ISAIAH 1:17 - Edisana ñwed Abasi Ibom

¹⁷ eyom se inende, eneŋere se ikwaŋade, ekpe edinen ikpe enɔ eyen-akpa, eda ye ebe-akpa ke ikpe.

ISAIAH 1:17 Referans Kwoze

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

JEREMIAH 22:3

ntem ke Jehovah ɔdɔhɔ, ete, Mbufo enam ikpe ye edinen ido, enyuŋ esio owo eke ebumede efep ke ubɔk andituk: ekunyuŋ etuk, ekunyuŋ efik esen owo ye eyen-akpa ye ebe-akpa, ekunyuŋ eduɔk iyip owo eke miduehe, ke ebiet emi.

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

MME ŊKE 31:9

Tat inua fo, kpe edinen ikpe: nyuŋ biere ikɔ mbon ukut ye ubuene.

ZECHARIAH 8:16

Mme mmɔ emi edi ŋkpɔ eke mbufo edinamde: etiŋ akpanikɔ kiet ye kiet; enyuŋ ekpe ikpe akpanikɔ ye emem ke inua-otop mbufo:

ZEPHANIAH 2:3

Mbufo kpukpru suŋ-suŋ mbio isɔŋ emi enamde ikpe esie, eyom Jehovah; mbufo eyom edinen ido, eyom suŋ-suŋ ido: mme mbufo eyedibe ke usen iyaresit Jehovah.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.

DEUTERONOMY 14:29

ndien Levite, (koro enye minyeneke ubak ye udeme ye afo,) ye esen owo, ye eyen-akpa, ye ebe-akpa, eke edude ke mme obio fo, edi edidia eyuhɔ; man Jehovah Abasi ɔdiɔŋ fi ke kpukpru utom ubɔk fo eke afo edinamde.

ŊWED MME PSALM 34:14

Wɔŋɔre kpɔŋ idiɔk, nyuŋ nam eti: yom emem, nyuŋ bine enye.

ISAIAH 56:1

NTEM ke Jehovah ɔdɔhɔ ete, Mbufo enim ikpe, enyuŋ enam se inende: koro erinyaŋa mi emekpere ndidi, edinen ido mi omonyuŋ ekpere ndiyarare.

ISAIAH 58:6

Nte idige emi edi utre-udia eke ndimekde enye: eritat uruk idiɔk ido, erikpɔhɔre ubɔp-ŋkpɔ ɔkpɔnɔ, nnyuŋ nsana mmɔ eke owo efikde nnyak, nnyuŋ mbuŋ kpukpru ɔkpɔnɔ?

JEREMIAH 21:12

O ufɔk David, ntem ke Jehovah ɔdɔhɔ ete, Mbufo ebiere ikpe ke usenubɔk, enyuŋ esio owo eke ebumede ke ubɔk andituk, mbak ifuresit mi ediwɔrɔ nte ikaŋ onyuŋ asak, baba owo kiet eke onimede idinyuŋ iduhe, kabaŋa mme idiɔk ido mbufo.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

EXODUS 22:21

Kufik esen owo, kunyuŋ utuk enye: koro mbufo ekedide isen owo ke isɔŋ Egypt.

MME ŊKE 15:25

Jehovah eyedibere ufɔk mbon iseri efep: edi eyeneŋere adaŋa ŋwan akpa.

MME ŊKE 21:3

Jehovah ama erinam eti ido ye edinen ikpe akan uwa.

ISAIAH 10:2

man enuk mbon unana ke itie ikpe efep, enyuŋ eda ŋkanubɔk ebɔ mme ubuene ikɔt mi se inende, man mme ebe-akpa edi mbume mmɔ, man mmɔ enyuŋ ewo ŋwo ye nditɔ-akpa.

EZEKIEL 22:7

Mmɔ ese ete ye eka ke ndek ke ufɔt fo: enam esen owo nnama ke ufɔt fo: efik ebe-akpa ye eyen-akpa ke ufɔt fo.

EZEKIEL 45:9

Ntem ke Ɔbɔŋ Jehovah ɔdɔhɔ ete, Yak ekem ye mbufo, mbɔŋ Israel; mbufo esioŋo ŋkanubɔk ye utuk efep, enyuŋ ekpe edinen ikpe: edorore ikɔt mi nnama mbufo efep: emi edi uyo Ɔbɔŋ Jehovah.