ISAIAH 1:21 - Edisana ñwed Abasi Ibom

²¹ Anam didie obio akpanikɔ akabare edi akpara! se inende ɔkɔyɔhɔ ke esit; eti ido ɔkɔduŋ ke esit; edi ke emi mme owot-owo.

ISAIAH 1:21 Referans Kwoze

ERIYARARE 11:8

Okpo mmɔ eyenyuŋ ena ke efak akwa obio oro esiode enye enyiŋ Sodom ye Egypt ke usem spirit, kpa obio oro Ɔbɔŋ mmɔ nde ɔkɔkɔŋɔde ke cross ke esit.

ERIYARARE 11:2

Edi sio okure emi odude ke edem temple fep, kunyuŋ udomo enye oro, koro ema eyak enye enɔ mme idut; mmɔ eyenyuŋ edigi edisana obio ke ikpat ke ɔfiɔŋ aba ye iba.

MME HEBREW 12:22

Edi mbufo ekesaŋa ekpere Obot Zion, ye Obio Abasi uwem kpa Jerusalem enyɔŋ, ye ata ediwak angel, ye akwa esop ye ufɔk Abasi eke mmɔ emi edide ikpan,

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

LUKE 13:34

O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

HOSEA 11:12

Ephraim ada nsu akan mi okuk, ufɔk Israel onyuŋ ada abiaŋa akan mi okuk: Judah onyuŋ osuk asaŋa otime-otime ye Abasi, ye edisana mbon akpanikɔ ŋko.

JEREMIAH 3:1

KPA nte edɔhɔde ete, Edieke owo osiode ŋwan esiemɔ, ndien ŋwan ɔkpɔŋ enye, onyuŋ akabare edi ŋwan owo efen, nte ebe ekeme ndifiak ntiene enye ŋko? Nte ikpasabakede isɔŋ oro eti-eti? Ndien afo amanam ido akpara ye ediwak mme ufan; edifiak tiene mi; Jehovah ɔdɔhɔ.

ISAIAH 48:2

Koro edade edisana obio esio idem mmɔ enyiŋ, enyuŋ ebuɔtde idem mmɔ ye Abasi Israel; Jehovah mme udim edi enyiŋ esie.

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

ŊWED MME PSALM 48:8

Kpa nte nnyin ikokopde, kpa ntre ke nnyin ikut ke obio Jehovah mme udim, ke obio Abasi nnyin: Abasi eyenim enye ke nsinsi. [Selah.]

ŊWED MME PSALM 48:1

JEHOVAH omokpon, onyuŋ ɔfɔn nte etorode enye akamba ke obio Abasi nnyin, kpa ke edisana obot esie.

ŊWED MME PSALM 46:4

Akpa (odu): mme idim esie eyedat obio Abasi esit, kpa edisana iduŋ Ata Edikoŋ.

NEHEMIAH 11:1

NDIEN mbɔŋ obio eduŋ ke Jerusalem: mbio-obio eken enyuŋ esin afia, ete ida owo kiet ke itie duop idinim eduŋ ke Jerusalem edisana obio, ye mbak usukkiet ke mme obio eŋwen.

2 CHRONICLES 19:9

Ndien enye owuk mmɔ, ete, Ntem ke mbufo edinam ke uteŋe Jehovah, ye ke akpanikɔ, ye ke esit kiet.

2 SAMUEL 8:15

Ntre ke David edi edidem ofuri Israel; David onyuŋ ekpe edinen ikpe ɔnɔ kpukpru ikɔt esie.

ERIYARARE 17:1

EKEM angel kiet ke otu mme angel itiaba oro enyenede eso itiaba edi edidɔhɔ mi ete, Di ken; nyewut fi ubiom-ikpe akamba akpara oro etiede ke enyɔŋ ediwak mmɔŋ;

ISAIAH 1:22

Silver fo amakabare edi ifuɔ, wine fo amakabare edi mmɔŋ.

ISAIAH 59:3

Koro iyip asabarede mbufo ubɔk, idiɔk ido onyuŋ asabare mbufo nnuenubɔk; mkpɔk-inua mbufo ededɔhɔ nsu, edeme mbufo etetiŋ ukwaŋ-ŋkpɔ.

ISAIAH 59:14

Enyuŋ ebin edinen ido afiak edem, eti ido onyuŋ ada nsan-nsan: koro akpanikɔ ɔmɔduɔ ke aŋwa, se inende inyuŋ ikemeke ndiduk.

ISAIAH 59:15

Ndien akpanikɔ anana; owo eke akabarede ɔkpɔŋ idiɔk onyuŋ onim idem esie ke ŋkpɔ mbume. Ndien Jehovah okut, ndien ɔdiɔk enye ke enyin, koro edinen ikpe miduhe.

HOSEA 2:5

Koro eka mmɔ ekenamde use, andiman mmɔ amanam oburobut: koro enye ɔdɔhɔde ete, Nyetiene mmɔ eke emade mi, emi enɔde mi uyo mi ye mmɔŋ mi, ye idet erɔŋ mi ye flax mi, ye aran mi ye se ŋŋwɔŋde.

HABAKKUK 1:4

Oro esin ibet okpu, ikpe inyuŋ iwɔrɔke nte asaŋade ye akpanikɔ: koro mme idiɔk owo ekande nti owo ekuk; mmɔdo edikwaŋa ikpe ɔwɔrɔde.

ISAIAH 26:10

Ɔkpɔfɔn ido ye idiɔk owo, enye idikpepke se inende; enye eyenam ukwaŋ-ŋkpɔ ke isɔŋ mmɔ eke enende, idinyuŋ ikwe ubom Jehovah.