HOSEA 10:13 - Edisana ñwed Abasi Ibom

¹³ Mbufo emefuŋ idiɔk-ŋkpɔ, emekpi ukwaŋ-ŋkpɔ; emedia mfri nsu: koro afo ɔbuɔtde idem fo ke usuŋ fo, ke ediwak mbon-uko fo.

HOSEA 10:13 Referans Kwoze

ŊWED JOB 4:8

Kpa nte ŋkokutde, mmɔ eke efuŋde idiɔk-ŋkpɔ enyuŋ etɔde ibak, edɔk suk oro.

HOSEA 8:7

Koro mmɔ eketɔde ofum ke isɔŋ, ndien mmɔ eyedɔk oyobio: etak iduhe ke esit: mbuŋwum esie idinamke ndom-uyo; ama anam, isen owo eyemen enye esin ke idibi.

MME ŊKE 22:8

Owo eke ɔtɔde ibak (ke isɔŋ) eyedɔk ufen: ndien eto ifuresit esie eyebiara.

MME ŊKE 1:31

Ndien mmɔ eyedia mfri usuŋ mmɔ; eyenyuŋ eyuhɔ ke uduak mmɔ.

ŊWED MME PSALM 33:16

Idige akwa odudu anyaŋa edidem; owo uko ibɔhɔke ke akwa nsɔŋidem.

HOSEA 11:12

Ephraim ada nsu akan mi okuk, ufɔk Israel onyuŋ ada abiaŋa akan mi okuk: Judah onyuŋ osuk asaŋa otime-otime ye Abasi, ye edisana mbon akpanikɔ ŋko.

ŊWED MME PSALM 62:10

Mbufo ekubuɔt idem ke ufik, ekunyuŋ ebure ke mbume: ke ini inyene etɔtde, mbufo ekusin esit ke mmɔ.

ŊWED MME PSALM 52:7

“Se owo emi minimke Abasi ke odudu esiemɔ: edi ɔbuɔt idem esie ke uwak inyene esie, onyuŋ ɔsɔŋɔ ke ibak esie.”

HOSEA 7:3

Mmɔ edat edidem esit ke idiɔk ido mmɔ, enyuŋ edat mbɔŋ esit ke nsu mmɔ.

ECCLESIASTES 9:11

Ntie ke idak utin ŋkabare, nnyuŋ ŋkut nte ke idige mbon nsɔp-itɔk ekan ke mbuba, inyuŋ idige mbon-uko ekan ke ekɔŋ, nte ke idige mbon eti ibuot enyene udia, inyuŋ idige mbon ikike ekut inyene, inyuŋ idige mme ɔfiɔkŋkpɔ owo enyene itoro: koro ini ye unɔmɔ etibede enɔ mmɔ kpukpru.

MME ŊKE 19:5

Ikpe iditebeke ntiense nsu, ndien etiŋ nsu idibɔhɔke.

MME ŊKE 12:19

Inua akpanikɔ eyesɔŋɔ ada ke nsinsi: edi edeme nsu, ke nyip-enyin.

MME ŊKE 13:2

Owo eyedia ufɔn eke otode ke mfri inua esie: edi ukpɔŋ mbon abiaŋa, eyedia afai.

ISAIAH 17:11

ke usen emi afo ɔtɔde ŋkpɔ, afo eyenam ɔkɔ akan enye okuk, ndien ke usen-ubɔk eyekut nte mkpasip otibede: edi ukpeŋe eyefehe ɔnyɔŋ ke usen udɔŋɔ ye eke idiɔk ndutuhɔ.

HOSEA 4:2

Isuŋi ye nsu ye afai ye inɔ ye efibe ebumere, iyip onyuŋ ɔkɔrɔ ke iyip.

HOSEA 4:8

Mmɔ edia idiɔk ido ikɔt mi, enyuŋ esin esit mmɔ ke mme ukwaŋ-ŋkpɔ mmɔ.

1 SAMUEL 24:14

Edidem Israel ɔmɔwɔrɔ oyom anie? Afo ke ebine anie? Ke ebine okpo ebua: ke ebine idaŋ ebua kiet.