HOSEA 10:4 - Edisana ñwed Abasi Ibom

⁴ Mmɔ ke etiŋ ikɔ-ikɔ; ke etomo nsu, ke ediomi ediomi: ndien ufen asiaha ikɔŋ nte poppy ke ibombom iŋwaŋ.

HOSEA 10:4 Referans Kwoze

AMOS 6:12

Nte horse eyefeŋe ke enyɔŋ akwa itiat? Nte owo eyeda enaŋ ofuŋ enye? Koro mbufo ekabarede ikpe esin ke etidot, ekabare mfri edinen ido esin ke wormwood:

AMOS 5:7

Mbufo emi ekabarede ikpe edi etidot, enyuŋ emen se inende eduɔk ke isɔŋ;

HOSEA 4:2

Isuŋi ye nsu ye afai ye inɔ ye efibe ebumere, iyip onyuŋ ɔkɔrɔ ke iyip.

MME HEBREW 12:15

Etim ese mbak owo ekededi editaba mfɔn Abasi; mbak oruŋ eke edide ndot-ndot editibe otimere mbufo, onyuŋ asabare ediwak owo ke otu mbufo;

2 ŊWED TIMOTHY 3:3

enana ima uduot owo; enyuŋ ebiat uŋwɔŋɔ; ema ebiari, eyak idiɔk itɔŋ akan mmɔ ubɔk, etie obom-obom, enyuŋ esua se ifɔnde;

ŊWED MBON ROME 1:31

mmɔ edi mme anana ifiɔk, mme abiat ediomi, mme anana ima uduot owo ye mme anana esit mbɔm:

UTOM MME APOSTLE 8:23

Koro ŋkut nte afo etie ke ata ndot-ndot itie ye ke uruk ukwaŋkpɔ.

HOSEA 6:7

Ndien mmɔ ebiet owo, ke ebiat ediomi: do ke mmɔ ekebiaŋa mi.

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

DEUTERONOMY 29:18

mbak eren-owo, mme ŋwan, mme ufɔk, mme esien edidu ke otu mbufo, emi esit esie akabarede mfin emi ɔkpɔŋ Jehovah Abasi nnyin, onyuŋ aka akanam ŋkpɔ mme abasi mme idut emi; mbak oruŋ eke oŋwumde ibɔk ubio ye ndot-ndot ŋkpɔ, edidu ke otu mbufo;

DEUTERONOMY 31:16

Ndien Jehovah ɔdɔhɔ Moses, ete, Sese, afo ɔmɔŋ edina ye mme usɔ; ndien mbio emi eyedaha ke enyɔŋ eketieŋe mme isen abasi mme idut emi mmɔ ekade do ndi duk ke otu mmɔ, eyenyuŋ ekpɔŋ mi, enyuŋ ebiat ediomi mi emi nnamde ye mmɔ.

DEUTERONOMY 31:17

Ndien iyaresit mi eyefiop ye mmɔ ke usen oro, ndien nyekpɔŋ mmɔ, nnyuŋ ndip mmɔ iso mi, ndien mmɔ eyedi se ediade, ediwak mkpɔsɔŋ mme idiɔk-ŋkpɔ eyenyuŋ enam mmɔ; ndien mmɔ eyedɔhɔ ke usen oro, ete, Nte idige koro Abasi nnyin miduhe ke otu nnyin esin mme idiɔk-ŋkpɔ emi esim nnyin: