HOSEA 2:12 - Edisana ñwed Abasi Ibom

¹² Nyenyuŋ mbiat vine esie ye eto fig esie, emi enye ɔkɔdɔhɔde abaŋa, ete, “Mme mmɔ emi edi utip mi emi mme andima mi enɔde mi”: ndien nyenam mmɔ ekabare edi akai, ndien mme unam ikɔt eyedia mmɔ.

HOSEA 2:12 Referans Kwoze

ISAIAH 7:23

Ndien ama ekem ke usen oro, kpukpru ebiet eke tɔsin vine emi ekpade tɔsin silver, edude do, eyekabare edi akpap ye ikɔt ŋkukim.

ISAIAH 5:5

Yak nsian mbufo, ndien, se ami ndinamde ye iŋwaŋ-vine mi: nyedibere ɔkɔ esie mfep, ndien enye eyekabare edi se etade; ŋwuri ibibene esie, ndien enye eyekabare edi se edigide:

HOSEA 13:8

Ami nsim mmɔ nte bear eke ebɔde enye nditɔ, nnyuŋ nwai se ifuhɔde mmɔ ke oti; nnyuŋ nta mmɔ do nte uman lion: unam ikɔt asiak mmɔ mbak-mbak.

HOSEA 2:5

Koro eka mmɔ ekenamde use, andiman mmɔ amanam oburobut: koro enye ɔdɔhɔde ete, Nyetiene mmɔ eke emade mi, emi enɔde mi uyo mi ye mmɔŋ mi, ye idet erɔŋ mi ye flax mi, ye aran mi ye se ŋŋwɔŋde.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

HOSEA 9:1

O ISRAEL, kudat esit ukaha nte mme idut: koro afo ɔmɔkpɔŋ Abasi fo anam use: afo amama utip ke kpukpru ɔtɔ ubek-ibokpot.

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

JEREMIAH 8:13

Ke edi Jehovah ɔdɔhɔ. Jehovah ɔdɔhɔ ete, Nyesobo mmɔ eti-eti; baba mfri ididuhe ke vine, baba fig idinyuŋ iduhe ke eto fig, ikɔŋ eyenyuŋ eyemere: ndien nyeda mmɔ nnɔ mmɔ eke esaŋade ebe mmɔ.

ISAIAH 29:17

Nte isukke ata esisit iwɔŋ, ndien Lebanon eyekabare edi eti iŋwaŋ, eyenyuŋ ebat eti iŋwaŋ ke akai?

ŊWED MME PSALM 80:12

Nsinam afo obuŋde enye ɔkɔ, ayak kpukpru mmɔ eke esaŋade ke usuŋ etet enye?

JEREMIAH 5:17

Ndien mmɔ eyeta ibokpot fo ye uyo fo, eyeta nditɔ-iren fo ye nditɔ-iban fo: eyeta ŋkpri ufene fo ye enaŋ fo: eyeta vine fo ye fig fo: eyeda ofut ewuri obio ibibene fo emi afo ɔbuɔtde idem fo ke esit.

JEREMIAH 13:26

Ndien ŋko ami nyesio fi ɔfɔŋ-idem fo ke idem, nda mfuk fi iso, ndien owo eyekut esuene fo.

HOSEA 5:14

Koro ami ntiede nte lion ye Ephraim, ntie nte akparawa lion ye ufɔk Judah: ami kpa ami nyewai ndien nnyɔŋ; nyemen mfep, ndien baba owo kiet eke anyaŋade ididuhe.