9 O Israel, afo emedue toto ke ini Gibeah: mmɔ esuk ededa do: ekɔŋ oro ekeŋwanade ke Gibeah ye nditɔ mme ukwaŋ-ŋkpɔ ikesimke mmɔ.
Mmɔ emebiara ekaha kpa nte ke ini Gibeah: Enye eyeti idiɔk ido mmɔ, eyenɔ mmɔ ufen mme ukwaŋ-ŋkpɔ mmɔ.
Ndien mme enyene Gibeah edaha ke enyɔŋ enam ikɔ ye ami, enyuŋ ekan ufɔk ekuk mi ke okoneyo, eyom mi ndiwot: mmɔ enyuŋ esabare ŋwan mi ewot.
Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.
Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini.
Mbufo efuri obukpoŋ ke Gibeah, efuri ukorowo ke Ramah: esio mkpo ke Beth-aven. “(Se usua) ke edem fo, O Benjamin.”
Ŋkokoŋo ebiet Aven, kpa idiɔk-ŋkpɔ Israel emesobo: mbarekpe, ye mbara ŋkukwɔinɔ eyekɔri ke mme itie-uwa mmɔ; ndien mmɔ eyedɔhɔ ikpɔ obot, ete, Mbufo efuk nnyin, enyuŋ edɔhɔ ŋkpri ebot, ete, Mbufo eduɔŋɔ nnyin ke idem.
Odu mi ke esit nditunɔ mmɔ; ndien mme idut eyebono ke ɔtɔ mmɔ ke ini ebɔpde mmɔ ebaŋa idiɔk-ŋkpɔ mmɔ mbiba.