HOSEA 12:6 - Edisana ñwed Abasi Ibom

⁶ Afo ndien fiak tiene Abasi fo: nim ima ye ikpe, nyuŋ dori enyin ye Abasi fo kpukpru ini.

HOSEA 12:6 Referans Kwoze

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

MICAH 7:7

Edi ami nyetiŋ enyin ke Jehovah: nyebet Abasi emi anyaŋade mi: Abasi mi eyekop uyo mi.

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

ZECHARIAH 7:9

Ntem ke Jehovah mme udim ɔdɔhɔ, ete, Mbufo ekpe ikpe ke akpanikɔ, yak kiet onyuŋ anam mfɔn ye mbɔm ye eken.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.

UTOM MME APOSTLE 26:20

edi mbem kaŋa iso ŋkwɔrɔ nnɔ mbon Damascus, ye mbon Jerusalem, ye ofuri isɔŋ Judaea, ye mme Gentile nde, nte mmɔ ekabare esit ewɔŋɔre etiene Abasi, enyuŋ enam utom eke odotde erikabare esit.

UTOM MME APOSTLE 2:38

Edi Peter ɔbɔrɔ mmɔ ete, Mbufo ekabare esit, enyuŋ ena bpatism, kpukpru mbufo, ke enyiŋ Jesus Christ, man efen mme idiɔk-ŋkpɔ mbufo; ndien mbufo eyebɔ Edisana Spirit nte enɔ.

ZECHARIAH 8:16

Mme mmɔ emi edi ŋkpɔ eke mbufo edinamde: etiŋ akpanikɔ kiet ye kiet; enyuŋ ekpe ikpe akpanikɔ ye emem ke inua-otop mbufo:

ZECHARIAH 1:3

Dɔhɔ mmɔ, ndien, ete, Ntem ke Jehovah mme udim ɔdɔhɔ ete, Mbufo ekabare etiene mi, Jehovah mme udim ɔdɔhɔ, ndien ami nyekabare ntiene mbufo, Jehovah mme udim ɔdɔhɔ.

ZEPHANIAH 3:8

Jehovah ɔdɔhɔ, ete, Mbufo ebet mi ndien, tutu osim ke usen eke ndidahade ke enyɔŋ nda mbume. Koro mmaduak ndisop mme idut, nnyuŋ mbon mme obio ndidem, man ŋŋwaŋa mmɔ ifuresit mi ke idem, ofuri ikaŋ iyaresit mi: koro ofuri ererimbot eyeta ikaŋ ufup mi.

HABAKKUK 2:3

Koro ŋkukut anade kaŋa ɔnɔ ini emi enimde; ndien enye eyesioro uyo ke utit, idinyuŋ isuhɔ nsu: enye ama ebigi, bet enye; koro enye miditreke ndidi, midinyuŋ ibehe ini.

AMOS 5:24

Edi yak ikpe ɔfiɔrɔ nte mmɔŋ, ye edinen ido nte nsinsi akpa.

JOEL 2:13

ndien mbufo ewai esit mbufo, ekuwai edisine-ŋkpɔ mbufo, enyuŋ efiak edem etiene Jehovah Abasi mbufo: koro enye enyenede mfɔn ye mbɔm, isɔpke iyaresit, onyuŋ awak ima, onyuŋ atua mkpɔfiɔk ke idiɔk ŋkpɔ.

HOSEA 10:12

Mbufo ewari mkpasip ke idem mbufo ke nti ido, ndien mbufo eyekpeŋe nte ekemde ke ima (Abasi); mbufo ediɔŋ adaŋdaŋ ke idem mbufo: ndien ekem ke ini eke ekpeyomde Jehovah, tutu enye edikpep mbufo eti ido.

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

JEREMIAH 22:15

Nte afo edida itie edidem, koro cedar ɔdɔŋde fi? Nte usɔ ikadiaha ŋkpɔ inyuŋ iŋwɔŋ, inyuŋ inam edinen ikpe, ndien ɔfɔn ye enye?

ISAIAH 58:6

Nte idige emi edi utre-udia eke ndimekde enye: eritat uruk idiɔk ido, erikpɔhɔre ubɔp-ŋkpɔ ɔkpɔnɔ, nnyuŋ nsana mmɔ eke owo efikde nnyak, nnyuŋ mbuŋ kpukpru ɔkpɔnɔ?

ISAIAH 40:31

edi mmɔ eke eberede ye Jehovah eyekop obufa nsɔŋidem; eyedɔk ke mba nte ntrukpom; eyefeŋe, ndien idikpɔtke; eyesaŋa, edi idikpaha mba.

ISAIAH 31:6

Mbufo nditɔ Israel, ekabare etiene Enye emi emiomde eti-eti.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ISAIAH 8:17

Ndien nyebet Jehovah emi odipde ufɔk Jacob iso esie, nyenyuŋ ndori enye enyin mi.

ISAIAH 1:16

Mbufo eyet idem enam esana; emen mme idiɔk ido mbufo ke enyin mi efep; etre ndinam idiɔk; ekpep ndinam eti:

MME ŊKE 21:3

Jehovah ama erinam eti ido ye edinen ikpe akan uwa.

MME ŊKE 1:23

Mbufo ekabare ke nduari mi: sese, nyeŋwaŋa spirit mi nduɔk mbufo ke idem, nyenam mbufo efiɔk ikɔ mi.

ŊWED MME PSALM 123:2

Sese, nte enyin ifin esede ubɔk mme ete mmɔ, nte enyin ofin aŋwan esede ubɔk eka esie, kpa ntre ke enyin nnyin ese Jehovah Abasi nnyin, tutu enye ɔfɔn ido ye nnyin.

ŊWED MME PSALM 37:7

Dop uyo nɔ Jehovah, nyuŋ bet enye, kuyat esit ubaŋa owo eke okutde unen ke usuŋ esie, ubaŋa owo eke anamde idiɔk uduak.

ŊWED MME PSALM 27:14

Bet Jehovah: sɔŋ idem, ndien enye eyesɔŋ fi esit: tim bet Jehovah.

GENESIS 49:18

enye ɔduɔ ke edem. Mmebet erinyaŋa fo, O Jehovah.

EZEKIEL 18:30

Mmɔdo Ɔbɔŋ Jehovah ɔdɔhɔde ete, Nyekpe ikpe ye mbufo, O ufɔk Israel, ye kpukpru owo nte ekemde ke usuŋ mmɔ. Mbufo ekabare enyuŋ esioŋo idem mbufo efep ke kpukpru mme oburobut ido mbufo, man ukwaŋ-ŋkpɔ okunam mbufo etak.

JOEL 2:12

Jehovah onyuŋ ɔdɔhɔ ke emi ŋko, ete, Mbufo efiak etiene mi ke ofuri esit mbufo, ye ke utre-udia, ye ke ntua-eyet, ye ke eseme:

EXODUS 3:15

Ndien Abasi ɔtɔŋɔ ntak ɔdɔhɔ Moses ete, Ntem ke afo edidɔhɔ nditɔ Israel, ete, Jehovah Abasi mme ete mbufo, Abasi Abraham, ye Abasi Isaac, ye Abasi Jacob, ɔdɔŋ mi utom ke ɔtɔ mbufo; emi edi enyiŋ mi ke nsinsi, emi onyuŋ edi se edade eti mi ke kpukpu emana.

AMOS 4:13

Koro, sese, ke edi Enye akanam ikpɔ obot, onyuŋ obot spirit, onyuŋ owut owo uduak esie eke edide: anam usiere akabare edi ekim, onyuŋ edigi ŋkokoŋo ebiet isɔŋ, Jehovah Abasi mme udim edi enyiŋ esie.