HOSEA 13:10 - Edisana ñwed Abasi Ibom

¹⁰ Enye edidem fo ndien, man enye anyaŋa fi ke kpukpru mme obio fo? enye ŋko mme ebierikpe fo emi afo ɔkɔdɔhɔde abaŋa, ete,

HOSEA 13:10 Referans Kwoze

HOSEA 8:4

Mmɔ enim owo ke ndidem, edi itoho mi: enim owo ke mbɔŋ, ndien ami mfiɔkke: mmɔ eda silver mmɔ ye gold mmɔ enam mbiet ŋkpɔ enɔ idem mmɔ, man esibe mmɔ efep.

HOSEA 10:3

Koro ke emi ke mmɔ edidɔhɔ, ete, Nnyin inyeneke edidem, koro nnyin mibakke Jehovah: enye ama edi edidem, enye eyenam nnyin nso ŋkpɔ?

JOHN 1:49

Nathanael ɔbɔrɔ Enye ete, Rabbi, Afo edi Eyen Abasi; Afo edi Edidem Israel.

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

HOSEA 13:4

Ndien edi ami ŋkedi Jehovah Abasi fo toto ke isɔŋ Egypt; kufiɔk ndien Abasi ke mibɔhɔke ami: koro baba andinyaŋa kiet miduhe ikɔrɔ ye ami.

JEREMIAH 8:19

Sese, uyo eseme adiaha ikɔt mi oto ke anyan idut: nte Jehovah iduhe ke Zion? Nte edidem esie iduhe ke esit? Nsinam mmɔ ekedade ndisɔi mbiet mmɔ ye mbukpo ŋkpɔ isen idut eyat mi esit?

JEREMIAH 2:28

Ndien mme abasi fo oro afo akanamde ɔnɔ idem fo edu mmɔŋ? Yak mmɔ edaha ke enyɔŋ, edieke mmɔ edikemede ndinyaŋa fi ke ini ukut fo: koro mme abasi fo ekemde ibat mme obio fo, O Judah.

ISAIAH 43:15

Ami ndi Jehovah, Edisana Abasi mbufo, andibot Israel, edidem mbufo.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

ŊWED MME PSALM 149:2

Yak Israel adat esit abaŋa andibot enye: yak nditɔ Zion ebre ebaŋa edidem mmɔ.

ŊWED MME PSALM 89:18

enyɔŋ. Koro otu-ekɔŋ nnyin enyenede Jehovah; edidem nnyin onyuŋ enyene Edisana Abasi Israel.

ŊWED MME PSALM 74:12

Ndien Abasi edi edidem mi toto ke eset, ke anam eriyaŋa ke ufɔt isɔŋ.

ŊWED MME PSALM 44:4

Edi afo edi enye, edidem mi, O Abasi: wuk ete enyaŋa Jacob.

ŊWED MME PSALM 10:16

Jehovah edi edidem ke nsinsi nsinsi: emesobo mme idut ke isɔŋ esie efep.

2 NDIDEM 17:4

Ekem edidem Assyria ayarare odu ke Hoshea: koro enye ɔkɔdɔŋde mme isuŋ utom ke ɔtɔ So edidem Egypt, ndien itomoke edidem Assyria, nte isua efen: ndien edidem Assyria okuk enye, onyuŋ ɔkɔŋ enye ke ufɔk ŋkpɔkɔbi.

1 NDIDEM 12:20

Edikem adaŋemi ofuri Israel ekopde ete ke Jeroboam ama afiak, mmɔ edɔŋ ekekot enye edi ke esop, ndien enim enye ke edidem ofuri Israel: baba owo kiet itieneke ufɔk David, ke mibɔhɔke esien Judah ikpɔŋ-ikpɔŋ.

HOSEA 3:4

Koro nditɔ Israel eyebigi ediwak usen, ndien idinyeneke edidem, idinyuŋ inyeneke ɔbɔŋ, ye uwa, ye owo eto, ye ephod, ye terephim.

HOSEA 7:7

Kpukpru mmɔ efiop nte usaŋ-uyo, enyuŋ edia mme ebierikpe mmɔ; kpukpru ndidem mmɔ emeduɔŋɔ ke isɔŋ: baba owo kiet ke otu mmɔ isemeke ikot mi.

1 SAMUEL 8:7

Ndien Samuel ekpe Jehovah ubɔk. Ndien Jehovah ɔdɔhɔ Samuel, ete, Kop uyo mbon emi ke kpukpru se mmɔ edɔhɔde fi: koro midige afo ke mmɔ esin, edi ami ke mmɔ esin, ete ŋkudi edidem mmɔ.

ŊWED ESEME 4:20

Mmɔ ekeda mme ukpe mmɔ emum ibifik inua nnyin emi Jehovah ekeyetde aran, kpa enye emi nnyin ikɔdɔhɔde ibaŋa, ite, Nnyin iyedu uwem ke idak mfut esie ke otu mme idut.