HOSEA 12:10 - Edisana ñwed Abasi Ibom

¹⁰ Mmoyuŋ ndɔhɔ mbaŋa mme prophet, ami ŋko nnɔ ediwak ŋkukut, nnyuŋ nda ubɔk mme prophet ŋke ŋke.

HOSEA 12:10 Referans Kwoze

2 NDIDEM 17:13

Edi Jehovah ada inua kpukpru prophet, ye eke kpukpru mbon ŋkukut, asua ɔnɔ Israel ye Judah, ete, Mbufo ekabare ekpɔŋ mme idiɔk usuŋ mbufo, enyuŋ enim ibet mi, ye item mi, ekem ke kpukpru mme ewuhɔ emi ŋkowukde mme ete mbufo, emi ŋkonyuŋ ntobode mbufo ke ubɔk ikɔt mi mme prophet.

EZEKIEL 20:49

Ndien ami ndɔhɔ nte, Ah, Ɔbɔŋ Jehovah, mmɔ edɔhɔ mi ete, Nte enye itopke ŋke?

JOEL 2:28

Ndien ama ekem ke ini ŋkpɔ emi ebede, nyeŋwaŋa spirit mi nnɔ ofuri obukidem; ndien nditɔiren mbufo, ye nditɔ mbufo iban eyetiŋ prophecy, mbiowo mbufo eyedaba ndap, mkparawa mbufo eyekut ŋkukut.

JEREMIAH 19:1

NTEM ke Jehovah ɔdɔhɔ ete, Ka kada abaŋ mbat obot-eso, ye ndusuk mbiowo obio, ye ndusuk mbiowo mme oku:

JEREMIAH 7:25

Ɔtɔŋɔde ke usen oro mme ete mbufo eketode ke Egypt edi, tutu osim mfin emi, mma nnyuŋ ndɔŋ kpukpru ikɔt mi mme prophet utom ke ɔtɔ mbufo, kpukpru usen mbabak ndɔŋ:

2 ŊWED CORINTH 12:7

Koro se eyararede enɔ mi okponde eti-eti; ntre, mbak ndiseri iseri ŋkaha, ke esin mi ŋkukim ke obukidem, isuŋutom Satan edituai mi, mbak ndiseri iseri ŋkaha.

2 ŊWED CORINTH 12:1

ANA nte mbure mbure, okposuk edi nte oro minyeneke udori: mmɔŋ nditiŋ mbaŋa ŋkukut ye eriyarare Ɔbɔŋ.

UTOM MME APOSTLE 2:17

Abasi ɔdɔhɔ ete, Ama ekem ke ukperedem ini, Nyeŋwaŋa Spirit Mi ndori kpukpru obukidem: Ndien nditɔ-iren mbufo ye nditɔ mbufo iban eyetiŋ prophecy, Mkparawa mbufo eyekut ŋkukut, Mbiowo mbufo eyenyuŋ edaba ndap:

AMOS 7:14

Ndien Amos ɔbɔrɔ, onyuŋ ɔdɔhɔ Amaziah, ete, Ami ndige prophet, ami nnyuŋ ndige eyen prophet; koro ami ndide ekpeme-erɔŋ ye okibi mfri eto sycamore:

HOSEA 3:1

NDIEN Jehovah ɔdɔhɔ mi, ete, Tɔŋɔ ntak ka kama ŋwan emi ufan amade, emi onyuŋ esinde efibe, kpa nte Jehovah amade nditɔ Israel, ndien mmɔ ekabare etiene abasi eŋwen, enyuŋ ema ebok edisat grape.

JEREMIAH 25:4

Jehovah ama onyuŋ ɔdɔŋ kpukpru ikɔt esie mme prophet utom ke ɔtɔ mbufo, abak ɔdɔŋ; ndien mbufo ikokopke, inyuŋ ikpaŋke utɔŋ mbufo ikop: ete,

JEREMIAH 19:10

Ndien nuak abaŋ oro ke iso mmɔ eke esaŋade ye afo, Nyuŋ dɔhɔ mmɔ, ete,

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

1 NDIDEM 19:10

Elijah? Ndien enye ɔdɔhɔ ete, Mma mfibe ufup eti-eti nnɔ Jehovah Abasi mme udim: koro nditɔ Israel emekpɔŋ ediomi fo, emewuri mme itie-uwa fo, eme-nyuŋ ewot mme prophet fo ke ofut; ndien ami nsuk ikpɔŋ ke idem mi; ndien mmɔ ke enyuŋ eyom uwem mi ndibɔ.

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

1 NDIDEM 13:1

EKEM, sese, owo Abasi kiet okoto ke Judah ke uyo Jehovah, aka ke Bethel, ndien Jeroboam ke ada ke iso itie-uwa oro ɔfɔp incense.

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

EZEKIEL 17:2

Eyen owo, top ŋke, nyuŋ tiŋ parable nɔ ufɔk Israel; nyuŋ dɔhɔ ete,

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

LEVITICUS 23:42

Mbufo eduŋ ke ataya ke usen itiaba; kpukpru emana ke Israel ediduŋ ke ataya,

HOSEA 13:4

Ndien edi ami ŋkedi Jehovah Abasi fo toto ke isɔŋ Egypt; kufiɔk ndien Abasi ke mibɔhɔke ami: koro baba andinyaŋa kiet miduhe ikɔrɔ ye ami.