HOSEA 9:17 - Edisana ñwed Abasi Ibom

¹⁷ Abasi mi eyeduɔk mmɔ: koro mmɔ mikopke uyo esie: ndien mmɔ eyedi mbon eke eyode ke otu mme idut.

HOSEA 9:17 Referans Kwoze

HOSEA 7:13

Ɔdɔdiɔk ɔnɔ mmɔ, koro mmɔ efeŋede ekpɔŋ mi: nsobo ɔsɔp mmɔ, koro mmɔ enamde idiɔk ye ami: edi ami ŋkonyuŋ mfak mmɔ, ndien mmɔ esu nsu ebaŋa mi.

UTOM MME APOSTLE 3:23

Edi ama ekem eyesibe kpukpru owo eke midikopke uyo prophet oro efep ke otu mbio-obio.

ZECHARIAH 1:4

Mbufo ekubiet mme ete mbufo emi akpa prophet ekekotde mmɔ, ete, Ntem ke Jehovah mme udim ɔdɔhɔ, ete, Mbɔk, mbufo ekabare ekpɔŋ mme idiɔk usuŋ mbufo, ye mme idiɔk ido mbufo: edi mmɔ ikopke, inyuŋ ikpaŋke utɔŋ inɔ mi: ke edi uyo Jehovah.

MICAH 7:7

Edi ami nyetiŋ enyin ke Jehovah: nyebet Abasi emi anyaŋade mi: Abasi mi eyekop uyo mi.

ISAIAH 48:18

Afo akpakam akpaŋ utɔŋ ke mbet mi! ndien emem fo ekpebiet akpa mmɔŋ, edinen ido fo ekpebiet mbufut inyaŋ.

AMOS 9:9

Jehovah ɔdɔhɔ. Koro, sese, ami nyewuk, nyenyuŋ nsak ufɔk Israel nsin ke otu kpukpru mme idut, kpa nte emi esakde (ŋkpɔ) ke usak-ŋkpɔ, ndien baba ŋkeŋe kiet ididuɔhɔ ke isɔŋ.

HOSEA 4:10

Ndien mmɔ eyedia, edi idiyuhɔke: mmɔ eyenam use, edi iditɔtke: koro mmɔ etrede ndikere Jehovah.

ISAIAH 7:13

Ndien enye ɔdɔhɔ ete, Mbufo, ufɔk David, ekop ndien; nte erifek owo ekekpri akan mbufo, mme oro esin mbufo efek Abasi mi ŋko?

MME ŊKE 29:1

OWO eke ewakde ndidua-ri enye, ndien enye ɔsɔŋ obot itɔŋ, eyebiara usɔp-usɔp, ndien ididige nte ekɔkde enye.

ŊWED MME PSALM 31:14

Edi ami mbuɔt idem mi ye afo, O Jehovah; ndɔhɔ nte, “Afo edi Abasi mi.”

NEHEMIAH 5:19

O Abasi mi, ke mfɔn ti mi ke kpukpru se ŋkanamde ye mbio emi.

2 CHRONICLES 36:16

edi mmɔ esak mme isuŋ-utom Abasi, enyuŋ esin ikɔ esie ke ndek, enyuŋ esuŋi mme prophet esie, tutu Jehovah obumere iyaresit ye ikɔt esie, tutu inyeneke erikure.

2 CHRONICLES 18:13

Ndien Micaiah ɔdɔhɔ, ete, Ma uwem Jehovah, se Abasi mi edidɔhɔde mi nditreke oro nditiŋ.

DEUTERONOMY 32:26

Ŋkɔdɔhɔ nte ŋkpofuri mmɔ mfep, ŋkpanam owo etre nditi mmɔ:

JAMES 1:1

JAMES, emi edide owo Abasi ye Ɔbɔŋ Jesus Christ, ewet ɔnɔ esɔk esien duopeba emi esuanade, ete ikɔm mmɔ.

ŊWED MBON PHILIPPI 4:19

Abasi mi eyenɔ mbufo kpukpru se inanade mbufo ɔyɔhɔ-ɔyɔhɔ, nte inyene eke Enye enyenede ke ubɔŋ edide ke Christ Jesus.

JOHN 20:28

Thomas ɔbɔrɔ Enye ete, Ɔbɔŋ mi ye Abasi mi.

JOHN 20:17

Jesus ete enye, Kutuk Mi; koro ndɔkke kaŋa ntiene Ete; edi bine nditɔ-ete Mi kɔdɔhɔ mmɔ ete, Mmɔŋ ndidɔk ntiene Ete Mi ye Ete mbufo, Abasi Mi ye Abasi mbufo.

JOHN 7:35

Ntre ke mme Jew eneme ke otu idem mmɔ ete, Owo emi edika mmɔŋ eke nnyin midikwe Enye? Mme Enye editiene mmɔ emi esuanade eduŋ ke otu mme Greek ekekpep mme Greek ŋkpɔ?

AMOS 8:2

Ndien enye ɔdɔhɔ ete, Afo okut nso ŋkpɔ, Amos? Ndien mbɔrɔ nte, Edidat mfri ke akpan. Ndien Jehovah ɔdɔhɔ mi, ete, Utit omosim ikɔt mi Israel; ndiyɔhɔ aba mmɔ.

JEREMIAH 6:30

Eyekot mmɔ, ete obukpo silver, koro Jehovah esede mmɔ ke mbukpo.

DEUTERONOMY 4:25

Ke adaŋemi afo edibonde nditɔ ye nditɔ nditɔ, mbufo enyuŋ ebigide ke isɔŋ oro, enyuŋ ekabarede ediɔk, enyuŋ esɔi ŋkpɔ esin ke mbiet ŋkpɔ ekededi, enyuŋ enam idiɔk ido ke iso Jehovah Abasi fo, enyuŋ eyat enye esit:

DEUTERONOMY 4:27

Ndien Jehovah eyesuan mbufo ke otu mme idut, ndien mbufo eyesuhɔ esisit ke otu mme idut emi Jehovah adade mbufo aka do.

JEREMIAH 7:13

Ndien ke emi ke Jehovah ɔdɔhɔ, ete, Koro mbufo enamde kpukpru ŋkpɔ emi, ndien ami ŋkɔdɔhɔ ye mbufo, mbabak ndɔhɔ, ndien mbufo ikopke; ŋkonyuŋ ŋkot mbufo, ndien mbufo iyereke;

JEREMIAH 7:15

Nyenyuŋ mmen mbufo ke iso mi nduɔk, kpasuk nte ŋkɔduɔkde kpukpru nditɔ-ete mbufo, kpa ofuri ubon Ephraim.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.