HOSEA 6:5 - Edisana ñwed Abasi Ibom

⁵ Oro esin ŋkada prophet ŋkpeŋe mmɔ, nnyuŋ ŋwot mmɔ ke ikɔ inua mi: ndien ikpe fo ɔwɔrɔ nte uŋwana.

HOSEA 6:5 Referans Kwoze

JEREMIAH 23:29

Jehovah ɔdɔhɔ, ete, Nte ikɔ mi ibietke ikaŋ? nte ibietke hammer eke obomde akamba itiat?

JEREMIAH 1:10

Sese, mfin emi mmonim fi nte akan mme idut ye mme obio, onyuŋ odibere onyuŋ owuri, nte osobo onyuŋ abiat, nte ɔbɔp onyuŋ ɔtɔ.

JEREMIAH 5:14

Mmɔdo ntem ke Jehovah Abasi mme udim ɔdɔhɔ, ete, Koro mbufo edɔhɔde ikɔ emi, sese, ami mmɔŋ nnam ikɔ mi ke inua fo akabare edi ikaŋ, nnyuŋ nnim mbio emi ke ifia, ndien enye eyeta mmɔ.

MME HEBREW 4:12

Koro ikɔ Abasi enyene uwem, onyuŋ ananam ŋkpɔ, onyuŋ ɔsɔp akan kpukpru ofut iso iba, okim abahare ukpɔŋ ye spirit, ye ikek ye ndia; onyuŋ enyene ukeme ndiduŋɔre ekikere ye uduak esit owo.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

ERIYARARE 9:21

Mmɔ inyuŋ ikabakere esit ikpɔŋ eriduɔ obom mmɔ, ye eribre idiɔŋ mmɔ, ye use mmɔ, ye mme inɔ mmɔ.

ERIYARARE 9:15

Ndien ekpɔhɔre mme angel inaŋ eke ekenimde enɔ ini ye usen ye ɔfiɔŋ ye isua oro, ete mmɔ ekpewot ubak owo kiet ke itie ita.

ERIYARARE 2:16

Kabare esit ndien; midige ntre, nsɔsɔp ndi ke ɔtɔ fo, nyenyuŋ nda ofut inua Mi ŋwana ekɔŋ ye mmɔ.

ERIYARARE 1:16

Ndien Enye akama ntantafiɔŋ itiaba ke ubɔk nnasia Esie; edisɔp ofut iso iba onyuŋ ɔwɔrɔ Enye ke inua; iso Esie onyuŋ ebiet nte utin asiahade ke odudu esie.

UTOM MME APOSTLE 7:31

Edi ke adaŋemi Moses okutde ŋkukut emi, idem akpa enye: ndien nte enye asaŋade ekpere ete ise, uyo Jehovah osim enye, ete,

ZEPHANIAH 3:5

Edinen Jehovah odu enye ke esit: enye idinamke se ikwaŋade: eyeda ikpe esie kpukpru usenubɔk onim ke uŋwana: enye ikpuhe; edi owo ŋkwaŋa ifiɔkke but.

EZEKIEL 43:3

Ndien ndise esie ebiet ndise oro ŋkokutde, ebiet ndise emi ŋkokutde adaŋemi ndide ndisobo obio: ndise esie onyuŋ ebiet ndise emi ŋkokutde ke mben akpa Chebar, ndien nduɔ ke isɔŋ ŋkubi iso mi.

EZEKIEL 3:9

Mmanam ɔkpɔ-iso fo etie nte adamant ɔsɔŋ akan afransi: kubak mmɔ, kunyuŋ udikhe ubaŋa iso mmɔ: koro mmɔ edide ufɔk nsɔŋ-ibuot.

JEREMIAH 13:13

Ndien dɔhɔ mmɔ, ete, Ntem ke Jehovah ɔdɔhɔ, ete, Sese ami nyeda mmin nnɔ kpukpru mme andiduŋ isɔŋ emi, ye ndidem emi etiede ke ibuot David ke ebekpo esie, ye mme oku, ye mme prophet, ye kpukpru mme andiduŋ Jerusalem, eŋwɔŋ ekpa.

JEREMIAH 1:18

Ndien, sese, mfin emi ami nnim fi ke obio ibibene, ye ke adaha ukwak, ye ke ibibene okpoho, mbaŋa ofuri isɔŋ emi, mbaŋa ndidem Judah ye mbɔŋ mmɔ ye mme oku mmɔ ye mbio-obio.

ISAIAH 58:1

SIORO uyo ke itɔŋ fiori, kumum idem, menere uyo fo nte ukorowo, nyuŋ tiŋ idiɔk ido ikɔt mi nɔ mmɔ, tiŋ mme oburobut ido ufɔk Jacob nɔ mmɔ.

ISAIAH 11:4

edi eyekpe ikpe mme ubuene esin ke edinen, onyuŋ ebiere ikɔ nte enende ɔnɔ suŋ-suŋ mbio isɔŋ: onyuŋ amia isɔŋ ke eto inua esie, onyuŋ owot mme idiɔk owo ke ibifik mkpɔk-inua esie.

ŊWED MME PSALM 119:120

Ndik fo anam mi ndidien ke idem; ndien mfefehe mme ikpe fo.

ŊWED MME PSALM 37:6

Ndien enye eyeda eti ido fo ɔwɔrɔ nte uŋwana, ye ikpe fo nte ufɔt uwemeyo.

ŊWED JOB 34:10

Mbufo mbon eti-ibuot, ekop ndien uyo mi. Nsa Abasi, enye idiɔkke. Nsa Abasi Ibom, enye inamke ukwaŋ-ŋkpɔ.

2 CHRONICLES 21:12

Ndien prophet Elijah ɔnɔ ŋwed esɔk enye, ete, Ntem ke Jehovah Abasi David usɔ ɔdɔhɔ, ete, Koro afo musaŋake ke mme usuŋ Jehoshaphat usɔ, ye ke usuŋ Asa edidem Judah,

2 NDIDEM 1:16

Ndien enye ɔdɔhɔ enye, Ntem ke Jehovah ɔdɔhɔ ete, Koro afo ɔkɔdɔŋde mme isuŋ-utom ekebup Baal-zebub abasi Ekron, ndi koro Abasi miduhe ke Israel eke ekpebupde uyo esie? Mmɔdo mudutoho ke bed emi afo ɔkɔdɔkde, usuhɔre, edi udutreke ndikpa.

1 NDIDEM 19:17

Ndien ama ekem Jehu eyewot mmɔ eke ebɔhɔde ofut Hazael; ndien Elisha eyewot mmɔ eke ebɔhɔde ofut Jehu.

1 NDIDEM 18:17

Edikem ke ini Ahab okutde Elijah, Ahab ɔdɔhɔ enye, ete, Nte edi afo odutuhɔ Israel?

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

1 NDIDEM 14:6

Edikem ke ini Ahijah okopde ntim-ikpat esie, nte enye odukde ke enyin-usuŋ, enye ɔdɔhɔ, ete, Ŋwan Jeroboam, be duk, nsinam afo onimde idem fo nte owo efen? Koro etobode mi ɔkpɔsɔŋ ikɔ enɔ fi.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.

1 SAMUEL 13:13

Ndien Samuel ɔdɔhɔ Saul, ete, Afo amanam ndisime ŋkpɔ: afo ukonimke ewuhɔ Jehovah Abasi fo, emi enye okowukde fi: koro ntem ke Jehovah okponim ubɔŋ fo ke Israel ke nsinsi.

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

ŊWED MBON EPHESUS 6:17

Enyuŋ eyara erinyaŋa nte ndun ke ibuot, enyuŋ ekama ofut Spirit, emi edide ikɔ Abasi:

1 SAMUEL 15:32

Ndien Samuel ɔdɔhɔ ete, Mbufo eda Agag edidem Amalek esɔk mi. Ndien Agag edi ke ndaresit. Agag onyuŋ ɔdɔhɔ ŋko, ete, Kakpan ke idot mkpa emebe.

1 SAMUEL 15:33

Ndien Samuel ɔdɔhɔ ete, Kpa nte ofut fo ama ɔkɔbɔ iban nditɔ, kpa ntre ŋko ke uka edinana eyen akan iban. Ndien Samuel okpok Agag mbio-mbio ke iso Jehovah ke Gilgal.

EZEKIEL 32:18

Eyen owo, tua baŋa akwa otu owo Egypt, nyuŋ nam mmɔ, kpa enye, ye nditɔ-iban mkpɔsɔŋ mme idut esuhɔre ke idak isɔŋ, ye mme mmɔ emi esuhɔrede ke obube.

ŊWED JOB 15:30

Enye iditoho ke ekim ifiak idi; edemikaŋ anam nsehe esie asat, ibifik inua esie onyuŋ emen enye efep.

EZEKIEL 11:4

Tiŋ ndien prophecy dian mmɔ, tiŋ prophecy, O eyen owo.