ISAIAH 10:16 - Edisana ñwed Abasi Ibom

¹⁶ Mmɔdo Ɔbɔŋ, Ɔbɔŋ mme udim, eyenɔ ndiɔk-idem esɔk mbon ubom mmɔ; ndien eyesak ke idak ubɔŋ mmɔ nte ikaŋ asakde.

ISAIAH 10:16 Referans Kwoze

2 CHRONICLES 32:21

Ndien Jehovah ɔdɔŋ angel okosobo kpukpru mbon uko, ye mbɔŋ ye mme etubom nna-ekɔŋ edidem Assyria. Ndien enye ada but ke iso ɔnyɔŋ ke idut esie. Ekem adaŋemi enye odukde ke ufɔk abasi esie, mmɔ emi eketode enye ke idem ewot enye do ke ofut.

UTOM MME APOSTLE 12:23

Edi idaha oro angel Ɔbɔŋ ɔtɔ enye, koro enye minɔŋɔ Abasi ubɔŋ: ndien ndɔŋ eta enye, enye onyuŋ akpa.

ŊWED MME PSALM 106:15

Ndien enye ɔnɔ mmɔ se eyomde; edi esin mmɔ ndiɔkidem ke ukpɔŋ.

ISAIAH 37:36

Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.

ISAIAH 37:29

Koro iyaresit fo ye ami, ye usɔŋ-enyin fo edɔkde ediduk mi ke utɔŋ, mmɔdo ndisinde fi mkpanuen mi ke ibuo, ye uruk mi ke mkpɔk-inua, ndien nyenam fi afiak ke usuŋ emi afo akasaŋade ke esit edi.

ISAIAH 17:4

Ndien ama ekem ke usen oro, ubɔŋ Jacob eyekabare ekpri, mfɔn-idem esie eyenyuŋ akabare edi ndiɔk-idem.

ISAIAH 10:18

onyuŋ ata ubɔŋ akai esie, ye eke eti iŋwaŋ esie, ukpɔŋ ye obukidem: ndien enye eyebiet ndiɔk-idem owo udɔŋɔ.

ISAIAH 9:5

Koro kpukpru ŋkpɔ ekɔŋ eke owo ekɔŋ adade oduk ke ekɔŋ, ye ɔfɔŋ-idem eke ewerede ke iyip, edi se edifɔpde udia ikaŋ.

ISAIAH 5:17

Ndien nditɔ-erɔŋ eyeta mbiet, nte ɔtɔ mbiet mmɔ, isen owo eyenyuŋ edia ndon mmɔ eke ekponide.

ISAIAH 8:7

Ɔbɔŋ ke ada mkpɔsɔŋ ye akamba mmɔŋ akpa, kpa edidem Assyria, ye ofuri ubɔŋ esie, ɔdɔk etiene mmɔ: ndien enye eyetɔ ɔyɔhɔ ke ofuri akpa esie, onyuŋ emen ofuri mben esie:

ŊWED MME PSALM 78:31

ndien iyaresit Abasi ɔdɔk etiene mmɔ onyuŋ owot mmɔ eke ekponde ke otu mmɔ, onyuŋ emen mkparawa Israel ɔduɔk ke isɔŋ.

ISAIAH 31:9

Ndien ndik eyenam akwa itiat esie ebe, ɔfɔŋ-etak-ubom eyenyuŋ anam mme etubom esie edikhe: emi edi uyo Jehovah emi enyenede ikaŋ ke Zion, ye otuŋ ikaŋ ke Jerusalem.

JEREMIAH 21:14

Ndien nyenɔ mbufo ufen nte asaŋade ke mfri ido mbufo: nyenyuŋ mbara ikaŋ ke akai esie, ndien enye eyeta kpukpru se ikande enye ikuk: uyo Jehovah edi emi.

EZEKIEL 34:16

Nyeyom se isopde, nnyuŋ nda se ekebinde efep mfiak ndi, nnyuŋ mbɔp se ibuŋɔde, nnyuŋ nsɔŋ se idem ememde enye: nnyuŋ nsobo se ikponde ye se isɔŋde; nnyuŋ nda ikpe mbɔk mmɔ.

NAHUM 1:12

Ntem ke Jehovah ɔdɔhɔ, ete, Okposuk edi nte mmɔ edide mfuri-mfuri, enyuŋ ewakde ntem, ntem ke edisibe mmɔ efep ŋko, ndien enye eyetak. Okposuk edi nte ŋkotukde fi, nditukke aba fi.

ZEPHANIAH 2:13

Ndien enye eyenyanare ubɔk esie odori edem edere, onyuŋ osobo Assyria; eyenyuŋ onim Nineveh ke ikpikpru ndon, edisat nte wilderness.

ISAIAH 9:4

Koro afo omobuŋ ɔkpɔnɔ mbiomo esie, ye eto afara esie, ye esaŋ andifik enye, kpa nte akanamde ke usen Midian.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

JEREMIAH 48:14

Mbufo enam didie edɔhɔ ete, Nnyin idi mbon uko ye mkpɔsɔŋ owo ke ekɔŋ?

ZECHARIAH 7:4

Ndien uyo Jehovah mme udim osim mi, ete,