HOSEA 9:1 - Edisana ñwed Abasi Ibom

¹ O ISRAEL, kudat esit ukaha nte mme idut: koro afo ɔmɔkpɔŋ Abasi fo anam use: afo amama utip ke kpukpru ɔtɔ ubek-ibokpot.

HOSEA 9:1 Referans Kwoze

HOSEA 10:5

Mme andiduŋ Samaria efehe ndik ebaŋa nditɔ-enaŋ Beth-aven: koro ikɔt esie eyetua ebaŋa enye, mme oku eyenyuŋ efut ebaŋa enye, ebaŋa ubɔŋ esie, koro enye adahade ɔkpɔŋ enye.

HOSEA 4:12

Ikɔt mi ke ebup eto mmɔ item, yak esaŋ mmɔ ndien ɔbɔrɔ mmɔ: koro spirit use esinde mmɔ ediyo, ndien mmɔ ekpɔŋ Abasi mmɔ enam use.

JEREMIAH 44:17

koro nnyin miditreke ndinam kpukpru ikɔ eke etode nnyin ke inua, nnyuŋ mfɔp ŋkpɔ nnɔ ɔbɔŋ-aŋwan ikpa-enyɔŋ, nnyuŋ ntɔhɔ uwa ediŋwɔŋ ŋkpɔ nnɔ enye, kpa nte nnyin, ye mme ete nnyin, ye ndidem nnyin, ye mbɔŋ nnyin ikenamde ke mme obio Judah, ye ke mme efak Jerusalem, ndien idia udia iyuhɔ, inyuŋ ikut ufɔn, inyuŋ ikwe baba idiɔk-ŋkpɔ kiet.

JAMES 5:1

DA mbufo mbon inyene, etuaŋa, enyuŋ esio mkpo ebaŋa nditaha eke edisimde mbufo.

JAMES 4:16

Edi ke emi ke mbufo ebure ke nnam-inua: kpukpru mbure eke etiede ntre ediɔk.

AMOS 6:13

emi edatde esit ke se midige ŋkpɔ; edɔhɔ, ete, Nte nnyin idaha odudu nnyin idori nduk ke idem nnyin?

AMOS 3:2

Ŋkɔfiɔk mbufo ikpɔŋ-ikpɔŋ ke otu kpukpru oruk ererimbot: mmɔdo nyenɔ mbufo ufen kpukpru mme idiɔk ido mbufo.

HOSEA 5:7

Mmɔ emenam abiaŋa ye Jehovah: koro ebonde isen nditɔ: ke emi ɔfiɔŋ kiet eyedia mmɔ ye mme udeme mmɔ.

HOSEA 5:4

Mmɔ inimke ido mmɔ man efiak etiene Abasi mmɔ: koro spirit use odude mmɔ ke idem, ndien mmɔ ifiɔkke Jehovah.

HOSEA 2:12

Nyenyuŋ mbiat vine esie ye eto fig esie, emi enye ɔkɔdɔhɔde abaŋa, ete, “Mme mmɔ emi edi utip mi emi mme andima mi enɔde mi”: ndien nyenam mmɔ ekabare edi akai, ndien mme unam ikɔt eyedia mmɔ.

EZEKIEL 21:10

emeban enye, man ewot ediwak owo; emetuk enye man ebiet obuma: mme mmɔnyɔ eyen mi adat esit; enye (ofut) ese kpukpru (oruk) eto ke ndek.

EZEKIEL 20:32

Ndien ŋkpɔ emi ɔdɔkde oduk mbufo ke esit ididuhe du, emi mbufo edɔhɔde, ete, Nnyin iyebiet mme idut, ibiet mme oruk mme obio, inyuŋ inam ŋkpɔ inɔ eto ye itiat.

ŊWED ESEME 4:21

O adiaha Edom, emi oduŋde ke isɔŋ Uz, dara nyuŋ bre; cup eyenyuŋ ebe fi ŋko: afo eyeŋwɔŋ akpa, onyuŋ ɔfuhɔre idem fo.

ISAIAH 17:11

ke usen emi afo ɔtɔde ŋkpɔ, afo eyenam ɔkɔ akan enye okuk, ndien ke usen-ubɔk eyekut nte mkpasip otibede: edi ukpeŋe eyefehe ɔnyɔŋ ke usen udɔŋɔ ye eke idiɔk ndutuhɔ.

AMOS 8:10

ndien nyekabare usɔrɔ mbufo nsin ke ntuaŋa, ye kpukpru ikwɔ mbufo nsin ke eseme; ndien nyeda ɔfɔŋ-ikpo nsine kpukpru owo ke isin; nnyuŋ ndori ibɔ ke kpukpru ibuot, nnyuŋ nnim enye ke ntuaŋa ikpɔŋ eyen: ndien utit esie eyedi ndot-ndot usen.

ŊWED MME PSALM 73:27

Koro, sese, mmɔ eke edianarede ekpɔŋ fi anyan usuŋ, eyetak: afo omosobo mmɔ eke ekpɔŋde fi enam use.

AMOS 4:5

enyuŋ efɔp uwa ekɔm ye leaven, enyuŋ ekwɔrɔ uwa ima esit ebuk mmɔ; koro ntem ke mbufo ema, O nditɔ Israel. Uyo Ɔbɔŋ Jehovah edi emi.

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 2:20

Koro ŋkobuŋde fi ɔkpɔnɔ tutu ko, ŋkonyuŋ ŋkibide fi ŋkpɔkɔbi: ndien afo ɔdɔhɔ ete Ndinamke ŋkpɔ; koro afo ɔsuhɔrede ana nte akpara ke enyɔŋ kpukpru edikoŋ obot, ye ke idak kpukpru awawa eto.

EZEKIEL 16:15

Ndien afo ɔbuɔt idem ye uyai fo, onyuŋ ese use abaŋa etop fo, onyuŋ ɔduɔk use fo ɔnɔ kpukpru mmɔ eke esaŋade ebe: enyene enye.

EZEKIEL 16:30

Ɔbɔŋ Jehovah ɔdɔhɔ ete, Esit fo efere didie ke emi afo anamde kpukpru ŋkpɔ emi: utom nsɔŋido aŋwan use;