ISAIAH 1:30 - Edisana ñwed Abasi Ibom

³⁰ Koro mbufo eyebiet ofriyo emi ikɔŋ esie ekeŋede, ebiet iŋwaŋ eke mmɔŋ miduhe ke esit.

ISAIAH 1:30 Referans Kwoze

MATTHEW 21:19

Ndien ke ini Enye okutde eto fig ke mben ɔkpɔusuŋ, asaŋa ekpere, inyuŋ ikwe ŋkpɔ ke esit, ke mibɔhɔke ikɔŋ-ikɔŋ; onyuŋ ɔdɔhɔ eto oro ete, Mfri okuto fi oŋwum ɔtɔŋɔde ke emi tutu amama.

EZEKIEL 17:24

ndien kpukpru eto ikɔt eyefiɔk ete ke ami Jehovah nduɔk edikoŋ eto, mmenere edinuhɔ eto ke enyɔŋ, nnam nsehe eto asat, nnyuŋ nnam edisat eto esehe: ami Jehovah ndɔhɔ nnyuŋ nnam.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

ISAIAH 58:11

ndien Jehovah eyeda fi usuŋ kpukpru ini, onyuŋ ɔyuhɔ ukpɔŋ fo ke nda-eyo, onyuŋ anam mme ɔkpɔ fo esɔŋɔ: ndien afo eyebiet iŋwaŋ eke ebitde, ebiet idim mmɔŋ eke mmɔŋ esie mibiaŋake.

ISAIAH 5:6

ndien nyebiat enye mma: owo idisepke enye, idinyuŋ idiɔŋke; edi akpap ye ŋkukim eyetibe; nyenyuŋ ŋwuk obubit enyɔŋ, nte edim okudep ke esit:

GENESIS 12:6

Ndien Abram asaŋa ke ufɔt isɔŋ oro ebe osim ke ebiet Shechem, ke ɔtɔ Moreh. Mme Canaanite enyuŋ edu ke isɔŋ ke ini oro.

ISAIAH 64:6

Nnyin kpukpru inyuŋ ibiet ŋkpɔ ndek, kpukpru nti ido nnyin enyuŋ ebiet edidehe ɔfɔŋidem; kpukpru nnyin inyuŋ iyemere nte ikɔŋ; mme idiɔk ido nnyin enyuŋ emen nnyin efep nte ofum.

ISAIAH 64:5

Afo osobo ye owo eke adatde esit ke erinam edinen ido, eke adade usuŋ fo eti fi. Sese, afo amayat esit: ndien nnyin inam idiɔk: nsinsi ubigi odu mmɔ oro ke esit, ndien eyenyaŋa nnyin.