HAGGAI 2:9 - Edisana ñwed Abasi Ibom

⁹ Jehovah mme udim ɔdɔhɔ, ete, Ubɔŋ ekperedem ufɔk eyekpon akan eke akpa: ndien ke ebiet emi ke ndinɔ emem, Jehovah mme udim ɔdɔhɔ.

HAGGAI 2:9 Referans Kwoze

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

JOHN 14:27

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

LUKE 2:14

Uboŋ enyene Abasi ke ata enyɔŋ. Emem onyuŋ odu ke isɔŋ ke otu owo emi Enye enende iso ye mmɔ.

JAMES 2:1

NDITƆ-ETE mi, ekuda mbuɔtidem emi mbufo enyenede ye Ɔbɔŋ nnyin Jesus Christ, emi edide Ubɔŋ, edian ye uteŋe-enyin.

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

MICAH 5:5

Ndien emem eyedu ndien. Adaŋemi Assyria edidukde ke edem nnyin; adaŋemi enye onyuŋ edigide ikpɔ ufɔk nnyin, ndien nnyin iyedemere mme ekpemerɔŋ itiaba ye mbɔŋ eke eyetde mmɔ aran itiaita, ete eŋwana ye enye:

ISAIAH 60:7

Kpukpru otu ufene Kedar eyebono ke ɔtɔ fo, okukim Nebaioth eyenam ŋkpɔ enɔ fi: eyedɔk ke itie-uwa mi nte ŋkpɔ inem; nyenyuŋ mbana ediye ufɔk mi.

ISAIAH 66:12

Koro ntem ke Jehovah ɔdɔhɔ, ete, Sese, ami mmɔŋ nnyanare emem nnɔ enye nte akpa mmɔŋ, ye ubɔŋ mme idut nte idim mmɔŋ eke eyɔhɔde ada mben: ndien mbufo eyewap eba, eyekɔhɔ ke ŋkaŋ, owo eyenyuŋ etem mbufo ke edɔŋ.

HAGGAI 1:8

Mbufo edɔk ke obot eda eto edi, enyuŋ ebɔp ufɔk emi, ndien enye eyenem mi esit, nyenyuŋ nda ukpono, Jehovah ɔdɔhɔ.

HAGGAI 2:3

Anie owo eke okokutde ufɔk emi ke akpa ubɔŋ esie, osuk ke otu mbufo? Ndien mbufo ese enye didie ke emi? Nte emi itiehe nte ikpikpu ye oko ke enyin mbufo?

ZECHARIAH 2:5

Jehovah onyuŋ ɔdɔhɔ, ete, Ami nyedi ibibene ikaŋ ŋkan enye ŋkuk, nyenyuŋ ndi ubɔŋ ke ufɔt esie.

EZEKIEL 43:5

Ndien spirit emen mi ada mi oduk ke esa; ndien, sese, ubɔŋ Jehovah ɔyɔhɔ ke ufɔk.