HOSEA 10:15 - Edisana ñwed Abasi Ibom

¹⁵ Ntem ke Beth-el edinam mbufo, oto ke ata akwa idiɔk ido mbufo: eyo esiere, eyesibe edidem Israel efep.

HOSEA 10:15 Referans Kwoze

HOSEA 10:5

Mme andiduŋ Samaria efehe ndik ebaŋa nditɔ-enaŋ Beth-aven: koro ikɔt esie eyetua ebaŋa enye, mme oku eyenyuŋ efut ebaŋa enye, ebaŋa ubɔŋ esie, koro enye adahade ɔkpɔŋ enye.

HOSEA 10:7

Samaria omonyuŋ atak, kpa edidem esie, nte mbio ke enyɔŋ mmɔŋ.

ŊWED MBON ROME 7:13

Nte se ifɔnde amakabare edi mkpa ndien ɔnɔ mi? Idige ntre. Edi idiɔk-ŋkpɔ akabare edi mkpa, man idiɔk-ŋkpɔ owut ete imɔdiɔk ke erida se ifɔnde nnam mkpa nnɔ mi; man idiɔk-ŋkpɔ akpada item akabare ɔdiɔk ebe adaŋa.

HOSEA 10:3

Koro ke emi ke mmɔ edidɔhɔ, ete, Nnyin inyeneke edidem, koro nnyin mibakke Jehovah: enye ama edi edidem, enye eyenam nnyin nso ŋkpɔ?

ISAIAH 16:14

Edi ke emi ke Jehovah ɔdɔhɔ ete, Ama ekem ke isua ita, nte isua anam-utom ke okuk, eyesin ubɔŋ Moab ke ndek, ye ofuri akwa otu owo esie; ndien se isuhɔde eyekpri eti-eti, idikponke.

HOSEA 10:14

Ndien ndutime otibe ke otu mbio-obio fo, eyenyuŋ esobo kpukpru mkpɔsɔŋ ebiet fo, kpa nte Shalman okosobode Beth-arbel ke usen ekɔŋ: ekesuok eka ekɔrɔ ye nditɔ esie.

HOSEA 11:1

KE adaŋoro Israel edide eyenɔwɔŋ, ami mma enye, nnyuŋ ŋkot eyen mi, nte enye oto ke Egypt edi.