HOSEA 14:2 - Edisana ñwed Abasi Ibom

² Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

HOSEA 14:2 Referans Kwoze

MME HEBREW 13:15

Yak nnyin iwa uwa ekɔm inɔ Abasi kpukpru ini ke enyiŋ Jesus, kpa mfri mkpɔk-inua eke ekponode enyiŋ Esie.

ŊWED JOB 7:21

Nsinam afo mufenke ndudue mi, munyuŋ umenke idiɔk ido mi ufep? Koro ke emi ke ndinyene ndina ke ntan, ndien afo eyeyom mi, edi ndiduhe.

1 JOHN 3:5

Ndien mbufo efiɔk ete ekesio Enye enim, man emen mme idiɔk-ŋkpɔ efep; ndien idiɔk-ŋkpɔ iduhe Enye ke idem.

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

2 ŊWED TIMOTHY 1:9

emi ama anyaŋa nnyin, onyuŋ okot nnyin edisana ikot; itoho ke se nnyin inamde edi oto ke uduak ye mfɔn Esiemɔ, emi ekɔnɔde nnyin ke Christ Jesus, ndien nsinsi eyo edidu;

LUKE 18:13

Edi publican ada nsan-nsan, inyuŋ inyimeke ndimenere kpa enyin esie nse enyɔŋ, edi amia ubɔk ke ikpanesit esie, ete, Abasi, tua mi, idiɔk owo, mbɔm.

JOEL 2:17

Yak mme oku, mme anam-ŋkpɔ Jehovah, etua eyet ke ufɔt etehe ye itie-uwa; yak mmɔ enyuŋ edɔhɔ ŋko, ete, O Jehovah tua ikɔt fo mbɔm, kunyuŋ uda udeme fo usin ke ŋkpɔ but, man mme idut ekara mmɔ: mmɔ ekpenam didie edɔhɔ ke otu mme idut, ete, Enye Abasi mmɔ?

2 SAMUEL 24:10

Ekem esit ɔtɔ David, ke enye ama akabat mbio-obio ntre. David onyuŋ ɔdɔhɔ Jehovah, ete, Mmanam idiɔk eti-eti ke se ŋkanamde: edi, mbɔk Jehovah, kam dahado ke idiɔk ido owo fo; koro mmanam ndisime ido eti-eti.

2 SAMUEL 12:13

Ndien David ɔdɔhɔ Nathan, ete, Mmanam idiɔk ido ye Jehovah. Ndien Nathan ɔdɔhɔ David, ete, Jehovah ɔmɔnyuŋ adahado ke idiɔk ido oro ɔnɔ fi; afo udukpaha.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

MME HEBREW 10:4

Koro iyip enaŋ ye ebot ikemeke-keme ndimen mme idiɔk-ŋkpɔ mfep.

ŊWED MBON ROME 11:27

Ndien emi edi ediomi Mi ye mmɔ, Ke adaŋemi ndimende mme idiɔk-ŋkpɔ mmɔ mfep.

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

LUKE 11:13

Mmɔdo edieke mbufo emi ediɔkde efiɔkde ndinɔ nditɔ mbufo nti enɔ, adaŋa didie akan oro ke Ete mbufo ke heaven ediyak Edisana Spirit ɔnɔ mmɔ eke ebeŋede Enye?

MATTHEW 7:11

Mmɔdo edieke mbufo emi ediɔkde efiɔkde ndinɔ nditɔ mbufo nti enɔ, adaŋa didie akan oro ke Ete mbufo emi odude ke heaven edimen nti ŋkpɔ ɔnɔ mmɔ emi ebeŋede Enye?

ZECHARIAH 3:4

Ndien enye ɔbɔrɔ onyuŋ ɔdɔhɔ mmɔ oro edade enye ke iso, ete, Mbufo esio enye ndek-ndek ɔfɔŋidem oro ke idem. Ndien enye ɔdɔhɔ enye, ete, Sese, mmosio fi idiɔk ido fo ke idem mfep, nyenyuŋ nda edisine-ŋkpɔ ubɔŋ nsine fi ke idem.

ISAIAH 6:7

ndien enye ada enye otuk mi ke mkpɔk-inua, onyuŋ ɔdɔhɔ ete, Sese, emi omutuk fi ke mkpɔk-inua: omonyuŋ osio isop idiɔk ido fo.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

ŊWED MME PSALM 50:14

Wa ekɔm nɔ Abasi;

ŊWED MME PSALM 51:16

Koro afo muyomke uwa emem; (okpoyom) ŋkpɔnɔ: unyuŋ umaŋa edifɔp uwa.

ŊWED MME PSALM 51:17

Mme uwa emem Abasi edi spirit eke ɔbuŋɔde: O Abasi, afo usinke edibuŋɔ ye edinuaha esit ke ndek.

ŊWED MME PSALM 119:108

Mbɔk, yak mme uwa ima inua mi enem fi, O Jehovah, nyuŋ kpep mi mme ikpe fo.

HOSEA 6:6

Koro nyomde ima; nyom ifiɔk Abasi ŋkan edifɔp uwa.

JONAH 2:9

Ndien ami nyeda uyo ekɔm ŋwa uwa nnɔ fi; nyesio se ŋkakaŋade. Erinyaŋa enyene Jehova.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

JEREMIAH 3:12

Ka kɔkwɔrɔ ikɔ emi se edem edere, nyuŋ dɔhɔ, ete, Jehovah ɔdɔhɔ, ete, O Israel ama-mfiak-edem, fiak edem; ndibɔpke iso mi nse mbufo: koro ami ndide ima, ŋkɔhɔkede ke nsinsi; uyo Jehovah edi emi.

HOSEA 5:5

Ndien iseri Israel etiŋ abaŋa enye ke iso esie: Israel ye Ephraim ŋko eyeduɔŋɔ ke mme ukwaŋ-ŋkpɔ mmɔ; ndien Judah eyenyuŋ ɔduɔ ye mmɔ.

HOSEA 12:7

Owo urua! nsu-nsu udomo ŋkpɔ edu enye ke ubɔk: enye amama owo ndituk.