HOSEA 10:14 - Edisana ñwed Abasi Ibom

¹⁴ Ndien ndutime otibe ke otu mbio-obio fo, eyenyuŋ esobo kpukpru mkpɔsɔŋ ebiet fo, kpa nte Shalman okosobode Beth-arbel ke usen ekɔŋ: ekesuok eka ekɔrɔ ye nditɔ esie.

HOSEA 10:14 Referans Kwoze

HOSEA 13:16

Samaria eyesio isop; koro enye ɔsɔŋde ibuot ye Abasi esie: mmɔ eyeduɔŋɔ ke ofut. Eyesuok abak-inua mmɔ mbai-mbai, enyuŋ esiak iban mmɔ eke eyomode idibi.

HABAKKUK 1:10

Ndien mmɔ eyese ndidem ke mbio, mbɔŋ enyuŋ edi ŋkpɔ nsahi ye mmɔ; mmɔ eyenyuŋ esak kpukpru mkpɔsɔŋ ebiet: ndien mmɔ eyekubi ntan enyuŋ eda mmɔ.

NAHUM 3:12

Kpukpru mkpɔsɔŋ ebiet fo ebiet eto fig ye akpa mfri eke adatde: ema enyeŋe mmɔ, mmɔ eduɔŋɔ ke inua owo eke adiade.

NAHUM 3:10

Mmɔ eketaŋ enye efep ŋko, enye aka nte mbuot ekɔŋ: mmɔ enyuŋ esuok nditɔ-wɔŋ esie mbak-mbak ke mbuot kpukpru efak: enyuŋ esin afia ebaŋa mbɔŋ esie, enyuŋ ekɔŋ kpukpru ikpɔ owo esie ke ŋkpɔkɔbi.

AMOS 9:5

Onyuŋ edi Ɔbɔŋ Jehovah mme udim otuk isɔŋ, ndien enye atara; ndien kpukpru mme andiduŋ ke esit etuaŋa: enye onyuŋ ɔyɔhɔ ofuri ebiet nte akpa mmɔŋ, onyuŋ ɔsuhɔre nte akpa Egypt.

AMOS 3:8

Lion okuni, anie mididikheke? Ɔbɔŋ Jehovah ɔdɔhɔ, anie miditiŋke prophecy?

JEREMIAH 48:41

Eda mme obio, emum mkpɔsɔŋ ebiet, ndien esit mbon uko Moab ke usen oro eyebiet esit aŋwan uman.

ISAIAH 33:14

Mme idiɔk owo ke Zion ke edikhe; unyek-idem omum mme oburobut owo: “Anie ke otu nnyin ekeme ndiduŋ ke ikaŋ eke atade? Anie ke otu nnyin ekeme ndiduŋ ke nsinsi erisak?”

ISAIAH 17:3

Ndien ɔkpɔsɔŋ ebiet eyekure ke Ephraim, ubɔŋ eyenyuŋ etre ke Damascus, ye ke ubak Syria eke ɔsuhɔde: mmɔ eyebiet ubɔŋ nditɔ Israel. Emi edi uyo Jehovah mme udim.

2 NDIDEM 18:33

Nte abasi mme idut ekededi ama anyaŋa mme idut esie osio ke ubɔk edidem Assyria?

2 NDIDEM 17:16

Edi mmɔ ekpɔŋ kpukpru ibet Jehovah Abasi mmɔ, enyuŋ enam editara mbiet ke idem mmɔ, kpa nditɔ-enaŋ iba, enyuŋ enam eto-mkpe, enyuŋ ebɔŋ akam enɔ ofuri udim enyɔŋ, enyuŋ enam ŋkpɔ Baal.

GENESIS 32:11

ndi udim iba. Mbɔk, nyaŋa mi sio ke ubɔk eyen-eka mi, ke ubɔk Esau: koro mfefehe enye, mbak edidi ediwot mi, ye eka

JEREMIAH 13:14

Ndien ami nyeyibi mmɔ kiet kiet nnuak, ye mme ete ye nditɔ ɔtɔ kiet, Jehovah ɔdɔhɔ: ndiyakke, ndinyuŋ nnyeneke mbɔm, ndinyuŋ ntuaha mbɔm, edi nyesobo mmɔ.

2 NDIDEM 17:3

Shamaneser edidem Assyria ɔdɔk aka ekɔŋ ye enye; ndien Hoshea akabare edi owo esie, onyuŋ otomo enye utomo.

HOSEA 10:15

Ntem ke Beth-el edinam mbufo, oto ke ata akwa idiɔk ido mbufo: eyo esiere, eyesibe edidem Israel efep.

AMOS 3:14

Ke usen eke ndidade ufen idiɔk ido Israel nnɔ enye, ke ndinyuŋ nnɔ mme itie-uwa Bethel ufen: ndien eyesibe nduk itie-uwa efep, ndien mmɔ eyeduɔŋɔ ke isɔŋ.

MICAH 5:11

nyenyuŋ nsibe mme obio isɔŋ fo mfep, nnyuŋ ŋwuri kpukpru mkpɔsɔŋ ebiet fo: