ISAIAH 10:2 - Edisana ñwed Abasi Ibom

² man enuk mbon unana ke itie ikpe efep, enyuŋ eda ŋkanubɔk ebɔ mme ubuene ikɔt mi se inende, man mme ebe-akpa edi mbume mmɔ, man mmɔ enyuŋ ewo ŋwo ye nditɔ-akpa.

ISAIAH 10:2 Referans Kwoze

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

ISAIAH 3:14

Jehovah eyeda mbiowo ikɔt esie, ye mbɔŋ mmɔ oduk ke ikpe: “Mbufo ŋko emeta iŋwaŋ-vine; mbume mme ubuene odu ke ufɔk mbufo.

EZEKIEL 22:7

Mmɔ ese ete ye eka ke ndek ke ufɔt fo: enam esen owo nnama ke ufɔt fo: efik ebe-akpa ye eyen-akpa ke ufɔt fo.

ISAIAH 29:21

emi enamde ikpe otip owo ke ikɔ, enyuŋ ekɔkde afia enɔ ebiere-ikpe ke inua-otop, enyuŋ eda nsu enuk edinen owo efep.

ISAIAH 5:23

eke enamde ikpe asana idiɔk owo ebaŋa enɔ, enyuŋ ebɔde owo utebe-ikpe ndinen owo!

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

AMOS 2:7

itɔŋ ntanisɔŋ ke ibuot mbon-unana ɔdɔŋ mmɔ, mmɔ enyuŋ efimede usuŋ mbon ukut efep; ndien owo ye ete esie etiene eyen-aŋwan kiet, man esabare edisana enyiŋ mi.

ŊWED ESEME 3:35

ndikwaŋ ikpe owo ke iso Ata Andikoŋ,

JEREMIAH 7:6

edieke mbufo mitukke esen owo, ye eyen-akpa, ye ebe-akpa, minyuŋ iduɔkke iyip owo eke miduehe isop ke ebiet emi, minyuŋ ibineke abasi efen, eke ɔdiɔkde ye mbufo:

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

ŊWED MME PSALM 94:6

Ewot ebe-akpa ye esen owo, enyuŋ ewot nditɔ-akpa.

ISAIAH 3:15

Nsinam mbufo enuakde ikɔt mi, enyuŋ etukde mme ubuene iso?” Ntem ke Ɔbɔŋ Jehovah mme udim ɔdɔhɔ.

ISAIAH 32:6

Koro oburobut owo edidɔhɔde oburobut ŋkpɔ, esit esie edinyuŋ anam ŋkwaŋa, anam ata idiɔk ido, onyuŋ ɔdɔhɔ se minenke adian Jehovah, ayak owo biɔŋ etie biɔŋ, onyuŋ ayak mbon nsat-itɔŋ enana se eŋwɔŋde.

ISAIAH 59:15

Ndien akpanikɔ anana; owo eke akabarede ɔkpɔŋ idiɔk onyuŋ onim idem esie ke ŋkpɔ mbume. Ndien Jehovah okut, ndien ɔdiɔk enye ke enyin, koro edinen ikpe miduhe.

EXODUS 23:6

Kukwaŋa ikpe ubuene fo ke ikɔ esie.

ŊWED JOB 31:16

Edieke ŋkesinde mme ubuene ŋkpɔ eke mmɔ eyomde, nnyuŋ nnamde enyin anan ebe-akpa;

MME ŊKE 22:22

Kudia ubuene, koro enye ebuenede: kunyuŋ utuk owo ukut ke inua-otop:

MME ŊKE 30:14

Emana odu, emi edet mmɔ edide ofut, edet etak mbaŋ mmɔ enyuŋ edi ikwa, eke edade eta mbon-ukut ke isɔŋ efep, ye mme ubuene ke otu owo.

ISAIAH 1:17

eyom se inende, eneŋere se ikwaŋade, ekpe edinen ikpe enɔ eyen-akpa, eda ye ebe-akpa ke ikpe.

AMOS 2:6

Ntem ke Jehovah ɔdɔhɔ, ete, Idiɔk ido Israel ita ye inaŋ iyakke mi ŋkabare enye (ufen) mfep: koro mmɔ ekenyamde nti owo ke silver, enyam eyen ubuene ke ikpa-ukot iba;

AMOS 5:19

Kpa nte owo efehede ɔbɔhɔ lion, ndien bear osim enye: ye nte owo odukde ke ufɔk akadian ubɔk ke ibibene, ndien urukikɔt odom enye.

MICAH 3:1

NDIEN ami ndɔhɔ, nte, Mbɔk mbufo mme etubom Jacob, ye mbon ufɔk Israel, ekop; nte idotke mbufo ndifiɔk ikpe?