HOSEA 5:6 - Edisana ñwed Abasi Ibom

⁶ Ndien mmɔ eyeda ŋkpri ufene mmɔ ye enaŋ mmɔ eka ekeyom Jehovah, edi idikwe; enye omonyuŋ ɔkpɔŋ mmɔ.

HOSEA 5:6 Referans Kwoze

JOHN 7:34

Mbufo eyeyom Mi, edi idikwe Mi; ɔtɔ nte Ami nnyuŋ ndude, mbufo ikemeke ndika do.

MME ŊKE 1:28

Ke ini oro mmɔ eyeseme ekot mi, edi ndiyereke; eyebak eyom mi, ndien idikwe mi.

EZEKIEL 8:6

Ndien enye ɔdɔhɔ mi, ete, Eyen owo, nte afo omokut se mmɔ enamde? ikpɔ mbubiam ŋkpɔ emi ufɔk Israel enamde mi, man ŋkpɔŋ edisana ebiet mi anyan usuŋ? edi tɔŋɔ ntak kabare, ndien afo eyekut ikpɔ mbubiam ŋkpɔ efen.

ŊWED ESEME 3:44

Afo ada obubit enyɔŋ ofuk idem, ndien mkpeubɔk ikemeke ndibe.

JEREMIAH 7:4

Mbufo ekubuɔt idem ke ikɔ nsu, ete, temple Jehovah, temple Jehovah, temple Jehovah edi mme mmɔ emi.

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

LUKE 5:16

Edi Enye ɔkpɔŋ mmɔ aka ke desert ikpɔŋ onyuŋ ɔbɔŋ akam.

JEREMIAH 11:11

Mmɔdo ntem ke Jehovah ɔdɔhɔ, ete, Sese, ami nyeda idiɔk ŋkpɔ kiet eke mmɔ mikemeke ndiwɔrɔ ke esit, ntiene mmɔ; ndien mmɔ eyeseme enɔ mi, edi ami ndikopke uyo mmɔ.

ISAIAH 66:3

Eke ɔyɔkde enaŋ owot owo; eke awade eyen erɔŋ atuak ebua itɔŋ; eke odoride inuak-udia osime iyip edi; eke ɔfɔpde incense ɔkɔm ibɔk. Mmɔ ememek usuŋ mmɔ ŋko, ŋkpɔ mbubiam mmɔ enyuŋ enem mmɔ esit.

IKWƆ SOLOMON 5:6

Ami nsio usuŋ nnɔ ama mi; edi ama mi ama akabare ɔnyɔŋ. Ukpɔŋ ɔbɔhɔ mi ke ini enye ɔdɔhɔde. Nyom enye, edi ŋkwe enye; ŋkot enye edi, ndien enye iyereke mi.

MME ŊKE 21:27

Uwa idiɔk ido edi mbubiam: ŋwaŋwa ediso ke adaŋemi enye adade enye edi ye idiɔk ekikere.

EXODUS 10:9

Ndien Moses ɔdɔhɔ ete, Iyeka ye nditɔɔwɔŋ nnyin, ye ŋkani iren nnyin, iyeka ye nditɔ-iren nnyin, ye nditɔ-iban nnyin, iyeka ye ŋkpri ufene nnyin, ye enaŋ nnyin; koro nnyin ikamade usɔrɔ Jehovah.

MICAH 3:4

Ndien mmɔ eyeseme enɔ Jehovah, ndien enye idiyereke mmɔ: enye eyenyuŋ odip mmɔ iso esie ke ini oro, kpa nte mmɔ ediɔkde ndinim ido mmɔ.

EZEKIEL 8:18

Ndien ami ŋko nyenam ke ifuresit: enyin mi idinyeneke mbɔm, ndinyuŋ nyakke: ndien mmɔ eyefiori mi ɔkpɔsɔŋ uyo ke utɔŋ, edi ndikopke uyo mmɔ.

JEREMIAH 11:14

Afo kunam mkpeubɔk ndien, unɔ mbio emi, kunyuŋ umenere mfiori ye eseme ubaŋa mmɔ: koro mmendikopde ke ini eke mmɔ esemede ekot mi ebaŋa idiɔk itie ukut mmɔ.

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

MALACHI 1:10

Anie ke idem otu mbufo edisin itim? Mbufo inyuŋ ibarake ikaŋ ke itie-uwa mi ke ikpikpu. Jehovah mme udim ɔdɔhɔ ete, Mbufo inemke mi esit baba; inuak-udia emi orode mbufo ke ubɔk inyuŋ inemke mi esit.

AMOS 8:12

ndien mmɔ eyediyo, ɔtɔŋɔde ke inyaŋ kiet tutu osim ke inyaŋ eken, enyuŋ eyɔrɔ, ɔtɔŋɔde ke edere tutu osim edem usiaha-utin ke eyom ikɔ Jehovah, edi idikwe.