HOSEA 6:3 - Edisana ñwed Abasi Ibom

³ Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

HOSEA 6:3 Referans Kwoze

HOSEA 14:5

Nyenam ye Israel nte mbara: enye eyesiaha nte lily, onyuŋ omum oruŋ esie nte Lebanon.

JEREMIAH 24:7

Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.

ŊWED MME PSALM 72:6

Enye eyesuhɔre nte edim ke mbiet eke etemde, nte ŋkeŋe-nkeŋe edim ke ebebit isɔŋ.

ERIYARARE 22:16

Ami Jesus ŋkɔdɔŋ angel Mi edisian fi ikɔ emi, man ada ɔnɔ mme ufɔk Abasi. Ami ndi Oruŋ ye Eyen David, ediyama ntantafiɔŋ usenubɔk.

MATTHEW 13:11

Enye ɔbɔrɔ ete, Eyak enɔ mbufo ndifiɔk ndibe ŋkpɔ Obio Ubɔŋ Heaven, edi iyakka inɔ mmɔ.

ZECHARIAH 10:1

MBUFO ebeŋe Jehovah edim ke ini akpatre edim: Jehovah anam mineŋ-mineŋ, ndien enye eyeda ɔkpɔsɔŋ edim ɔnɔ mmɔ, ɔnɔ kpukpru owo mbiet iŋwaŋ.

2 PETER 1:19

Ndien ema edɔdiɔŋ esɔŋɔ ikɔ mme prophet ekan enɔ nnyin; ndien mbufo eyetim enam, edieke mbufo edibiɔŋde utɔŋ ke ikɔ oro, nte owo esese utuenikaŋ eke ayamade ke ŋkim-ŋkim ebiet, tutu eyo esiere, utin onyuŋ asiaha ke esit mbufo;

LUKE 1:78

Oto ke esit mbɔm Abasi nnyin, Emi esinde usiere oto ke enyɔŋ edisim nnyin,

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

MICAH 4:2

Ndien ediwak mme idut eyeka ekedɔhɔ, ete, Edi, nnyin idɔk ke obot Jehovah, ye ke ufɔk Abasi Jacob; ndien Enye eyeda usuŋ esie ekpep nnyin, nnyin iyenyuŋ isaŋa ke ɔkpɔ-usuŋ esie: koro ewuhɔ eyeto ke Zion, uyo Jehovah eyenyuŋ oto ke Jerusalem.

MME HEBREW 3:14

koro nnyin imakabare idi mme abuana ŋkpɔ ye Christ, edieke nnyin isɔŋɔde imum mbuɔtidem eke ikenyenede ke eritɔŋɔ tutu osim akpatre:

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

HOSEA 10:12

Mbufo ewari mkpasip ke idem mbufo ke nti ido, ndien mbufo eyekpeŋe nte ekemde ke ima (Abasi); mbufo ediɔŋ adaŋdaŋ ke idem mbufo: ndien ekem ke ini eke ekpeyomde Jehovah, tutu enye edikpep mbufo eti ido.

ISAIAH 54:13

Jehovah eyenyuŋ eteme kpukpru nditɔ fo; ndien emem nditɔ fo okpon.

UTOM MME APOSTLE 17:11

Mmɔ emi edi enyene-ido ekan mme andiduŋ Thessalonica; mmɔ ekop ikɔ ke erinyime esit, enyuŋ eduŋɔre ŋwed Abasi ke usen ke usen, ete ifiɔk mme mme ikɔ oro ekem ntre.

HOSEA 2:20

Nyenyuŋ mbem fi nnim nnɔ idem mi ke akpanikɔ: ndien afo eyefiɔk Jehovah.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

ISAIAH 32:15

tutu etie ke enyɔŋ eŋwaŋa nnyin spirit ke idem, ndien wilderness eyekabare edi eti iŋwaŋ, eyenyuŋ ebat eti iŋwaŋ ke akai.

ŊWED MME PSALM 65:9

Afo emedi edise isɔŋ, onyuŋ ebiet enye eti-eti; anam enye oŋwum ŋkpɔ eti-eti; mmɔŋ ɔyɔhɔ ke akpa Abasi: afo otim ibokpot mmɔ, koro afo ɔdiɔŋde enye (isɔŋ) ntem.

DEUTERONOMY 32:2

Item mi eyedep nte edim, uyo mi eyetɔi nte mbara, nte asak-asak edim ke mbiet, ye nte ɔkpɔsɔŋ edim ke ikɔŋ.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

ISAIAH 5:6

ndien nyebiat enye mma: owo idisepke enye, idinyuŋ idiɔŋke; edi akpap ye ŋkukim eyetibe; nyenyuŋ ŋwuk obubit enyɔŋ, nte edim okudep ke esit:

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

ŊWED JOB 29:23

Mmɔ enyuŋ ebet mi nte edim: enyuŋ eŋwaŋade inua mmɔ enɔ ukperedem edim,

MICAH 5:7

Ndien nditɔ Jacob eke esukde eyedu ke otu ediwak mme idut, kpa nte mbara eke otode Jehovah, kpa nte edim eke edepde ke ikɔŋ, eke mibetke owo, minyuŋ ibeŋeke nditɔ owo.

ŊWED MME PSALM 19:4

Uruk mmɔ ɔmɔwɔrɔ ke ofuri ererimbot, se mmɔ etiŋde omonyuŋ osim utit ekondo. Enye omowuk mmɔ tent ke esit ɔnɔ utin.

JOHN 7:17

Edieke owo onyimede ndinam se Enye amade, owo oro eyefiɔk abaŋa se ŋkpepde, mme oto Abasi, mme Ami ntiŋ ikɔ oto Idem Mi.

2 SAMUEL 23:4

Ndien enye eyebiet uŋwana usenubɔk, ke utin asiahade, eke uyama miyakke mbubit enyɔŋ odu: nte edim esinde mbiet afiari ke isɔŋ.

ŊWED MME PSALM 19:6

Enye ɔwɔrɔ ke utit ikpa-enyɔŋ kiet, onyuŋ akan akabare ke utit esie eken: baba ŋkpɔ kiet eke odibede ufiop esie inyuŋ iduhe.

ŊWED MME PSALM 63:8

Ukpɔŋ mi eyire fi ke edem: ubɔk nnasia fo omum mi akama.

ISAIAH 2:3

Ndien ediwak obio eyeka ekedɔhɔ, ete, Mbufo edi, nnyin idɔk ke obot Jehovah, ke ufɔk Abasi Jacob; ndien enye eyekpep nnyin ido esiemɔ, nnyin iyenyuŋ isaŋa ke usuŋ esie: koro mme ewuhɔ eyeto ke Zion, uyo Jehovah eyenyuŋ oto ke Jerusalem.

HOSEA 14:6

Nsehe esie eyesiaha, uyai esie eyenyuŋ ebiet eke olive, ufuɔŋ esie eyenyuŋ ebiet eke Lebanon.