HOSEA 10:11 - Edisana ñwed Abasi Ibom

¹¹ Ndien Ephraim edi eyen enaŋ emi mmɔ ekpepde, emi amade ndidigi (ibokpot): edi ami mmɔŋ ndi ndidoro ke ediye itɔŋ esie: nyenam (ɔkpɔnɔ) odoro Ephraim: Judah eyefuŋ isɔŋ, Jacob eyenyuŋ anuak ebok ntan esie.

HOSEA 10:11 Referans Kwoze

HOSEA 4:16

Koro Israel ɔsɔŋde ibuot nte ɔsɔŋ-ibuot abak-enaŋ: kemi Jehovah eyebɔk mmɔ nte eyen erɔŋ ke ntaŋwaŋ ebiet.

JEREMIAH 50:11

Koro esit ekadatde mbufo, koro mbufo ekebrede mbre, mbufo mme ndibiat udeme mi, koro mbufo efrɔde nte abak uman enaŋ ke mbiet, enyuŋ esiorode uyo nte nyara horse:

DEUTERONOMY 25:4

Kubɔp enaŋ inua ke ini enye edigide ibokpot.

ŊWED MBON ROME 16:18

Edianare ekpɔŋ mmɔ. Koro mmɔ emi etiede ntre inamke utom inɔ Ɔbɔŋ nnyin Christ, edi enam enɔ mme idiɔk udɔŋ mmɔ: ndien mmɔ eda nnem-inua ye inem-inem ndutiŋ eyut mme ɔkɔi esit ekabare.

HOSEA 11:4

Nda mme oruk owo, kpa mme idut ima, ndudi mmɔ; ami nnyuŋ ntie ye mmɔ nte mmɔ eke edororede ɔkpɔnɔ ke mbaŋ mfep, nnyuŋ nnyan udia nnɔ enye adia.

HOSEA 9:1

O ISRAEL, kudat esit ukaha nte mme idut: koro afo ɔmɔkpɔŋ Abasi fo anam use: afo amama utip ke kpukpru ɔtɔ ubek-ibokpot.

HOSEA 3:1

NDIEN Jehovah ɔdɔhɔ mi, ete, Tɔŋɔ ntak ka kama ŋwan emi ufan amade, emi onyuŋ esinde efibe, kpa nte Jehovah amade nditɔ Israel, ndien mmɔ ekabare etiene abasi eŋwen, enyuŋ ema ebok edisat grape.

HOSEA 2:5

Koro eka mmɔ ekenamde use, andiman mmɔ amanam oburobut: koro enye ɔdɔhɔde ete, Nyetiene mmɔ eke emade mi, emi enɔde mi uyo mi ye mmɔŋ mi, ye idet erɔŋ mi ye flax mi, ye aran mi ye se ŋŋwɔŋde.

ISAIAH 28:24

Nte ofuŋ-isɔŋ ofuŋ kpukpru usen man ɔtɔ ŋkpɔ? Nte enye asiak onyuŋ ɔdiɔŋ isɔŋ esie kpukpru usen?

JEREMIAH 28:14

Koro ntem ke Jehovah mme udim, Abasi Israel, ɔdɔhɔ, ete, Mmɔkɔŋɔ kpukpru mme idut emi ɔkpɔnɔ ukwak ke itɔŋ, man mmɔ ekabare edi ikɔt Nebuchadnezzar edidem Babylon; ndien mmɔ eyenam ŋkpɔ esie: mmonyuŋ nnɔ enye mme unam ikɔt.

JEREMIAH 46:20

Egypt edi ata ediye abak uman enaŋ; nsobo oto ke edem edere edi.

MICAH 4:13

O adiaha Zion, daha ke enyɔŋ, nyuŋ bek: koro nyenam nduk fo edi ukwak, nyenyuŋ nnam ikpat ukot fo edi okpoho: ndien afo eyenuak ediwak mme idut: ndien ami nyenim udori mmɔ nnɔ Jehovah, nyenim inyene mmɔ nnɔ Ɔbɔŋ ofuri ererimbot.