HOSEA 13:8 - Edisana ñwed Abasi Ibom

⁸ Ami nsim mmɔ nte bear eke ebɔde enye nditɔ, nnyuŋ nwai se ifuhɔde mmɔ ke oti; nnyuŋ nta mmɔ do nte uman lion: unam ikɔt asiak mmɔ mbak-mbak.

HOSEA 13:8 Referans Kwoze

2 SAMUEL 17:8

Ndien Hushai ɔdɔhɔ ete, Afo ɔmɔfiɔk usɔ ye ikɔt esie, ete ke mmɔ edi mbon uko, esit onyuŋ ayat mmɔ, nte bear eke ewotde nditɔ esie ke ikɔt; usɔ onyuŋ edi owo ekɔŋ, idinyuŋ idaŋke ke otu mmɔ eken ke okoneyo.

JEREMIAH 12:9

Nte udeme mi etie ye ami nte ekpaŋ-ekpaŋ inuen? Nte mme inuen ekan enye ekuk? Mbufo eka ekebon kpukpru mme unam ikɔt, eda mmɔ edi ke itie udia

ISAIAH 56:9

Mbufo kpukpru mme unam ikɔt, ye mbufo kpukpru mme unam ke akai, edi edita.

ISAIAH 5:29

mfiori mmɔ ebiet eke uman lion, mmɔ efiori nte mkparawa lion: eyenyuŋ ekuni, enyuŋ emum unam, enyuŋ emen enye enyɔŋ ke ifure, baba owo kiet eke anyaŋade idinyuŋ iduhe.

MME ŊKE 17:12

Ɔfɔn bear eke ewotde nditɔ esie, osobo ye owo, akan ndisime owo ke ebiɔ esie.

ŊWED MME PSALM 80:13

Edi oto ke akai abiat enye, unam ikɔt onyuŋ adia enye.

ŊWED MME PSALM 50:22

O mbufo emi efrede Abasi, etim ese emi, mbak ndiwai mbufo mbak-mbak, ndien owo eke anyaŋade iduhe.

JEREMIAH 25:38

Enye ɔmɔkpɔŋ mfuhɔ ikɔt esie nte lion: koro isɔŋ mmɔ amakabare edi se mmɔ ebiatde, kabaŋa iyaresit owo ŋkanubɔk, ye ikaŋ iyaresit esie.

HOSEA 2:12

Nyenyuŋ mbiat vine esie ye eto fig esie, emi enye ɔkɔdɔhɔde abaŋa, ete, “Mme mmɔ emi edi utip mi emi mme andima mi enɔde mi”: ndien nyenam mmɔ ekabare edi akai, ndien mme unam ikɔt eyedia mmɔ.

HOSEA 5:14

Koro ami ntiede nte lion ye Ephraim, ntie nte akparawa lion ye ufɔk Judah: ami kpa ami nyewai ndien nnyɔŋ; nyemen mfep, ndien baba owo kiet eke anyaŋade ididuhe.