ISAIAH 1:15 - Edisana ñwed Abasi Ibom

¹⁵ Ndien ke ini mbufo emenerede ubɔk mbufo, ndip mbufo enyin mi: ndien ŋko ke ini mbufo ewakde ndibɔŋ akam, ami ŋkopke: iyip ɔmɔyɔhɔ mbufo ke ubɔk.

ISAIAH 1:15 Referans Kwoze

MICAH 3:4

Ndien mmɔ eyeseme enɔ Jehovah, ndien enye idiyereke mmɔ: enye eyenyuŋ odip mmɔ iso esie ke ini oro, kpa nte mmɔ ediɔkde ndinim ido mmɔ.

MME ŊKE 1:28

Ke ini oro mmɔ eyeseme ekot mi, edi ndiyereke; eyebak eyom mi, ndien idikwe mi.

ZECHARIAH 7:13

Ndien edikem, kpa nte enye okotde, ndien mmɔ mikopke; kpa ntre ke mmɔ ekekot, ndien ami ŋkopke, Jehovah mme udim ɔdɔhɔ:

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.

ŊWED MME PSALM 66:18

Mma ŋkpokut idiɔk ido ke esit mi, Ɔbɔŋ ikpokopke:

1 NDIDEM 8:22

Ndien Solomon ada ke iso itie-uwa Jehovah, ke iso ofuri esop Israel, ndien emenere ubɔk esie ke enyɔŋ: onyuŋ ɔdɔhɔ ete,

ISAIAH 58:7

Nte idige ndibuŋ uyo fo nnɔ owo biɔŋ, afo eyenyuŋ ada mme ubuene eke ediyode edi ke ufɔk, ke afo okutde owo iferi, ndien ofuk enye, ndien mudibeke obukidem fo.

ŊWED MME PSALM 55:1

O ABASI, kpaŋ utɔŋ ke akam mi; ndien kudibe mkpe-ubɔk mi.

ŊWED JOB 27:20

Ndik osim enye nte akwa mmɔŋ; oyobio oyip enye ke okoneyo efep.

1 NDIDEM 8:54

Edikem adaŋemi Solomon ama akama ofuri akam ye mkpe ubɔk emi ɔnɔ Jehovah, enye adaha ke enyɔŋ ke iso itie-uwa Jehovah, itɔŋɔke aba edɔŋ esie, onyuŋ odop ndimenere ubɔk esie ke enyɔŋ.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

MATTHEW 6:7

Ndien ke ini ebɔŋde akam, ekuyire nditetiŋ ikpikpu ikɔ, nte mme Gentile enamde: koro etie mmɔ nte erikop akam oto ke uwak ikɔ eke etiŋde.

1ŊWED TIMOTHY 2:8

Nyom irenowo ndien ebɔŋ akam ke kpukpru ebiet, emenere ndisana ubɔk ke enyɔŋ, ekunyene iyaresit ye eneni.

ISAIAH 8:17

Ndien nyebet Jehovah emi odipde ufɔk Jacob iso esie, nyenyuŋ ndori enye enyin mi.

ŊWED MME PSALM 134:2

Mbufo emenere ubɔk mbufo ke edisana ebiet, enyuŋ ekɔm Jehovah.

EZRA 9:5

Ekem ke ini uwa mbubreyo, ndaha ke itie mfuhɔ mi; ndien adaŋa emi ŋwaide edisine-ŋkpɔ mi ye ekura mi, ami ntɔŋɔ edɔŋ, nnyuŋ mmenere ubɔk nse Jehovah Abasi mi, nnyuŋ ndɔhɔ nte,

JOHN 9:31

Nnyin imɔfiɔk ite Abasi ikopke ebeŋe mme idiɔk owo: edi edieke owo eteŋede Abasi, onyuŋ anamde se Abasi amade, Enye okop ebeŋe owo oro.

EXODUS 9:29

Ke adaŋemi nsuk ŋwɔwɔrɔ ŋkpɔŋ obio, nyemenere ubɔk mi nnɔ Jehovah; uyom eyedobo, edim-itiat idinyuŋ iduhe aba; man afo ɔfiɔk nte ererimbot enyenede Jehovah.

ŊWED JOB 35:13

Ŋkɔm Abasi idikopke nsu, Abasi Ibom idinyuŋ isehe enye.

ISAIAH 4:4

Ke ini Ɔbɔŋ edidade spirit ikpe ye spirit ufɔp eyet nditɔ-iban Zion ndek ke idem efep, onyuŋ osio Jerusalem iyip ke esit efep.

ISAIAH 45:15

Ke akpanikɔ afo edi Abasi eke odibede, O Abasi Israel, andinyaŋa.

ISAIAH 58:4

Sese, mbufo etre udia ke utɔk ye eŋwan, man enyuŋ etop ita idiɔk-ŋkpɔ: mbufo ekutre udia kpa nte ke mfin emi, ke enam ekop uyo mbufo ke enyɔŋ.

ISAIAH 64:7

Ndien baba owo kiet iduhe eke okotde fi enyiŋ, onyuŋ edemerede idem esie ete imum fi ikama: koro afo omodip nnyin iso fo, onyuŋ anam nnyin itak ke mme idiɔk ido nnyin.

JEREMIAH 4:31

Koro ŋkopde uyo ebiet aŋwan uman, ubiak ebiet eke ŋwan eke amande akpan eyen, uyo adiaha zion, enye eŋwek, anyan ekaubɔk esie; ete, “Mbɔm mi ndien: koro mme owot-owo esinde ukpɔŋ akpa mi.”

JEREMIAH 11:11

Mmɔdo ntem ke Jehovah ɔdɔhɔ, ete, Sese, ami nyeda idiɔk ŋkpɔ kiet eke mmɔ mikemeke ndiwɔrɔ ke esit, ntiene mmɔ; ndien mmɔ eyeseme enɔ mi, edi ami ndikopke uyo mmɔ.

EZEKIEL 11:6

Mbufo emenam mmɔ emi ekpaŋade afai ewak ke obio emi; emenyuŋ eda mmɔ emi ekpaŋade afai eyɔhɔ ke efak esie.

EZEKIEL 14:3

Eyen owo, mme mmɔ emi emeda ibɔk mmɔ ewuk ke esit mmɔ, enyuŋ eda ŋkpɔ iduɔ idiɔk ido mmɔ enim ke iso mmɔ: nte ŋkpayak ebup mi ebaŋa mmɔ?

EZEKIEL 39:23

Mme idut eyenyuŋ efiɔk ete ke eketaŋ ufɔk Israel efep ebaŋa mme idiɔk ido mmɔ, koro mmɔ ekeduede mi, ndien ami ndip mmɔ iso mi, nnyuŋ nda mmɔ nsin mme asua mmɔ ke ubɔk: ndien kpukpru mmɔ eduɔŋɔ ke ofut.

HOSEA 5:6

Ndien mmɔ eyeda ŋkpri ufene mmɔ ye enaŋ mmɔ eka ekeyom Jehovah, edi idikwe; enye omonyuŋ ɔkpɔŋ mmɔ.

MME ŊKE 6:17

ukpɔŋ esie onyuŋ ese mbitiaba emi ke mbubiam: Ŋkok-idem, edeme nsu, ye ubɔk eke eduɔkde iyip owo eke miduehe,