HOSEA 4:10 - Edisana ñwed Abasi Ibom

¹⁰ Ndien mmɔ eyedia, edi idiyuhɔke: mmɔ eyenam use, edi iditɔtke: koro mmɔ etrede ndikere Jehovah.

HOSEA 4:10 Referans Kwoze

MICAH 6:14

Afo eyedia ŋkpɔ, edi uyuhɔke; esit eyenyuŋ ɔduɔ fi: afo ekpemen ŋkpɔ efep, udunimke mmɔ ke ifure; ndien nyeda se afo anyaŋade nyak nnɔ ofut.

LEVITICUS 26:26

Ke adaŋemi ami mbuŋde esaŋ uyo nnɔ mbufo, iban duop eyesaŋ uyo mbufo ke usaŋ-uyo kiet, enyuŋ edomo uyo enɔ mbufo: ndien mbufo eyeta, edi idiyuhɔke.

HAGGAI 1:6

Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

ZEPHANIAH 1:6

ye mmɔ eke ekpɔŋde Jehovah efiak edem; eke miyomke Jehovah ŋko, minyuŋ ibineke enye.

HOSEA 4:14

Ndinɔŋɔ nditɔ-iban mbufo ufen, koro mmɔ enamde use, ndinyuŋ nnɔŋɔ iban mbufo ufen, koro mmɔ esinde efibe: koro mmɔ ke idem-mmɔ ewahade etiene mme akpara, enyuŋ ewade uwa ye iban use: ndien mbio emi enanade ibuot eyetak.

EZEKIEL 18:24

Ndien ke adaŋemi edinen owo ɔkpɔŋde edinen ido esie afiak edem, onyuŋ anam mme ukwaŋ-ŋkpɔ, onyuŋ anam nte asaŋade ye kpukpru mbubiam ido emi idiɔk owo anamde, nte enye eyedu uwem? Iditihi edinen ido esie eke enye anamde baba kiet: enye eyekpa ke ndudue esie eke enye eduede, ye ke idiɔk ido eke enye anamde.

MME ŊKE 13:25

Eti owo adia ŋkpɔ ɔyuhɔ: edi idibi mme idiɔk owo ana ukpɔk.

ŊWED MME PSALM 125:5

Ndien ama edi mmɔ eke ewahade eduk ke ŋkwaŋa usuŋ mmɔ, Jehovah eyeyak mmɔ eka ye mme anam-idiɔk. Yak emem odu ye Israel.

ŊWED MME PSALM 36:3

Ikɔ inua esie edi abiaŋa ye nsu: enye emetre ndidi ɔniɔŋ nnyuŋ nnam eti.

2 CHRONICLES 24:17

Ekem ke ini Jehoiada akpade, mme etubom Judah edi edituak ibuot enɔ edidem. Ndien edidem okop uyo mmɔ.

JEREMIAH 34:15

Ndien mbufo ema ekabare mfin, ema enyuŋ enam se inende ke iso mi, enyuŋ ekwɔrɔ uwɔrɔ-ufin kpukpru kiet kiet enɔ mbɔhiduŋ mbufo; ema enyuŋ ediomi ediomi ke iso mi ke ufɔk emi ekerede enyiŋ mi:

EZEKIEL 22:9

Mmɔ eke esaŋade mbia man eduɔk iyip, ke edu ke ufɔt fo: mmɔ enyuŋ edia ŋkpɔ ke enyɔŋ obot ke ufɔt fo: enam oburobut ido ke ufɔt fo.

HOSEA 7:4

Kpukpru mmɔ edi mbon efibe, ebiet usaŋ-uyo eke anam-uyo abarade. Enye etre ndidemere ikaŋ, toto ke ini emi enye obuende ebok, tutu ebok ofut.

JEREMIAH 9:12

Anie owo enyene ibuot, ndien enye eyetim okut ŋkpɔ emi? Ndien anie edi owo emi inua Jehovah ɔdɔhɔde ye enye, ndien enye eyebuk enye? Isɔŋ anam didie atak, abiara nte wilderness eke baba owo keit misaŋake ibe?