HOSEA 8:13 - Edisana ñwed Abasi Ibom

¹³ Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

HOSEA 8:13 Referans Kwoze

HOSEA 9:9

Mmɔ emebiara ekaha kpa nte ke ini Gibeah: Enye eyeti idiɔk ido mmɔ, eyenɔ mmɔ ufen mme ukwaŋ-ŋkpɔ mmɔ.

HOSEA 9:6

Koro, sese, mmɔ eyedaŋa ebak nsobo: Egypt eyetaŋ mmɔ obon, Memphis eyebuk mmɔ ke isɔŋ: ama edi ŋkpɔ silver emi mmɔ emade, nettle eyeda mmɔ, ŋkukim eyedu ke mme tent mmɔ.

AMOS 8:7

Jehovah otomo iseri Jacob, ete, Ndifreke baba ŋkpɔ kiet eke mmɔ enamde tutu amama.

AMOS 5:22

Edieke mbufo ediwade ndifɔp uwa ye inuak-udia mbufo enɔ mi, ndibɔhɔ mmɔ: ndinyuŋ nsehe uwa emem eke etode ke ndisehe unam mbufo.

HOSEA 11:5

Ndien enye idifiakke ke Egypt, edi Assyrian eyedi edidem esie, koro mmɔ minyimeke ndikabare.

HOSEA 5:6

Ndien mmɔ eyeda ŋkpri ufene mmɔ ye enaŋ mmɔ eka ekeyom Jehovah, edi idikwe; enye omonyuŋ ɔkpɔŋ mmɔ.

JEREMIAH 14:10

Ntem ke Jehovah ɔdɔhɔ ye mbio emi, ete, Ntre ke mmɔ ema ndiyɔrɔ imumke ukot mmɔ ikama, ndien mmɔ inemke Jehovah esit; kemi ke enye editi mme idiɔk ido mmɔ, onyuŋ ɔnɔ mmɔ ufen abaŋa oburubut ido mmɔ.

ISAIAH 1:11

Jehovah ɔdɔhɔ, ete, Uwak uwa mbufo ɔfɔn mi nso? Mmɔyuhɔ edifɔp uwa okukim, ye ikpɔŋ edisehe unam; iyip enaŋ, ye eke nditɔ erɔŋ, ye eke okpo ebot inyuŋ inemke mi esit.

DEUTERONOMY 28:68

Ndien Jehovah eyenam fi afiak ke Egypt ke ubom mbakara ke usuŋ emi ŋkɔdɔhɔde fi mbaŋa, nte, Ke udukwe aba enye: ndien do ke edinyam mbufo enɔ mme asua mbufo ke ifin iren ye ifin iban, ndien owo eke edepde ididuhe.

ERIYARARE 16:19

Unyek-isɔŋ oro okpon, onyuŋ ɔsɔŋ eti-eti. Akwa obio onyuŋ abahare ke mbak ita, mme obio eke mme idut enyuŋ ewure. Ndien Abasi eti akwa obio Babylon, ete inɔ enye cup wine ikaŋ-ikaŋ iyaresit Imɔ.

1 ŊWED CORINTH 11:29

koro owo eke adiade onyuŋ ɔŋwɔŋde, ke enye midiɔŋɔke ikpɔhidem, ke adia onyuŋ ɔŋwɔŋ ubiom-ikpe odoro idem esie.

1 ŊWED CORINTH 11:20

Ke ntak emi, ke ini mbufo esopde idem ɔtɔ kiet, mbufo ikemeke ndidia Udia Ɔbɔŋ.

HOSEA 12:11

Ŋkɔm Gilead anam oburobut: mmɔ edi ata mbon nsu: mmɔ ewa enaŋ ke Gilgal; mme itie-uwa mmɔ enyuŋ ebiet ibombom ke iŋwaŋ eke efuŋde.

HOSEA 7:16

Mmɔ ifiakke itiene Ata Edikoŋ: mmɔ ebiet emik-utiga: mbɔŋ mmɔ eyeduɔŋɔ ke ofut ebaŋa emiom edeme mmɔ: emi edidi se edidade esak mmɔ ke isɔŋ Egypt.

HOSEA 7:2

Ndien mmɔ ikereke ke esit mmɔ ite ke ami nteti kpukpru mme idiɔk ido mmɔ: ke emi ido mmɔ emekan mmɔ ekuk; mmɔ ena mi ke iso.

HOSEA 4:9

Ndien mbio-obio ye oku eyetie ubɔk ŋkpɔ kiet: ndien ami nyenɔ mmɔ ufen usuŋ mmɔ, nnyuŋ nnɔ mmɔ usiene ido mmɔ.

MME ŊKE 21:27

Uwa idiɔk ido edi mbubiam: ŋwaŋwa ediso ke adaŋemi enye adade enye edi ye idiɔk ekikere.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.

EXODUS 32:34

Ka, ndien, kada mbon oro, ka ebiet emi ŋkɔdɔhɔde fi: sese, angel mi ɔmɔŋ ebem fi iso: ndien ke usen emi ndinɔde ufen, nyenɔ mmɔ ufen idiɔk ido mmɔ.

EXODUS 20:3

Kunyene abasi efen ukɔrɔ ye ami.

LUKE 12:2

Edi ŋkpɔ iduhe eke efukde fuk, eke midiyarakere; ŋkpɔ inyuŋ iduhe eke edipde dip, eke owo midifiɔkke.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

JEREMIAH 6:20

Frankincense anam didie oto ke Sheba edi ke ɔtɔ mi, eti mbɔkɔk ke anyan idut ŋko? Ndifɔp uwa mbufo inemke nem, mme uwa emem mbufo inyuŋ idatke mi esit.

EZEKIEL 29:16

Ndien mmɔ ididige aba iberedem ufɔk Israel, ke enam mmɔ eti idiɔk ido mmɔ, koro mmɔ ekabarede ebine mmɔ: ndien mmɔ eyefiɔk ete ke ami ndi Ɔbɔŋ Jehovah.

HOSEA 7:11

Ndien Ephraim akabare ebiet ɔkɔi ibiom eke ananade ibuot: mmɔ efiori ekot Egypt, enyuŋ eka Assyria.

HOSEA 9:7

Mme usen ufen emedi, mme usen usiene emedi; Israel eyefiɔk: prophet edi owo ndisime, owo spirit adama idat, kabaŋa akamba idiɔk ido fo ye akwa usua.

HOSEA 6:6

Koro nyomde ima; nyom ifiɔk Abasi ŋkan edifɔp uwa.

AMOS 3:2

Ŋkɔfiɔk mbufo ikpɔŋ-ikpɔŋ ke otu kpukpru oruk ererimbot: mmɔdo nyenɔ mbufo ufen kpukpru mme idiɔk ido mbufo.