ISAIAH 10:6 - Edisana ñwed Abasi Ibom

⁶ Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

ISAIAH 10:6 Referans Kwoze

ISAIAH 9:17

Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.

ZECHARIAH 10:5

Ndien mmɔ eyebiet mbon-uko eke edigide owo ke ekɔŋ nte mbat efak: mmɔ eyenyuŋ eŋwana ekɔŋ, koro Jehovah odude ye mmɔ: eyenyuŋ esin mme andi-doro horse but.

JEREMIAH 34:22

Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

ISAIAH 19:17

Ndien isɔŋ Judah eyedi se Egypt edidikhede, ndik eyenam kpukpru owo eke edade mbuk esie etiŋ enɔ enye, oto ke uduak Jehovah mme udim, emi enye aduakde abaŋa enye.

MATTHEW 15:7

Mbufo mbon mbubik, Isaiah ototim etiŋ nte prophet abaŋa mbufo, ete,

MICAH 7:10

Ndien usua mi eyekut, ndien but eyefuk enye emi ɔkɔdɔhɔde mi, ete, Jehovah Abasi fo odu mmɔŋ? Enyin mi eyekut enye: ke emi enye eyedi se edigide nte mbat aŋwa.

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

JEREMIAH 3:10

Ndien idem ofuri ŋkpɔ emi isinke Judah ama-nsu eyen eka esie aŋwan afiak etiene mi ke ofuri esit esie, edi ke abiaŋa. Emi edi uyo Jehovah.

ISAIAH 63:6

Ndien nyedigi mme idut ke iyaresit mi, nnyuŋ nnam mmɔ eŋwɔŋ eyuhɔ ke ifuresit mi, nnyuŋ nnam enyam mmɔ ɔsuhɔre ke isɔŋ.

ISAIAH 63:3

Mmedigi udigi-wine ke idem-mi; baba owo obio kiet inyuŋ iduhe ye ami: ndien nyedigi mmɔ ke iyaresit mi, nnyuŋ nda ikpat ntim mmɔ ke ifuresit mi; ndien enyam mmɔ eyesime mi ke ɔfɔŋidem, nyenyuŋ nsabare ofuri edisine-ŋkpɔ mi.

ISAIAH 41:25

Mma ndemere owo kiet ke edere, ndien enye emedi: enye eyetie ke edem usiaha-utin okot enyiŋ mi: ndien enye eyesaŋa mbɔŋ ke idem nte mbat, ye nte obot-eso edigide mbat eso.

ISAIAH 33:14

Mme idiɔk owo ke Zion ke edikhe; unyek-idem omum mme oburobut owo: “Anie ke otu nnyin ekeme ndiduŋ ke ikaŋ eke atade? Anie ke otu nnyin ekeme ndiduŋ ke nsinsi erisak?”

ISAIAH 29:13

Ndien Ɔbɔŋ ɔdɔhɔ ete, koro mbio-obio emi etienede mi ke inua mmɔ, enyuŋ ekponode mi ke mkpɔk-inua mmɔ, edi esit mmɔ ada nsan-nsan ye ami, uteŋe eke mmɔ eteŋede mi onyuŋ akabare edi item owo, ŋkpɔ eke etemede mmɔ: mmɔdo, sese,

ISAIAH 22:5

Koro Ɔbɔŋ Jehovah mme udim onimde usen ndutime, ye eke udigi, ye eke nnanenyin ke ebedeŋ ŋŋkukut, ke ewuri ibibene, ke eseme enɔ ikpɔ obot.

ISAIAH 9:19

Iyaresit Jehovah esin isɔŋ okim, mbio-obio enyuŋ ebiet udia ikaŋ: kiet iyakke kiet ɔbɔhɔ.

ISAIAH 5:29

mfiori mmɔ ebiet eke uman lion, mmɔ efiori nte mkparawa lion: eyenyuŋ ekuni, enyuŋ emum unam, enyuŋ emen enye enyɔŋ ke ifure, baba owo kiet eke anyaŋade idinyuŋ iduhe.

2 SAMUEL 22:43

Ndien nnuak mmɔ emem nte ntan isɔŋ: ntim mmɔ nte mbat efak, nnyuŋ ndigi mmɔ.

ISAIAH 5:5

Yak nsian mbufo, ndien, se ami ndinamde ye iŋwaŋ-vine mi: nyedibere ɔkɔ esie mfep, ndien enye eyekabare edi se etade; ŋwuri ibibene esie, ndien enye eyekabare edi se edigide:

ISAIAH 5:25

Oro esin Jehovah obumerede iyaresit ye ikɔt esie, onyuŋ anyan ubɔk esie odori mmɔ ke idem, onyuŋ ɔtɔ mmɔ: ndien ikpɔ obot enyek idem, mme okpo mmɔ enyuŋ ena nte ifum ke efak. Ofuri ŋkpɔ emi isinke iyaresit esie afiak edem, edi enye osuk anyanyan ubɔk esiemɔ.

ISAIAH 7:17

Jehovah eyeda oruk usen emi akananam midige toto ke usen oro Ephraim akadahade ɔkpɔŋ Judah, etiene fi, ye ikɔt fo, ye ufɔk usɔ, kpa edidem Assyria.

ISAIAH 8:8

ndien enye eyebe oduk ke Judah: eyetɔ onyuŋ asaŋa ebe, eyesim ke itɔŋ; ndien eritara mba esie eyedi se iyɔhɔde ubom isɔŋ fo, O Immanuel.

ISAIAH 24:5

Isɔŋ onyuŋ edehe ke idak mmɔ emi eduŋde ke esit: koro mmɔ eduede mbet, ebiatde ewuhɔ, enim nsinsi ediomi ke ikpikpu.

ISAIAH 32:6

Koro oburobut owo edidɔhɔde oburobut ŋkpɔ, esit esie edinyuŋ anam ŋkwaŋa, anam ata idiɔk ido, onyuŋ ɔdɔhɔ se minenke adian Jehovah, ayak owo biɔŋ etie biɔŋ, onyuŋ ayak mbon nsat-itɔŋ enana se eŋwɔŋde.

ISAIAH 33:1

IFƆNKE fɔn inɔ fi emi obumede, ndien mibumeke fi; emi onyuŋ owode ŋwo, ndien miwoho ŋwo ye afo! ke ini afo etrede ndibume eyebume fi; ama onyuŋ owo ŋwo ama, eyewo ŋwo ye afo.

ISAIAH 49:17

Nditɔ fo ewara edi; mmɔ eke ewuride enyuŋ ebiatde fi eyeto fi ke esit ewɔŋɔ.

ISAIAH 49:25

koro ntem ke Jehovah ɔdɔhɔ, ete, Eyebɔ idem ɔkpɔsɔŋ owo mbuot ekɔŋ esie, mbume owo ndik eyenyuŋ ɔbɔhɔ: ndien edi ami nditɔhɔ ye mmɔ eke etɔhɔde ye afo, edi ami ndinyuŋ nnyaŋa nditɔ fo.

EZEKIEL 29:20

Mmada isɔŋ Egypt nnɔ enye ke utip esie, emi enye aŋwanade ke esit, koro mmɔ ekenamde utom enɔ mi: uyo Ɔbɔŋ Jehovah edi emi.

EZEKIEL 38:12

ete ibume mbume, inyuŋ iwo ŋwo, inyuŋ ikabare ubɔk imɔ idori mme ŋwure emi eduŋde, inyuŋ isim mbio emi eketaŋde ke mme idut ebon, emi ekɔde ufene ye inyene, emi eduŋde ke ufɔt ererimbot.

EZEKIEL 38:13

Sheba, ye Dedan, ye mbon-urua Tarshish, ye kpukpru mkparawa lion esie eyedɔhɔ fi, ete, Nte afo emedi ndibume mbume? Nte omobon udim fo ndiwo ŋwo? ete itaŋ silver ye gold inyɔŋ, ida ufene ye inyene, inyuŋ ibume akamba mbume?

HABAKKUK 1:12

Nte afo udige Jehovah edisana Abasi mi toto ko? Nnyin idikpaha. O Jehovah, afo onim mmɔ ɔnɔ ikpe; O akwa itiat, afo owuk mmɔ onim ɔnɔ nduari.

2 NDIDEM 18:25

Nte ndɔk ndi ŋko ke ebiet emi ndisobo enye, ke mitoho Jehovah? Jehovah ɔkɔdɔhɔ mi, ete, Dɔk ka isɔŋ emi, nyuŋ sobo enye.

ISAIAH 8:4

Koro ke eyenɔwɔŋ emi mika-ifiɔkke nte okotde, ete, Ete mi, ye eka mi! mmɔ eyemen inyene Damascus, ye mbume Samaria, ebiom ke iso edidem Assyria.