ISAIAH 1:11 - Edisana ñwed Abasi Ibom

¹¹ Jehovah ɔdɔhɔ, ete, Uwak uwa mbufo ɔfɔn mi nso? Mmɔyuhɔ edifɔp uwa okukim, ye ikpɔŋ edisehe unam; iyip enaŋ, ye eke nditɔ erɔŋ, ye eke okpo ebot inyuŋ inemke mi esit.

ISAIAH 1:11 Referans Kwoze

AMOS 5:21

Nsua, nsin ikpɔ usen mbufo ke ndek, ndinyuŋ ŋŋwuneke mme usɔrɔ mbufo.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.

JEREMIAH 6:20

Frankincense anam didie oto ke Sheba edi ke ɔtɔ mi, eti mbɔkɔk ke anyan idut ŋko? Ndifɔp uwa mbufo inemke nem, mme uwa emem mbufo inyuŋ idatke mi esit.

ISAIAH 66:3

Eke ɔyɔkde enaŋ owot owo; eke awade eyen erɔŋ atuak ebua itɔŋ; eke odoride inuak-udia osime iyip edi; eke ɔfɔpde incense ɔkɔm ibɔk. Mmɔ ememek usuŋ mmɔ ŋko, ŋkpɔ mbubiam mmɔ enyuŋ enem mmɔ esit.

MICAH 6:7

Nte tɔsin okukim erɔŋ, ye tɔsin idim aran duop eyenem Jehovah esit? Nte nyenɔ ekpan mi ke ndudue mi, ye mfri idem mi ke idiɔk ido ukpɔŋ mi?

MALACHI 1:10

Anie ke idem otu mbufo edisin itim? Mbufo inyuŋ ibarake ikaŋ ke itie-uwa mi ke ikpikpu. Jehovah mme udim ɔdɔhɔ ete, Mbufo inemke mi esit baba; inuak-udia emi orode mbufo ke ubɔk inyuŋ inemke mi esit.

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

ŊWED MME PSALM 50:8

Ami ndi Abasi, kpa Abasi fo. Idige mme uwa emem fo ke ntɔhɔ ye afo mbaŋa; ndifɔp uwa fo edu ke iso mi kpukpru ini.

MME ŊKE 21:27

Uwa idiɔk ido edi mbubiam: ŋwaŋwa ediso ke adaŋemi enye adade enye edi ye idiɔk ekikere.

MATTHEW 9:13

Edi eka ekekpep se ikɔ emi ɔwɔrɔde, Edi mbɔm ke nyom, idige uwa. Koro ŋkedige ndikot ndinen owo, edi mme idiɔk owo.

ŊWED MME PSALM 51:16

Koro afo muyomke uwa emem; (okpoyom) ŋkpɔnɔ: unyuŋ umaŋa edifɔp uwa.

JEREMIAH 7:21

Ntem ke Jehovah mme udim Abasi Israel ɔdɔhɔ ete, Mbufo ekɔrɔ edifɔp uwa mbufo ke mme uwa emem mbufo, enyuŋ eta unam.

MATTHEW 22:4

Enye ɔtɔŋɔ ntak ɔdɔŋ ikɔt esie efen, ete, Edɔhɔ mmɔ oro ekokotde ete, Sese mmanam udia mma, ewot enaŋ mi ye munam eke esehede, enyuŋ enam kpukpru ŋkpɔ ema: edi udia-ndɔ.

NUMBERS 7:45

Ye abak enaŋ kiet, ye okukim kiet, ye eyen erɔŋ isua kiet, ke edifɔp uwa:

ŊWED MME PSALM 40:6

Afo umaŋa uwa emem ye inuak-udia: afo otibi mi utɔŋ: ubupke edifɔp uwa ye uwa idiɔk ido.

MME ŊKE 21:3

Jehovah ama erinam eti ido ye edinen ikpe akan uwa.

ISAIAH 58:2

Ndien mmɔ eyeyom mi kpukpru usen, ifiɔk usuŋ mi eyenyuŋ enem mmɔ esit, nte idut eke anamde edinen ido, minyuŋ ikpɔŋke ikpe Abasi mmɔ. Mmɔ eyebeŋe mi mme ikpe eke enende: eritiene Abasi eyenem mmɔ esit.

HOSEA 6:6

Koro nyomde ima; nyom ifiɔk Abasi ŋkan edifɔp uwa.

AMOS 5:22

Edieke mbufo ediwade ndifɔp uwa ye inuak-udia mbufo enɔ mi, ndibɔhɔ mmɔ: ndinyuŋ nsehe uwa emem eke etode ke ndisehe unam mbufo.

HAGGAI 2:14

Ndien mme oku ebɔrɔ ete, Emedehe. Ndien Haggai ɔbɔrɔ, ete, Jehovah ɔdɔhɔ ete, Mbio emi ye idut emi etie kpa ntre ke iso mi; kpa ntre ŋko ke kpukpru se ubɔk mmɔ enamde etie; ndien se mmɔ ewade do emedehe ŋko.

ZECHARIAH 7:5

Dɔhɔ ofuri mbon isɔŋ ye mme oku, ete, Ke ini mbufo etrede udia, enyuŋ etuade ke ɔyɔhɔ ɔfiɔŋ ition, ye ke ɔyɔhɔ ɔfiɔŋ itiaba, ke ofuri isua ata ye duop emi, nte mbufo eketre udia enɔ mi, kpa mi?

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

AMOS 4:5

enyuŋ efɔp uwa ekɔm ye leaven, enyuŋ ekwɔrɔ uwa ima esit ebuk mmɔ; koro ntem ke mbufo ema, O nditɔ Israel. Uyo Ɔbɔŋ Jehovah edi emi.