HOSEA 12:13 - Edisana ñwed Abasi Ibom

¹³ Jehovah onyuŋ ada ubɔk prophet kiet osio Israel ke Egypt ɔdɔk, enyuŋ eda prophet ekpeme enye.

HOSEA 12:13 Referans Kwoze

ŊWED MME PSALM 77:20

Afo eteme ikɔt fo usuŋ nte ufene, ke ubɔk Moses ye Aaron.

MICAH 6:4

Ŋkɔm ŋkada mbufo ke isɔŋ Egypt ndɔk, nnyuŋ mfak mbufo nsio ke ufɔk ufin; nnyuŋ ndɔŋ Moses ye Aaron ye Miriam, nte ebem mbufo iso.

EXODUS 13:3

Ndien Moses ɔdɔhɔ kpukpru owo, ete, Mbufo eti usen emi mbufo ewɔŋɔde ke Egypt, ke ufɔk ufin; koro Jehovah adade ɔkpɔsɔŋ ubɔk osio mbufo ke ebiet emi: mbufo ekudia baba se leaven odude ke esit.

1 SAMUEL 12:8

Adaŋemi Jacob odukde ke Egypt, mme ete mbufo enyuŋ esemede enɔ Jehovah, ndien Jehovah ɔdɔŋ Moses ye Aaron ekesioŋo mme ete mbufo ke Egypt efep, enyuŋ enɔ mmɔ iduŋ ke ebiet emi.

EXODUS 14:19

Ekem, angel Abasi emi ebemde mme udim Israel iso, oto aka akasaŋa mmɔ ke edem; ndien adaha obubit enyɔŋ oro onyuŋ oto mmɔ ke iso, aka akada mmɔ ke edem.

NUMBERS 12:8

Nneme ye enye ke inua ke inua; ke atatai, idige ke ŋke ikɔ; enye eyenyuŋ okut mbiet Jehovah: mbufo enam naŋa didie mifeheke ndisuk owo mi Moses uyo?

HOSEA 2:15

Ndien nyeda iŋwaŋ-vine esie do nnɔ enye, nnyuŋ nnɔ enye itihere Achor ke inua-otop idori-enyin: ndien enye eyekwɔ do, kpa nte ke mme usen uyen esie, ye ke usen oro enye okotode ke isɔŋ Egypt ɔdɔk.

HOSEA 11:1

KE adaŋoro Israel edide eyenɔwɔŋ, ami mma enye, nnyuŋ ŋkot eyen mi, nte enye oto ke Egypt edi.

GENESIS 28:2

Daha ka ke Paddan-aram, ke ufɔk Bethuel ete uka; nyuŋ da ŋwan ke idem fo do ke otu nditɔ-iban

GENESIS 29:20

nnɔ owo efen: tie ye ami. Ndien Jacob anam ŋkpɔ ke Rachel ke isua itiaba; enye onyuŋ ese mmɔ ke ekpri ini, koro amade enye.

DEUTERONOMY 26:5

Ndien bɔrɔ ke iso Jehovah Abasi fo, nyuŋ dɔhɔ ete, Ete mi ekedi eyen Aram ndiyo, ndien enye ɔsuhɔre aka ke Egypt okoduŋ do ye owo esisit, ndien akabare do edi idut emi okponde, onyuŋ ɔsɔŋde, onyuŋ awak owo: