HOSEA 10:1 - Edisana ñwed Abasi Ibom

¹ ISRAEL edi vine eke asiahade, enye oŋwum mfri ɔnɔ idem esie: adaŋa nte mfri esie awakde, itie-uwa esie enyuŋ ewak; adaŋa nte ɔfɔnde ye isɔŋ mmɔ, mmɔ enam edifɔn mbiet ŋkpɔ.

HOSEA 10:1 Referans Kwoze

HOSEA 8:11

Koro Ephraim anamde ediwak itie-uwa unam-idiɔk, mmɔ eyekabare edi itie-uwa unam idiɔk esie.

HOSEA 12:11

Ŋkɔm Gilead anam oburobut: mmɔ edi ata mbon nsu: mmɔ ewa enaŋ ke Gilgal; mme itie-uwa mmɔ enyuŋ ebiet ibombom ke iŋwaŋ eke efuŋde.

ŊWED MBON PHILIPPI 2:21

Koro kpukpru owo ke eyoyom ŋkpɔ idem mmɔ, idige ŋkpɔ Jesus Christ.

JEREMIAH 2:28

Ndien mme abasi fo oro afo akanamde ɔnɔ idem fo edu mmɔŋ? Yak mmɔ edaha ke enyɔŋ, edieke mmɔ edikemede ndinyaŋa fi ke ini ukut fo: koro mme abasi fo ekemde ibat mme obio fo, O Judah.

LEVITICUS 26:1

MBUFO ekunam ndem enɔ idem mbufo, ekunyuŋ enim edisɔi mbiet, ye adaha enɔ idem mbufo, ekunyuŋ eda itiat eke esɔide ewuk ke isɔŋ mbufo, man enuhɔ enɔ enye: koro ami ndide Jehovah Abasi mbufo.

1 NDIDEM 14:23

Ndien mmɔ enyuŋ enam edikoŋ ebiet ŋko-ŋko, ye mme adaha, ye eto mkpe, ke enyɔŋ kpukpru ŋkokoŋo obot, ye ke idak kpukpru awawa eto.

2 ŊWED CORINTH 5:16

Ntre ɔtɔŋɔde ke emi nnyin ifiɔkke owo ke ido obukidem; ekpedi nte ikɔfiɔkde Christ ke ido obukidem, ifiɔkke Enye aba ke usuŋ oro.

NAHUM 2:2

Koro Jehovah amada ubɔŋ Jacob afiak edi, kpa nte ubɔŋ Israel: koro mbon-ŋwo ebumede mmɔ fap-fap, enyuŋ ebiatde ŋkɔk mmɔ.

HOSEA 13:6

Adaŋa nte ebɔkde mmɔ, mmɔ eyuhɔ; ndien emenere esit mmɔ ke enyɔŋ; oro esin mmɔ efre mi.

HOSEA 13:2

Ndien ke emi mmɔ edediɔŋ enam idiɔk; enyuŋ etara silver mmɔ enam mbiet ke idem mmɔ, adaŋa nte efiɔkde, kpa ibɔk; mbon-usɔ enam mmɔ kpukpru: mmɔ edɔhɔ ebaŋa mmɔ, ete, Yak owo eke ewade uwa etim nditɔ-enaŋ inua.

HOSEA 12:8

Ndien Ephraim ɔdɔhɔ ete, Ŋkɔm mmoforo, mmɔkɔ inyene nnɔ idem mi: ke baba utom mi kiet mmɔ idikwe idiɔk ŋkpɔ ye ami eke edide ŋkpɔ isop.

HOSEA 8:4

Mmɔ enim owo ke ndidem, edi itoho mi: enim owo ke mbɔŋ, ndien ami mfiɔkke: mmɔ eda silver mmɔ ye gold mmɔ enam mbiet ŋkpɔ enɔ idem mmɔ, man esibe mmɔ efep.

HOSEA 2:8

Ndien enye ikɔfiɔkke, ite ke edi ami ŋkɔnɔ enye ibokpot oro, ye obufa wine, ye aran, ndien mmɔ eda silver oro ŋkanamde awak ɔnɔ enye, ye gold, enam ŋkpɔ enɔ Baal.

HOSEA 3:4

Koro nditɔ Israel eyebigi ediwak usen, ndien idinyeneke edidem, idinyuŋ inyeneke ɔbɔŋ, ye uwa, ye owo eto, ye ephod, ye terephim.

HOSEA 4:7

Adaŋa nte mmɔ ewakde, kpa ntre ke mmɔ enam idiɔk ye ami: ami nyeda but ŋkpuhɔ ubɔŋ mmɔ.

HOSEA 13:15

Koro enye ɔtɔtde ke otu nditɔ-ete esie, ofum ikɔrabak, ofum Jehovah eke otode ke wilderness ɔdɔk, eyedi, ndien idim mmɔŋ esie eyesat; obube mmɔŋ esie eyenyuŋ osomo: enye eyebume ebiet eke enimde kpukpru ŋkpɔ uto.

JEREMIAH 11:13

Koro mme abasi fo ekemde ke ibat mme obio fo, O Judah; mbufo emenyuŋ enim itie-uwa ekem ke ibat mme efak Jerusalem, enɔ oburobut ŋkpɔ oro, kpa itie-uwa eke efɔpde ŋkpɔ enɔ Baal.

JEREMIAH 11:17

Ndien Je-hovah mme udim emi ɔkɔtɔde fi ke isɔŋ, ɔdɔhɔ idiɔk abaŋa fi, abaŋa idiɔk ido ufɔk Israel, ye eke ufɔk Judah oro mmɔ ekenamde ke idem mmɔ, enyuŋ eyatde mi esit ke erifɔp ŋkpɔ nnɔ Baal.

HOSEA 2:10

Ndien ke emi ke ndiyarare but esie ke iso mmɔ emi emade enye, ndien baba owo kiet eke osiode enye ke ubɔk mi efep ididuhe.