien nyenim ŋkpɔ idiɔŋɔ ke otu mmɔ, nnyuŋ nda ndusuk mmɔ emi ebɔhɔde ndɔŋ utom ke otu mme idut, kpa Tarshish, ye Pul, ye Lud, ye mmɔ eke edudide utiga, Tubal ye Javan, kpa mme isuo emi eyomde usuŋ, eke mika-ikopke etop mi, mika-inyuŋ ikwe ubɔŋ mi; ndien mmɔ eyetaŋa ubɔŋ mi ke otu mme idut.

ISAIAH 60:5

Ndien afo eyekut, onyuŋ atara idem, esit eyenyuŋ ebre, onyuŋ aŋwaŋa fi: koro inyene inyaŋ eyekabare etiene fi, odudu mme idut eyedi ke ɔtɔ fo.

ISAIAH 59:19

Ndien owo eyeto ke edem usop-utin edibak enyiŋ Jehovah, eto ke edem usiaha edibak ubɔŋ esie. Ke ini usua odukde nte akpa mmɔŋ, spirit Jehovah eyemenere banner ke enyɔŋ abaŋa enye.

ISAIAH 28:12

emi enye ɔkɔdɔhɔde ye mmɔ, ete, Emi edi nduɔk-odudu, mbufo eyak mbon mba eduɔk odudu; emi onyuŋ edi nsukidem: edi mmɔ inyimeke ndikop.

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

ŊWED MME PSALM 149:5

Yak mbon-ima (Abasi) edara ke ubɔŋ: enyuŋ ena ke mbri mmɔ ekwɔ ikwɔ.

ŊWED MME PSALM 116:7

O ukpɔŋ mi, kabare fiak ke ebiet nduɔk-odudu fo; koro Jehovah amatat ubɔk ɔnɔ fi ŋkpɔ.

ŊWED MME PSALM 91:4

Enye eyeda ntaŋ esie ofuk fi, afo eyenyuŋ efehe oduk ke idak mba esie: akpanikɔ esie edi otu-ekɔŋ eke ekpemede fi.

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

ISAIAH 14:3

Ndien ama ekem ke usen emi Jehovah edisiode fi ke ndutuhɔ fo, ye ke nyomo-nsia fo, ye ke ɔkpɔsɔŋ ufin emi enimde fi, efep, ɔnɔ fi nduɔk-odudu,

ERIYARARE 5:5

Edi kiet ke otu mbiowo ɔdɔhɔ mi ete, Kutua; sese, Lion emi otode ke esien Judah, kpa Oruŋ David, amakan, adaŋa nte enyenede ukeme ndikibɔre ŋwed oro nnyuŋ ndianare mme ufik-ŋkpɔ itiaba.

NUMBERS 10:33

Ekem mmɔ edaŋa ke obot Jehovah, esaŋa isaŋ usen ita; ekebe ediomi Jehovah onyuŋ ebem mmɔ iso ke isaŋ usen ita, ndiyom ebiet nna nnɔ mmɔ.

ISAIAH 11:12

Ndien enye eyemenere banner ke enyɔŋ ɔnɔ mme idut, onyuŋ obon nditɔ Israel emi ekebinde efep, ndien nditɔ Jacob emi esuanade ke enye editaŋ ke edem isɔŋ mbinaŋ.

ISAIAH 62:10

Mbufo esaŋa ke mme inua-otop, esaŋa ebe; ediɔŋ usuŋ mbio-obio; ekubi ɔkpɔ-usuŋ; etaŋ mme itiat efep; emenere banner enɔ mbio-obio.

ZECHARIAH 6:13

kpa enye edibɔp temple Jehovah; enye eyenyuŋ ada ubɔŋ, ndien enye eyetie ke ebekpo esie, onyuŋ akara; onyuŋ edi oku etie ke ebekpo esie: uduak emem eyenyuŋ odu ke ufɔt mmɔ mbiba.

1 CHRONICLES 2:12

ndien Boaz obon Obed, Obed onyuŋ obon Jesse;

ŊWED MME PSALM 145:11

Mmɔ ebuk ubom ubɔŋ fo, enyuŋ etiŋ ebaŋa odudu fo.

ISAIAH 2:2

Ndien ama ekem ke utit eyo, obot ufɔk Jehovah eyewuhɔ ke enyɔŋ ikpɔ obot, onyuŋ okoŋ akan ŋkpri obot; ndien kpukpru mme idut eyebuŋɔ eduk ke esit.

ISAIAH 2:3

Ndien ediwak obio eyeka ekedɔhɔ, ete, Mbufo edi, nnyin idɔk ke obot Jehovah, ke ufɔk Abasi Jacob; ndien enye eyekpep nnyin ido esiemɔ, nnyin iyenyuŋ isaŋa ke usuŋ esie: koro mme ewuhɔ eyeto ke Zion, uyo Jehovah eyenyuŋ oto ke Jerusalem.

ISAIAH 42:4

Esit ididuɔhɔ enye, idem idinyuŋ ikpaha enye, tutu enye onim ikpe ke ererimbot: mme isuo eyenyuŋ ebet mme ewuhɔ esie.