HOSEA 6:11 - Edisana ñwed Abasi Ibom

¹¹ Ndien ŋko, O Judah, enye enim ini ukpeŋe ɔnɔ fi.

HOSEA 6:11 Referans Kwoze

JOEL 3:13

Mbufo esin ikwa ukpeŋe-ibokpot koro se ekpeŋede amadat: mbufo esuhɔre edi, koro ebiet unuak-wine ɔmɔyɔhɔ: abaŋ wine ɔyɔhɔ ɔduɔhɔ: koro mme ukwaŋ-ŋkpɔ mmɔ ekponde.

JEREMIAH 51:33

Koro ntem ke Jehovah mme udim Abasi Israel ɔdɔhɔ, ete, Adiaha Babylon ebiet ebiet ubek ibokpot, ke ini eke edigide enye: osuk esisit ndien ini ukpeŋe eyesim enye.

ŊWED JOB 42:10

Ndien Jehovah osio Job ke itie mbuot ekɔŋ afiak edi, ke ini enye anamde mkpe-ubɔk ɔnɔ mme ufan esie: Jehovah onyuŋ ɔtɔŋɔ ntak ɔnɔ Job kpukpru se enye ekenyenede utim ikaba.

ERIYARARE 14:15

Angel eŋwen onyuŋ ɔwɔrɔ ke temple ofiori ke ɔkpɔsɔŋ uyo, okot enye emi etiede ke ikpa-enyɔŋ, ete, Sin ofut fo, kpeŋe; koro ekem ini ukpeŋe; koro ini mbuŋwum isɔŋ ekem tutu ebe.

ZEPHANIAH 2:7

Mben inyaŋ eyenyuŋ enyene ufɔk Judah eke ɔsuhɔde; mmɔ eyedia ŋkpɔ ke esit: ke ufɔk Ashkelon mmɔ eyesuhɔre ena ke mbubreyo: koro Jehovah Abasi mmɔ eyenɔ mmɔ ufen; ndien enye eyeda mbuot ekɔŋ mmɔ afiak edi.

MICAH 4:12

Ndien mmɔ ifiɔkke uduak Jeho-vah, ekikere esie inyuŋ iŋwaŋake mmɔ: koro Enye eyetaŋ mmɔ obon nte ebek ke ɔtɔ ubek-ibokpot.

ŊWED MME PSALM 126:1

ADAŊEMI Jehovah afiakde etiene nditɔ Zion emi eketaŋde efep, nnyin iketie nte mmɔ eke edabade ndap.

ŊWED MME PSALM 85:1

O JEHOVAH, afo ɔmɔfɔn ido ye isɔŋ fo: amafiak etiene nditɔ Jacob emi eketaŋde efep.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.