Biblia Todo Logo
Bib sou entènèt

- Piblisite -




ISAIAH 1:4 - Edisana ñwed Abasi Ibom

4 Ɔdiɔk ɔnɔ idut emi anamde idiɔk, mbio emi ebiomde idiɔk ido, ubon mme oburobut owo, nditɔ emi ekabarede ediɔk! Mmɔ emekpɔŋ Jehovah, emesin Edisana Abasi Israel ke ndek, emekabare efiak edem.

Gade chapit la Kopi




ISAIAH 1:4
69 Referans Kwoze  

Mmɔdo nte edemikaŋ atade etak nnyanyaŋa, ye nte edisak mbiet ɔduɔde, kpa ntre oruŋ mmɔ edibiet mbumbu eto, ikɔŋ mmɔ eyenyuŋ ɔdɔk nte obu: koro mmɔ emende ibet Jehovah mme udim eduɔk, enyuŋ esinde uyo Edisana Abasi Israel ke ndek.


Nte afo unamke emi unɔ idem fo, koro afo ɔkɔkpɔŋde Jehovah Abasi fo, ke ini eke enye adade fi usuŋ?


Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.


koro erikere ŋkpɔ obukidem edi eriŋwana ye Abasi; koro utɔ esit oro misukke ibuot inɔ ibet Abasi, minyuŋ ikemeke ndisuk ibuot.


Edi ke ini enye okutde ediwak mme Pharisee ye mme Sadduccee edide edina baptism ke ubɔk esie, enye ete mmɔ, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?


Nte idige idem-mmɔ? ndien oto do mmɔ eda but ke iso.


Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.


“Yak enye awara, yak ɔsɔp ubɔk anam utom esie, man nnyin ikut: yak uduak Edisana Abasi Israel onyuŋ asaŋa edikpere, man nnyin ifiɔk!”


Ke emi mmedat esit ke ndutuhɔ eke ŋkutde kabaŋa mbufo, nnyuŋ nnam se isuhɔde ke ukut Christ ɔyɔhɔ ke obukidem mi, man ɔfɔn ye idem Esie, oro edi ufɔk Abasi:


Mme, nte nnyin inanam Ɔbɔŋ ofibe ufup? Nte imenyene odudu ikan Enye?


Mbufo mme urukikɔt, mbufo nditɔ ibɔm, edisaŋa didie ebɔhɔ ikpe hell?


Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.


Eda enɔ enɔ kpukpru mme akpara; edi afo ada enɔ fo ɔnɔ mme mmɔ emi emade fi, onyuŋ ekpe mmɔ, ete eto ke ŋkan-ŋkuk etiene fi ke use fo.


Koro midige Abasi Israel ye Judah esin mmɔ etie nte ebe-akpa, minyuŋ idige Jehovah mme udim; koro isop emi mmɔ eduede ye Edisana Abasi Israel ɔyɔhɔde ke isɔŋ mmɔ.


Mbufo ekot mbon utiga edi ekɔŋ ye Babylon: kpukpru mbufo emi enukde utiga enam nna ekɔŋ ekan enye ekuk; ekuyak baba owo kiet ɔbɔhɔ ke esit, enɔ enye utip nte ekemde ye utom esie; mbufo enam enye kpukpru nte enye akanamde, koro enye ataŋde idem ye Jehovah, ye Edisana Abasi Israel.


ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.


Afo anam didie otim anam usuŋ fo man ebine ima? Mmɔdo afo emekpep mme idiɔk iban usuŋ fo ŋko.


O emana, mbufo ekut uyo Jehovah. Nte ami ŋkedi wilderness nnɔ Israel? Nte ŋkedi isɔŋ ekim? Nsinam ikɔt mi ekedɔhɔde, ete, Nnyin imɔŋ iyɔrɔ kpukpru ebiet; nnyin ididige aba ke ɔtɔ fo?


ntem ke Jehovah ɔdɔhɔ ete, Mme ete mbufo ekekut nso ukwaŋ-ŋkpɔ ye ami eke mmɔ ekpɔŋde mi anyan usuŋ, enyuŋ ebinede ikpikpu ŋkpɔ, enyuŋ ekabare edi oburobut? Inyuŋ idɔhɔke ite,


mbio emi eyatde mi esit aŋwa-aŋwa kpukpru ini; eke ewade uwa ke iŋwaŋ-esa, enyuŋ efɔpde incense ke mme brick:


man mmɔ ekut enyuŋ efiɔk, enyuŋ enim ibuot ke esit, enyuŋ etim efiɔk, ke ini kiet, ete ke ubɔk Jehovah akanam emi, Edisana Abasi Israel okonyuŋ obot enye.


Afo eyesak mmɔ, ndien ofum eyemen mmɔ efep, idio eyenyuŋ asuan mmɔ: ndien afo eyedara Jehovah, onyuŋ obure mbure ke Edisana Abasi Israel.


Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.


Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.


Koro ntem ke Ɔbɔŋ Jehovah, Edisana Abasi Israel, ɔdɔhɔ, ete, Ke erikabare ye ke nduɔk-odudu ke mbufo edikeme ndibɔhɔ; ke eritie suŋ, ye ke mbuɔtidem, ke odudu mbufo edidu: edi mbufo ikonyimeke.


Koro mmɔ edide mbon nsɔŋibuot, nditɔ nsu, nditɔ eke minyimeke ndikop mbet Jehovah.


Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.


Afo ududianake ye mmɔ ke udi, koro afo ebiatde isɔŋ fo, onyuŋ owotde ikɔt fo: idikotke enyiŋ ubon mme oburobut owo ke nsinsi.


Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.


Koro Jerusalem ke ofofum, Judah onyuŋ ɔduɔ: koro edeme mmɔ ye ido mmɔ eduede Jehovah, enyuŋ eyatde enyin ubɔŋ esie.


Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.


enyɔŋ. Koro otu-ekɔŋ nnyin enyenede Jehovah; edidem nnyin onyuŋ enyene Edisana Abasi Israel.


Adaŋa didie ke mmɔ ekemiom enye ke wilderness, enyuŋ eyat enye esit ke desert!


ndien ekutie nte mme ete mmɔ, emana nsɔŋ-ibuot ye emiom, emana eke mi-timke esit mmɔ; ndien spirit mmɔ isɔŋɔke ida ye Abasi.


Mme idiɔk owo ewaha etɔŋɔde ke idibi: mmɔ edue enyuŋ esu nsu, toto ke ini mmɔ ekememana.


Ndien nditɔ Israel eseme enɔ Jehovah, ete, Nnyin ima inam idiɔk ido ye afo: koro nnyin ikɔkpɔŋde Abasi nnyin, inyuŋ inam ŋkpɔ Baalim.


Ndien Jehovah okut, onyuŋ asua, abaŋa eriyat emi nditɔ-iren esie ye nditɔ-iban esie eyatde enye esit.


Ndien Jehovah ɔdɔhɔ Moses, ete, Sese, afo ɔmɔŋ edina ye mme usɔ; ndien mbio emi eyedaha ke enyɔŋ eketieŋe mme isen abasi mme idut emi mmɔ ekade do ndi duk ke otu mmɔ, eyenyuŋ ekpɔŋ mi, enyuŋ ebiat ediomi mi emi nnamde ye mmɔ.


Ndien mmɔ eyedɔhɔ ete, Koro mmɔ ekekpɔŋde ediomi Jehovah Abasi mme ete mmɔ, emi enye akanamde ye mmɔ ke ini enye okosiode mmɔ ke isɔŋ Egypt efep:


Ndien sese, mbufo mme udim mme idiɔk owo, emedahada ke ibuot mme ete mbufo, kpaŋ iyaresit Jehovah ɔdɔdiɔŋ ofiop ye Israel aka iso.


Ndien nditɔ Sodom edediɔk, mmɔ edue Jehovah eti eti.


koro mme idiɔk-ŋkpɔ esie ema eboho ekoŋ esim enyɔŋ, Abasi omonyuŋ eti mme ukwaŋkpɔ esie.


Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.


Nnyin ima inam oburobut ye afo, inyuŋ ikpemeke mbet, ye ewuhɔ, ye item oro afo okowukde Moses owo fo.


Ami ŋko nyekɔm, fi, ye akpanikɔ fo, ke psaltery, O Abasi mi: nyeda harp ŋkwɔ nnɔ fi, O Edisana Abasi Israel,


Edi eyesobo mme oburobut owo ye mme anam idiɔk ini kiet, ndien mmɔ eke ekpɔŋde Jehovah eyetak.


Oro esin mkparawa mmɔ midinemke Ɔbɔŋ esit, esin enye mituaha nditɔ-akpa mmɔ, ye mme ebe-akpa mmɔ mbɔm: koro kpukpru mɔ edide mme oburobut ye mme anam idiɔk, kpukpru inua enyuŋ edɔhɔ ndisime. Ofuri ŋkpɔ emi isinke iyaresit esie akabare, edi enye ke anyanyan ubɔk esie kaŋa.


Edi enye ŋko ɔfiɔk ŋkpɔ, onyuŋ ada idiɔk-ŋkpɔ edi, enye ikabakede uyo esie; edi adaha ke enyɔŋ ɔtɔhɔ ye ufɔk mme oburobut owo, ye mmɔ emi eŋwamde mme anam-idiɔk.


Ŋkayat esit mbaŋa idiɔk mbumek esie, nnyuŋ mmiŋa enye: ŋkedibe nnyuŋ nyat esit: ndien enye asaŋa akabare akabare ke usuŋ esit esiemɔ.


Ndien mmɔ eyeyom mi kpukpru usen, ifiɔk usuŋ mi eyenyuŋ enem mmɔ esit, nte idut eke anamde edinen ido, minyuŋ ikpɔŋke ikpe Abasi mmɔ. Mmɔ eyebeŋe mi mme ikpe eke enende: eritiene Abasi eyenem mmɔ esit.


Edi ama edi mbufo emi ekpɔŋde Jehovah, enyuŋ efrede edisana obot mi, emi ebride okpokoro enɔ Gad, enyuŋ edade mbuaha esin enɔ Meni etɔhɔ;


Jehovah ɔdɔhɔ, ete, Afo ɔmɔkpɔŋ mi, amafiak edem: ndien nyenyan ubɔk mi ntuk fi, nnyuŋ nsobo fi; mkpɔfiɔk efek mi.


mbaŋa ofuri idiɔk ido nditɔ Israel, ye eke nditɔ Judah, emi mmɔ enamde ndiyat mi esit, mmɔ ye ndidem mmɔ, ye ikpɔ owo mmɔ, ye mme oku mmɔ, ye mme prophet mmɔ, ye mbio Judah, ye mme andiduŋ Jerusalem.


man nda esit ufɔk Israel mmum mmɔ: koro ibɔk mmɔ esinde kpukpru mmɔ ekabare ekpɔŋ mi.


“Eyen-aŋwan ebiet eka esie.” Afo edi eyen-uka emi akasuade ebe esie ye nditɔ esie; afo onyuŋ edi eyen-eka aŋwan nditɔ-uka iban emi ekesuade mme ebe mmɔ ye nditɔ mmɔ: eka fo ekedi Hittite, ete mbufo okonyuŋ edi Amorite ŋko.


Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.


ye mmɔ eke ekpɔŋde Jehovah efiak edem; eke miyomke Jehovah ŋko, minyuŋ ibineke enye.


Ndien Jehovah ɔdɔhɔ Moses, ete, Suhɔre, nyɔŋ: koro oruk fo, emi afo akadade ke isɔŋ Egypt ɔwɔrɔ, emebiara.


Enye (Israel) amakabare ɔdiɔk ye enye, ndo mmɔ idige eke nditɔ esie: ke edi emana itun ye ukwaŋ.


onyuŋ ɔkpɔŋ Jehovah Abasi mme ete esie; inyuŋ isaŋake ke usuŋ Jehovah.


EDIKEM adaŋemi Reho-boam ama ɔkɔdiɔŋ onim ubɔŋ, onyuŋ ɔsɔŋɔ itie esie, enye ye ofuri Israel ŋko ekpɔŋ mbet Jehovah.


Ndien enyiŋ eka esie ekere Jerushah, eyen Zadok. Enye onyuŋ anam se inende ke iso Jehovah, nte Uzziah ete esie akanamde kpukpru: edi idukke ke temple Jehovah. Ndien mbio-obio esuk enam idiɔk.


Enyuŋ etɔŋɔ ntak edomo Abasi, enyuŋ esuene Edisana Abasi Israel.


Enyuŋ efiak edem, enyuŋ enam abiaŋa nte mme ete mmɔ: mmɔ ekabare nte emik utiga.


JEHOVAH ɔdɔhɔ ete, Ifɔnke fɔn inɔ nditɔ nsɔŋ-ibuot, emi enamde uduak, edi itoho mi: enyuŋ ediomide ediomo, edi itoho spirit mi, man ekɔt idiɔk ido ke idiɔk ido.


Swiv nou:

Piblisite


Piblisite