HOSEA 2:15 - Edisana ñwed Abasi Ibom

¹⁵ Ndien nyeda iŋwaŋ-vine esie do nnɔ enye, nnyuŋ nnɔ enye itihere Achor ke inua-otop idori-enyin: ndien enye eyekwɔ do, kpa nte ke mme usen uyen esie, ye ke usen oro enye okotode ke isɔŋ Egypt ɔdɔk.

HOSEA 2:15 Referans Kwoze

EZEKIEL 28:26

Ndien mmɔ eyeduŋ ke esit ke ifure, enyuŋ ebɔp ufɔk, enyuŋ etɔ iŋwaŋ-vine, enyuŋ eduŋ ke ifure, ke ini ndinamde ikpe ye kpukpru mmɔ eke etode ke ŋkan-ŋkuk ese mmɔ ke ndek; ndien mmɔ eyefiɔk ete ke ami ndi Jehovah Abasi mmɔ.

JEREMIAH 2:2

ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

HOSEA 11:1

KE adaŋoro Israel edide eyenɔwɔŋ, ami mma enye, nnyuŋ ŋkot eyen mi, nte enye oto ke Egypt edi.

JOSHUA 7:26

Ndien mmɔ ekubi enye akamba ebok itiat ke idem, tutu osim mfin emi. Ntem ke Jehovah akabare ɔkpɔŋ ikaŋ iyaresit esie. Mmɔdo enyiŋ ebiet oro ekerede ebedeŋ Achor (ndutuhɔ), tutu osim mfin emi.

UTOM MME APOSTLE 14:27

Edi ke ini mmɔ esimde do, mmɔ ekot ufɔk Abasi ebon ɔtɔ kiet, ebuk kpukpru se Abasi akadade mmɔ anam, ye adaŋa nte Enye ekebererede usuŋ mbuɔtidem ɔnɔ mme Gentile.

JOHN 10:9

Ami ndi inua-otop: edieke owo ekededi ebede Mi oduk, enye eyekut erinyaŋa, eyenyuŋ ebe oduk, onyuŋ ebe ɔwɔrɔ, okut se adiade.

AMOS 9:14

Ndien nyeda ikɔt mi Israel emi eketaŋde efep nnyɔŋ ndi: ndien mmɔ eyebɔp mme obio emi enade ikpikpu, ndien eduŋ (ke esit); mmɔ eyenyuŋ etɔ iŋwaŋ-vine, enyuŋ eŋwɔŋ wine mmɔ: enyuŋ enam iŋwaŋ, ndien edia mfri mmɔ.

EZEKIEL 16:60

Ndien ami nyeti ediomi mi ye afo ke mme usen uyen fo, nyenyuŋ nsɔŋɔ ŋwuk nsinsi ediomi ye afo.

EZEKIEL 16:22

Ndien ke kpukpru mbubiam ŋkpɔ fo, ye use fo, afo utihi mme usen uyen fo, ke ini afo ekedide iferi ye ikpikpu, onyuŋ amiaŋade ke iyip fo.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

ISAIAH 65:21

Ndien mmɔ eyebɔp ufɔk enyuŋ eduŋ ke esit: eyenyuŋ etɔ iŋwaŋ-vine, enyuŋ edia mfri mmɔ.

ZECHARIAH 9:12

Mbufo mbon ŋkpɔkɔbi idori-enyin, efiak edi ke ɔkpɔsɔŋ ebiet: kpa mfin emi ke ndɔhɔ nte ke ndinɔ fi utim ikaba.

ŊWED ESEME 3:21

Nda emi ndian ke esit, oro esin ami nnyene idori-enyin.

JEREMIAH 32:15

Koro ntem ke Jehovah mme udim Abasi Israel ɔdɔhɔ ete, Eyetɔŋɔ ntak edep ufɔk ye iŋwaŋ ye iŋwaŋ-vine ke isɔŋ emi.

ŊWED MME PSALM 106:12

Ndien mmɔ enim ikɔ esie ke akpanikɔ; mmɔ ekwɔ itoro esie.

NUMBERS 21:17

Ndien Israel ekwɔ ikwɔ emi, ete, O obube, wɔrɔ mmɔŋ; mbufo ekwɔ enɔ enye:

HOSEA 12:9

Ndien ami ndi Jehovah Abasi fo ɔtɔŋɔde ke isɔŋ Egypt, nyetɔŋɔ ntak nnam fi oduŋ ke tent, kpa nte eke usen esop.

ISAIAH 65:10

Ndien Sharon eyekabare edi ebiet eke ŋkpri ufene eduŋde, ebedeŋ Achor eyenyuŋ akabare edi ebiet eke enaŋ edinade, ɔnɔ ikɔt mi emi ebinede mi.

HOSEA 2:12

Nyenyuŋ mbiat vine esie ye eto fig esie, emi enye ɔkɔdɔhɔde abaŋa, ete, “Mme mmɔ emi edi utip mi emi mme andima mi enɔde mi”: ndien nyenam mmɔ ekabare edi akai, ndien mme unam ikɔt eyedia mmɔ.

ŊWED MME PSALM 129:1

OH yak Israel ɔdɔhɔ ete, “Mmɔ ewak ndituk mi toto ke uyen mi:

JEREMIAH 2:1

NDIEN uyo Jehovah osim mi, ete, Ka kokot ke utɔŋ Jerusalem, ete,

JEREMIAH 3:4

Nte afo udutɔŋɔke ke emi ukot mi, ete, Ete mi, afo edi ufan uyen mi?

JEREMIAH 29:11

Koro ami mmɔfiɔk ekikere emi ŋkerede mbaŋa mbufo, Jehovah ɔdɔhɔ, ekikere emem, idige eke idiɔk, man nnɔ mbufo utit ye idorienyin.

EZEKIEL 28:25

Ntem ke Ɔbɔŋ Jehovah ɔdɔhɔ ete; Ke ini emi ntaŋde ufɔk Israel mfep ke mme idut emi mmɔ ekesuanade ke otu mmɔ, ke mmɔ enyuŋ enimde mi ke edisana ke enyin mme idut, ndien mmɔ eyeduŋ ke isɔŋ mmɔ emi ŋkadade nnɔ owo mi Jacob.

HOSEA 12:13

Jehovah onyuŋ ada ubɔk prophet kiet osio Israel ke Egypt ɔdɔk, enyuŋ eda prophet ekpeme enye.

HOSEA 13:4

Ndien edi ami ŋkedi Jehovah Abasi fo toto ke isɔŋ Egypt; kufiɔk ndien Abasi ke mibɔhɔke ami: koro baba andinyaŋa kiet miduhe ikɔrɔ ye ami.

JUDGES 8:34

Nditɔ Israel inyuŋ itihi Jehovah Abasi mmɔ, emi akanyaŋade mmɔ osio ke ubɔk kpukpru mme asua mmɔ emi ekande mmɔ ekuk:

1 NDIDEM 16:31

Edikem, (nte erisaŋa emi enye asaŋade ke mme idiɔk ido Jeroboam eyen Nebat edi ekpri ŋkpɔ), enye onyuŋ ada Jezebel eyen Ethbaal edidem mme Zidonian ɔdɔ, onyuŋ aka akanam ŋkpɔ Baal, onyuŋ atuak ibuot ɔnɔ enye.