ISAIAH 1:6 - Edisana ñwed Abasi Ibom

⁶ Ɔtɔŋɔde ke ikpat ukot tutu osim ke ibuot, baba nsɔŋidem iduhe ke esit; ke edi unan ye ŋkukip, ye obufa ufen: ifikke mmɔ, inyuŋ ibɔpke, inyuŋ iyetke mmɔ aran inam emem.

ISAIAH 1:6 Referans Kwoze

JEREMIAH 6:14

Mmɔ enyuŋ ekɔk unam adiaha ikɔt mi enyɔŋ-enyɔŋ, ete, “Emem, emem;” ndien baba emem iduhe.

MATTHEW 9:12

Edi ke ini Jesus okopde, Enye ete, Mmɔ emi enyenede nsɔŋidem iyomke abia-ibɔk, edi mmɔ emi edɔŋɔde eyom.

JEREMIAH 33:6

Sese, ami nyeda ibɔk ukure unan ndian enye, nyenyuŋ ŋkɔk mmɔ, nnyuŋ nyarare uwak emem ye akpanikɔ nnɔ mmɔ.

LUKE 10:34

onyuŋ okut enye, atua enye mbɔm, asaŋa adiana enye, ɔtɔhɔ wine ye aran ke unan esie, onyuŋ ɔbɔp mmɔ: onyuŋ emen enye odori ke enyɔŋ enaŋ esiemɔ, ada enye edi ke ufɔk-isen, onyuŋ ekpeme enye.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

ŊWED MME PSALM 77:2

Ŋkoyom Ɔbɔŋ ke usen ukut mi: ubɔk mi atara ke okoneyo, inyuŋ idoroke ibikpai: ukpɔŋ mi esin ndɔŋesit.

ŊWED JOB 5:18

Koro Enye ɔnɔde unan ndien ɔbɔp: anuak, ndien ubɔk esie anam unan akpa.

NAHUM 3:19

Nditaha fo inyeneke erikɔbɔ: unan fo omodoro ufiɔn: kpukpru mmɔ eke ekopde etop fo eyekwak ubɔk ebaŋa fi: koro anie owo odu eke idiɔk ido fo mikesimke enye kpukpru ini?

JEREMIAH 30:12

Koro ntem ke Jehovah ɔdɔhɔ, ete, Inyeneke nte ekɔkde unan fo, ufen fo ɔmɔdiɔk akan.

2 SAMUEL 14:25

Baba owo kiet eke eyede nte Absalom inyuŋ iduhe ke ofuri Israel, emi etorode eti-eti: ɔtɔŋɔde ke ikpat ukot esie tutu osim ke etiŋe ibuot enye inyeneke baba ndo kiet.

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

JEREMIAH 6:7

Kpa nte iso idim otopde mmɔŋ esiemɔ, kpa ntre ke enye otop idiɔk ido esie: mmɔ ekop enye ŋkanubɔk ye mbume ke esit; ubiak ye unan esuk edudu ke iso mi kpukpru ini.

JEREMIAH 30:15

Nsinam afo atuade abaŋa unan fo? Ubiak fo ɔmɔdiɔk akan: koro mme idiɔk ido fo ewakde, mme ukwaŋ-ŋkpɔ fo enyuŋ ekɔride, ami nnam fi ŋkpɔ emi.