HOSEA 7:15 - Edisana ñwed Abasi Ibom

¹⁵ Ndien ami nnɔ mmɔ ufen, nsɔŋ mmɔ ubɔk, ndien mmɔ ekere idiɔk ebaŋa mi.

HOSEA 7:15 Referans Kwoze

NAHUM 1:9

Mbufo eduak nso ŋkpɔ ebaŋa Jehovah? Enye eyenam ama: afanikɔŋ iditɔŋɔke ntak itibe.

ERIYARARE 3:19

Ami nsasua nnɔ kpukpru mmɔ emi mmade, nnyuŋ ntunɔ mmɔ; nyene ifiopesit ndien, nyuŋ kabare esit.

MME HEBREW 12:5

Emonyuŋ efre item, emi enemede ye mbufo nte nditɔ-ete, Eyen mi, kubat ntunɔ Jehovah ke ekpri ŋkpɔ, Kunyuŋ uyemere ke ini Enye asuade ɔnɔ fi.

2 ŊWED CORINTH 10:5

Nnyin iwuri ekikere esit owo, ye kpukpru edikoŋ ŋkpɔ eke emenerede idem ke enyɔŋ eŋwana ye ifiɔk Abasi; inyuŋ imum kpukpru ekikere nte mbuot-ekɔŋ, inam mmɔ esuk ibuot enɔ Christ;

ŊWED MBON ROME 1:21

koro okposuk edi nte mmɔ efiɔkde Abasi, mmɔ inɔŋɔ Enye ubɔŋ nte Abasi, inyuŋ inɔŋɔ Enye ekɔm; edi ekabare ekere ikpikpu ekikere, ndisime esit mmɔ onyuŋ akabare okim.

UTOM MME APOSTLE 4:25

Emi ɔkɔdɔhɔde ke Edisana Spirit, ke inua ete nnyin, kpa owo Fo David, ete, Nsinam mme idut efutde, Mbio-obio enyuŋ ekerede ikpikpu ŋkpɔ?

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

MME ŊKE 3:11

Eyen mi, kusin ufen Jehovah ke ndek; kunyuŋ uyak ntunɔ esie efek fi:

ŊWED MME PSALM 94:12

Ɔfɔfɔn ɔnɔ owo eke afo, Jehovah, ɔnɔde enye ufen, onyuŋ adade mbet fo eteme enye;

ŊWED MME PSALM 62:3

Mbufo edisuk ekpot ye owo adaŋa didie? Nte mbufo kpukpru emɔŋ ewot enye, ebiet ibibene eke ebehede, ye ɔkɔ eke ɔnyuhɔde.

ŊWED MME PSALM 2:1

NSINAM mme idut efutde, nsinyuŋ inam mme obio ekerede ikpikpu ŋkpɔ?

ŊWED JOB 5:17

Sese, ɔfɔfɔn ɔnɔ owo eke Abasi ɔtunɔde: kusin ndien item Ata Ɔkpɔsɔŋ:

2 NDIDEM 13:23

Ndien Jehovah ɔfɔn mfɔn ye mmɔ, onyuŋ atua mmɔ mbɔm, onyuŋ akabare ese mmɔ, abaŋa ediomi esie ye Abraham, ye Isaac, ye Jacob, inyuŋ inyimeke ndisobo mmɔ, inyuŋ imenke mmɔ kaŋa ke iso esie iduɔk.

2 NDIDEM 13:5

(Ndien Jehovah ɔnɔ Israel andinyaŋa, ndien mmɔ ewɔŋɔ ke idak ubɔk Syria: nditɔ Israel enyuŋ eduŋ ke tent mmɔ, nte akpa.

ŊWED MME PSALM 140:2

emi eduakde idiɔk uduak ke esit: mmɔ esop idem ofuri usen ebaŋa ekɔŋ.

HOSEA 13:9

O Israel, afo omosobo idem fo: koro afo asuade mi andinyaŋa fi.