HOSEA 14:6 - Edisana ñwed Abasi Ibom

⁶ Nsehe esie eyesiaha, uyai esie eyenyuŋ ebiet eke olive, ufuɔŋ esie eyenyuŋ ebiet eke Lebanon.

HOSEA 14:6 Referans Kwoze

ŊWED MME PSALM 52:8

Edi ami mbiet awawa olive ke ufɔk Abasi; mmɔbuɔt idem mi ke ima Abasi ke nsinsi.

ŊWED MBON PHILIPPI 4:18

Edi mmenyene kpukpru ŋkpɔ uwak-uwak; mmɔyuhɔ, sia mma ŋkɔbɔ enɔ mbufo ke ubɔk Epaphroditus; ata edinem ufuɔŋ ke edi, uwa eke Abasi adarade, onyuŋ enemde Enye esit eti-eti ndibɔ.

JOHN 15:1

AMI ndi ata vine, Ete Mi onyuŋ edi ɔdiɔŋ-iŋwaŋ-vine.

MATTHEW 13:31

Enye emen ŋke efen onim ke iso mmɔ, ete, Obio Ubɔŋ Heaven ebiet mkpasip mustard, eke owo emende ɔtɔ ke iŋwaŋ esie;

JEREMIAH 11:16

Jehovah okosio fi enyiŋ, ete, Awawa olive, ediye ke mfri ye ke idem. Ke uyo akwa mkpo ke enye okokim ikaŋ ke esit, ndien ŋkɔk esie emebuŋɔ.

ŊWED MME PSALM 128:3

Ŋwan fo eyebiet vine eke oŋwumde mfri ke ŋkaŋ ufɔk fo: nditɔ fo eyebiet nditɔ olive ekan okpokoro fo ekuk.

GENESIS 27:27

Ndien enye asaŋa ekpere, eketim enye inua: ndien enye okop utebe edisine-ŋkpɔ esie onyuŋ ɔdiɔŋ enye ŋko, ete, Sese, utebe eyen mi etie nte utebe isɔŋ eke

ŊWED MME PSALM 92:12

Edinen owo eyesiaha nte eyop: onyuŋ ɔkɔri nte cedar ke Lebanon.

ISAIAH 27:6

Ke eyo emi edide, Jacob eyemum oruŋ ke isɔŋ: Israel eyesehe onyuŋ asiaha ikɔŋ, onyuŋ ada mbuŋwum ɔyɔhɔ ke iso ererimbot.

ISAIAH 35:2

Eyediɔŋ asiaha ikɔŋ, onyuŋ ebre mbre, onyuŋ ɔkwɔ: eyenɔ enye ubɔŋ Lebanon, ye uyai Carmel ye Sharon; mmɔ eyekut ubɔŋ Jehovah, uyai Abasi nnyin.

ISAIAH 66:14

Ndien mbufo eyekut, ndien esit mbufo eyedara, mme ɔkpɔ mbufo eyenyuŋ efiari nte mbiet: ndien ikɔt Jehovah eyediɔŋɔ ubɔk esie, ndien enye eyefut esit ye mme asua esie.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.