HOSEA 6:6 - Edisana ñwed Abasi Ibom

⁶ Koro nyomde ima; nyom ifiɔk Abasi ŋkan edifɔp uwa.

HOSEA 6:6 Referans Kwoze

MATTHEW 9:13

Edi eka ekekpep se ikɔ emi ɔwɔrɔde, Edi mbɔm ke nyom, idige uwa. Koro ŋkedige ndikot ndinen owo, edi mme idiɔk owo.

MATTHEW 12:7

Edi edieke mbufo ekpɔfiɔkde se ikɔ emi ɔdɔhɔde ete, Edi mbɔm ke nyom, idige uwa, ɔwɔrɔde, mbufo ikpobiomke mmɔ emi miduehe.

MME ŊKE 21:3

Jehovah ama erinam eti ido ye edinen ikpe akan uwa.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.

AMOS 5:21

Nsua, nsin ikpɔ usen mbufo ke ndek, ndinyuŋ ŋŋwuneke mme usɔrɔ mbufo.

ISAIAH 1:11

Jehovah ɔdɔhɔ, ete, Uwak uwa mbufo ɔfɔn mi nso? Mmɔyuhɔ edifɔp uwa okukim, ye ikpɔŋ edisehe unam; iyip enaŋ, ye eke nditɔ erɔŋ, ye eke okpo ebot inyuŋ inemke mi esit.

ECCLESIASTES 5:1

KPEME ukot fo ke adaŋemi afo akade ke ufɔk Abasi, ndien ndisaŋa ŋkpere man okop, ɔfɔn akan uwa eke ndisime owo awade: koro mmɔ mikereke ite ke mmimɔ inam idiɔk.

JEREMIAH 22:16

Enye ekebiere ikpe eyen unana ye eyen ubuene; ndien ɔfɔn; nte oro idige ndifiɔk mi? Jehovah ɔdɔhɔ.

MATTHEW 5:7

Ɔfɔfɔn ɔnɔ mmɔ eke etuade owo mbɔm: koro eyetua mmɔ mbɔm.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

JEREMIAH 7:22

Koro mme -ŋkɔdɔhɔke mme ete mbufo, nnyuŋ ŋwukke mmɔ mbaŋa edifɔp uwa ye uwa emem, ke usen oro ŋkosiode mmɔ ke isɔŋ Egypt mfep:

1 JOHN 3:6

Baba owo kiet eke oduŋde ke Enye inamke idiɔk-ŋkpɔ. Kpukpru owo eke enamde idiɔk-ŋkpɔ ikekwe Enye, inyuŋ ifiɔkke Enye.

1 JOHN 2:3

Nnyin inyuŋ ida emi ifiɔk ite, imɔfiɔk Enye, emi nnyin inimde mbet Esie.

MICAH 6:6

Ndida nso ndi ke iso Jehovah, nda nso nnuhɔ nnɔ Edikoŋ Abasi? Nte ndida edifɔp uwa, nditɔ enaŋ isua kiet ndi enye ke iso?

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

ISAIAH 58:6

Nte idige emi edi utre-udia eke ndimekde enye: eritat uruk idiɔk ido, erikpɔhɔre ubɔp-ŋkpɔ ɔkpɔnɔ, nnyuŋ nsana mmɔ eke owo efikde nnyak, nnyuŋ mbuŋ kpukpru ɔkpɔnɔ?

HOSEA 2:20

Nyenyuŋ mbem fi nnim nnɔ idem mi ke akpanikɔ: ndien afo eyefiɔk Jehovah.

ŊWED MME PSALM 50:8

Ami ndi Abasi, kpa Abasi fo. Idige mme uwa emem fo ke ntɔhɔ ye afo mbaŋa; ndifɔp uwa fo edu ke iso mi kpukpru ini.

MARK 12:33

ndien owo ndima Enye ke ofuri esit, ye ke ofuri asian ye ke ofuri odudu, ndinyuŋ mma mbɔhiduŋ esie nte idem esie omotim okpon akan kpukpru erifɔp enɔ ye uwa.

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

JOSHUA 5:5

Koro kpukpru owo oro eketode ema ena mbobi: edi ama edi kpukpru mmɔ oro ekemanade ke usuŋ ke wilderness, ke ini mmɔ eketode ke Egypt, mmɔ ikenaŋa mbobi.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.