HOSEA 14:5 - Edisana ñwed Abasi Ibom

⁵ Nyenam ye Israel nte mbara: enye eyesiaha nte lily, onyuŋ omum oruŋ esie nte Lebanon.

HOSEA 14:5 Referans Kwoze

ISAIAH 35:2

Eyediɔŋ asiaha ikɔŋ, onyuŋ ebre mbre, onyuŋ ɔkwɔ: eyenɔ enye ubɔŋ Lebanon, ye uyai Carmel ye Sharon; mmɔ eyekut ubɔŋ Jehovah, uyai Abasi nnyin.

ISAIAH 27:6

Ke eyo emi edide, Jacob eyemum oruŋ ke isɔŋ: Israel eyesehe onyuŋ asiaha ikɔŋ, onyuŋ ada mbuŋwum ɔyɔhɔ ke iso ererimbot.

ŊWED MBON EPHESUS 3:17

Christ akpakam onyuŋ oduŋ ke esit mbufo oto ke mbuɔtidem; mbufo ekpekam enyuŋ emum ŋkam enyuŋ esɔŋɔ ewuhɔ ke ima,

MATTHEW 6:28

Nsinyuŋ idi ntak eke mbufo etimerede esit mbufo ebaŋa edisine-ŋkpɔ? Ekere ekpɔŋidim ke ikɔt nte mmɔ ekɔride; mmɔ inamke ɔkpɔsɔŋ utom, inyuŋ ifiakke ndidi:

ŊWED MME PSALM 72:16

Uwak ibokpot eyedu ke isɔŋ ke nsom ikpɔ obot; mfri esie eyenyeŋe nte Lebanon: ndien mbio-obio eyesehe nte mbiet iŋwaŋ.

ŊWED JOB 29:19

Oruŋ mi asiaha tutu osim akpa, mbara onyuŋ ana ke ŋkɔk mi.

DEUTERONOMY 32:2

Item mi eyedep nte edim, uyo mi eyetɔi nte mbara, nte asak-asak edim ke mbiet, ye nte ɔkpɔsɔŋ edim ke ikɔŋ.

MICAH 5:7

Ndien nditɔ Jacob eke esukde eyedu ke otu ediwak mme idut, kpa nte mbara eke otode Jehovah, kpa nte edim eke edepde ke ikɔŋ, eke mibetke owo, minyuŋ ibeŋeke nditɔ owo.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

ISAIAH 26:19

Mme akpa-mkpa fo eyedu uwem, mme okpo mi eyebuhɔre. Mbufo emi eduŋde ke ntan edemere, ekwɔ: koro mbara ikɔŋ edide mbara fo, ndien isɔŋ eyeman mme ekpo.

ISAIAH 18:4

Koro ntem ke Jehovah ɔdɔhɔ mi, ete, Nyetie suŋ ke itie mi, nnyuŋ ntiŋ enyin, nte afia eyo esede ikɔŋ, ye nte obubit enyɔŋ ekeŋede mbara ke ufiop ini ukpeŋe.

ŊWED MME PSALM 72:6

Enye eyesuhɔre nte edim ke mbiet eke etemde, nte ŋkeŋe-nkeŋe edim ke ebebit isɔŋ.

2 NDIDEM 19:30

Ndien ubak ufɔk Judah emi ɔbɔhɔde, onyuŋ ɔsuhɔde, eyetɔŋɔ ntak omum oduŋ esie ke isɔŋ, onyuŋ oŋwum idem ke enyɔŋ:

2 SAMUEL 23:4

Ndien enye eyebiet uŋwana usenubɔk, ke utin asiahade, eke uyama miyakke mbubit enyɔŋ odu: nte edim esinde mbiet afiari ke isɔŋ.

LUKE 12:27

Ese ekpɔŋ-idim nte mmɔ ekɔride: mmɔ ifiakke ndidi, inyuŋ idɔkke ɔfɔŋ; edi ndɔhɔ mbufo nte, Solomon ke ofuri ubɔŋ esie ikesineke se iyede nte kiet ke otu mmɔ.

IKWƆ SOLOMON 4:5

Eba fo mbiba ebiet nditɔ edop iba, amaniba, eke etade ikɔŋ ke otu mme lily.

IKWƆ SOLOMON 2:16

Ama mi edi okim, ami nnyuŋ ndi esie: enye ɔbɔk ufene esie ke otu mme lily.

MME ŊKE 19:12

Ikpahesit ɔbɔŋ ebiet ŋkuni lion: edi ufɔn esie ebiet mbara ke mbiet.

ŊWED MME PSALM 80:9

Aŋwaŋa ebiet ke iso esie, ndien enye omum oruŋ esie, onyuŋ; ɔyɔhɔ ke isɔŋ.

ŊWED MME PSALM 92:12

Edinen owo eyesiaha nte eyop: onyuŋ ɔkɔri nte cedar ke Lebanon.

ŊWED MME PSALM 133:3

emi ɔsuhɔrede ke ikpɔ obot Zion: koro do ke Jehovah owuk ŋkpɔ ufɔn, kpa nwem nsinsi.

ISAIAH 45:8

Mbufo mme heaven ke enyɔŋ ekeŋe, yak mbubit enyɔŋ enyuŋ eŋwaŋa edinen ido: yak isɔŋ ɔkubɔre, yak erinyaŋa ye edinen ido esiaha, yak enye oŋwum mmɔ ini kiet: ami Jehovah mbot enye.

ŊWED MME PSALM 92:13

Emetɔ mmɔ ke ufɔk Jehovah; mmɔ eyesiaha ke okure Abasi nnyin.

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ISAIAH 57:18

Mmokut ido esie, ndien nyekɔk enye: nnyuŋ nda enye usuŋ, nnyuŋ nda emem nnɔ enye ye nditɔ esie emi etuaŋade.

ISAIAH 57:19

Jehovah ɔdɔhɔ ete, Mbot mfri mkpɔk-inua; emem, emem, nnɔ owo eke oyomde usuŋ ye owo eke ekperede, ndien nyekɔk enye.

JEREMIAH 3:22

Mbufo nditɔ mfiakedem efiak edi, ndien ami nyekɔk mfiakedem mbufo. “Sese, nnyin itiene fi, koro afo edide Jehovah Abasi nnyin.

JEREMIAH 32:41

Ndien nyedat esit mbaŋa mmɔ ndifɔn ye mmɔ, nnyuŋ ntɔ mmɔ ke isɔŋ emi ke akpanikɔ, ye ke ofuri esit mi, ye ke ofuri ukpɔŋ mi.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.