ISAIAH 1:2 - Edisana ñwed Abasi Ibom

² Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.

ISAIAH 1:2 Referans Kwoze

DEUTERONOMY 32:1

MBUFO mme enyɔŋ ekpaŋ utɔŋ, ndien nyedɔhɔ; O isɔŋ, nyuŋ kop ikɔ inua mi.

DEUTERONOMY 30:19

Mmowuk enyɔŋ ye isɔŋ, nte edi ntiense ebaŋa mbufo mfin emi; mmada uwem ye mkpa, eridiɔŋ ye isuŋi, nnim fi ke iso; mek uwem, ndien man afo ye nditɔ fo edu uwem:

MICAH 1:2

Mbufo kpukpru owo ekop! O isɔŋ, ye se iyɔhɔde ke esit, mbufo ekpaŋ utɔŋ! ndien yak Ɔbɔŋ Jehovah edi ntiense abaŋa mbufo, kpa Ɔbɔŋ ke edisana temple esie.

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.

ŊWED MME PSALM 50:4

Enye eyefiori okot heaven ke enyɔŋ, ye isɔŋ, ete ikpe ikpe ikɔt imɔ.

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

MICAH 3:8

Edi odudu emi otode spirit Jehovah, ye ikpe ye uko eyɔhɔ mi ke idem, man ŋwut Jacob idiɔk ido esie, nnyuŋ ŋwut Israel ukwaŋ-ŋkpɔ esie.

AMOS 3:1

NDITƆ Israel, mbufo ekop uyo emi Jehovah ɔdɔhɔde abaŋa mbufo, abaŋa ofuri oruk owo oro ami ŋkosiode ke isɔŋ Egypt ndɔk, nte,

EZEKIEL 36:4

ikpo obot Israel, mbufo ekop ndien uyo Ɔbɔŋ Jehovah, ete, Ntem ke Ɔbɔŋ Jehovah ɔdɔhɔ ye ikpɔ obot ye ŋkpri, ye mme udiɔŋ mmɔŋ, ye mme ebedeŋ, ye mme ikpikpu ndon, ye mme obio emi ekekpɔŋde, emi ekedide se mme idut emi esuhɔde ekan ekuk, ebumede enyuŋ esakde.

JEREMIAH 22:29

O isɔŋ! isɔŋ! isɔŋ! kop uyo Jehovah.

JEREMIAH 6:19

Ererimbot, kop: sese, ami mmɔŋ nda idiɔk-ŋkpɔ ntiene mbio emi, kpa mfri ekikere mmɔ: koro mmɔ mikpaŋke utɔŋ ke ikɔ mi ye mbet mi, edi esin enye.

ISAIAH 65:2

Ke ofuri usen ke nnyanare ubɔk mi nnɔ mbon nsɔŋ-ibuot, emi esaŋade ke usuŋ eke mifɔnke, ebine ekikere idem mmɔ;

ISAIAH 30:9

Koro mmɔ edide mbon nsɔŋibuot, nditɔ nsu, nditɔ eke minyimeke ndikop mbet Jehovah.

ISAIAH 30:1

JEHOVAH ɔdɔhɔ ete, Ifɔnke fɔn inɔ nditɔ nsɔŋ-ibuot, emi enamde uduak, edi itoho mi: enyuŋ ediomide ediomo, edi itoho spirit mi, man ekɔt idiɔk ido ke idiɔk ido.

JEREMIAH 31:9

Mmɔ eyetua eyet edi: nyenyuŋ nda mmɔ usuŋ ke mkpe-ubɔk: nyeda mmɔ ŋka idim mmɔŋ, nsaŋa ke edinen usuŋ, mmɔ ididuɔŋɔke ke esit: koro ami ndide ete Israel, Ephraim onyuŋ edi akpan mi.

JEREMIAH 13:15

Mbufo ekop, enyuŋ ekpaŋ utɔŋ: ekuseri iseri: koro Jehovah ɔmɔdɔhɔ.

DEUTERONOMY 1:31

ye ke wilderness emi afo okokutde nte Jehovah Abasi fo akamade fi, kpa nte owo akamade eyen esiemɔ, ke ofuri usuŋ emi mbufo esaŋade, tutu mbufo edisim ke ebiet emi.

UTOM MME APOSTLE 4:20

koro nnyin mikemeke nditre nditiŋ se nnyin ikokutde inyuŋ ikopde.

ŊWED MME PSALM 49:1

MBUFO kpukpru mme idut ekop ikɔ emi; kpukpru mme andiduŋ ererimbot,

ISAIAH 31:6

Mbufo nditɔ Israel, ekabare etiene Enye emi emiomde eti-eti.

ISAIAH 34:1

MBUFO mme idut edi edikop; mbufo mme obio enyuŋ ekpaŋ utɔŋ: yak ererimbot ye se iyɔhɔde ke esit ekop; ye isɔŋ ye se itibede ke esit.

ISAIAH 63:16

Koro afo edide ete nnyin; koro Abraham mifiɔkke nnyin, Israel midinyuŋ idiɔŋɔke nnyin. Afo, O Jehovah, edi ete nnyin; andifak nnyin edi enyiŋ fo ke nsinsi.

JEREMIAH 3:22

Mbufo nditɔ mfiakedem efiak edi, ndien ami nyekɔk mfiakedem mbufo. “Sese, nnyin itiene fi, koro afo edide Jehovah Abasi nnyin.

EZEKIEL 24:3

Nyuŋ ke ŋke baŋa ufɔk nsɔŋ-ibuot, nyuŋ dɔhɔ baŋa mmɔ, ete, Ntem ke Ɔbɔŋ Jehovah ɔdɔhɔ, ete, Tem eso, tem, nyuŋ ŋwaŋa mmɔŋ sin ke esit:

2 NDIDEM 21:22

onyuŋ ɔkpɔŋ Jehovah Abasi mme ete esie; inyuŋ isaŋake ke usuŋ Jehovah.

MICAH 1:1

UYO Jehovah emi okosim Micah Morashtite, ke eyo Jotham, Ahaz, ye Hezekiah, ndidem Judah, (uyo) emi ke enye okokut abaŋa Samaria ye Jerusalem.