HAGGAI 2:22 - Edisana ñwed Abasi Ibom

²² ndien nyeyut ebekpo mme idut ŋkabare nnim; nyenyuŋ nsobo odudu mbɔŋ mme idut; nyenyuŋ nyut chariot ye mmɔ eke edorode ke esit ŋkabare nnim; ndien mme horse ye mmɔ eke edorode mmɔ eyesuhɔre, kpukpru owo ke ofut eyen ete mmɔ.

HAGGAI 2:22 Referans Kwoze

MICAH 5:10

Jehovah onyuŋ ɔdɔhɔ, ete, Ndien ama ekem ke usen oro, nyesibe mme horse fo mfep ke otu fo, nye-nyuŋ nsobo mme chariot fo mfep:

JUDGES 7:22

Ntre ke owo ikie ita oro efuri obukpoŋ; ndien Jehovah esin kpukpru owo eda ofut eŋwana ye mbɔhiduŋ mmɔ, ye ofuri nna: ndien nna efeŋe esim ke Beth-shittah ke Zererah, ye ke mben Abel-meholah ebe Tabbath.

MATTHEW 24:7

Koro idut eyedaha aŋwana ye idut, obio edidem kiet enyeyuŋ adaha aŋwana ye obio edidem efen: akaŋ ye unyek-isɔŋ eyenyuŋ edu ke nsio-nsio ebiet.

ZECHARIAH 10:11

Ndien enye eyesaŋa ke inyaŋ ukut ebe, onyuŋ amia odut ke inyaŋ, ndien kpukpru udem ke Nile eyesat: ndien enye eyesuhɔre iseri Assyria onim; mmɔnyɔ Egypt eyenyuŋ adaha.

ZECHARIAH 4:6

Ndien ndɔhɔ nte, Ih ih, Ɔbɔŋ mi. Ndien enye ɔbɔrɔ onyuŋ ɔdɔhɔ mi, ete, Ikɔ emi ke Jehovah ɔdɔhɔ Zerubbabel, ete, Itoho ke odudu, inyuŋ itoho ke nsɔŋidem, edi oto spirit mi, Jehovah mme udim ɔdɔhɔ.

ZEPHANIAH 3:8

Jehovah ɔdɔhɔ, ete, Mbufo ebet mi ndien, tutu osim ke usen eke ndidahade ke enyɔŋ nda mbume. Koro mmaduak ndisop mme idut, nnyuŋ mbon mme obio ndidem, man ŋŋwaŋa mmɔ ifuresit mi ke idem, ofuri ikaŋ iyaresit mi: koro ofuri ererimbot eyeta ikaŋ ufup mi.

MICAH 5:15

Nyenyuŋ nda iyaresit ye ifuresit nsio usiene ye mme idut eke mikopke.

EZEKIEL 39:20

Ndien mme horse, ye mbon horse, mbon uko, ye kpukpru mbon-ekɔŋ ke okpokoro mi eyeyuhɔ mbufo: Ɔbɔŋ Jehovah ɔdɔhɔ.

ŊWED MME PSALM 46:9

Enye anam ekɔŋ etre tutu osim ke utit ekondo; eyebuŋ utiga, onyuŋ osibe eduat: eyenyuŋ ɔfɔp mme chariot ke ikaŋ.

DANIEL 8:25

Ndien oto ke ŋkari esie enye eyenam ŋkari aka iso ke ubɔk esie; eyenyuŋ okok idem ke esit esie, onyuŋ abiat ediwak owo ke ndueidem mmɔ; onyuŋ adaha ke enyɔŋ aŋwana ye ɔbɔŋ mbɔŋ; ndien eyebom enye, idige ke ubɔk.

ŊWED MME PSALM 76:6

O Abasi Jacob, nduari fo esin chariot ye horse ede idap.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ZECHARIAH 14:3

Ndien Jehovah eyewɔrɔ aka ekeŋwana ekɔŋ ye mme idut oro, kpa nte ke usen oro enye aŋwanade, ke usen ekɔŋ.

ZECHARIAH 9:10

Ndien nyesibe chariot mfep ke Ephraim, nsibe horse mfep ke Jerusalem, eyenyuŋ esibe utiga ekɔŋ efep: ndien enye eyetaŋa emem ɔnɔ mme idut, onyuŋ ada ubɔŋ ɔtɔŋɔde ke inyaŋ kiet tutu osim inyaŋ eken, onyuŋ ɔtɔŋɔde ke akpa tutu osim ke mme utit ererimbot.

MICAH 5:8

Ndien nditɔ Jacob eke esukde eyedu ke otu mme idut, ke ufɔt ediwak obio, nte lion ke otu mme unam akai, mme mkparawa lion ke otu mme udim ŋkpri ufene: emi ke ini enye asaŋade ebe, edigi onyuŋ awai, ndien owo eke anyaŋade iduhe.

EZEKIEL 21:27

Nyeyut, nyeyut, nyeyut enye ŋkabare nnim: emi idinyuŋ iduhe, tutu enye emi edikpede ikpe edi; ndien nyeda nnɔ enye.

ISAIAH 60:12

Koro eyesobo idut ye obio eke midinamke ŋkpɔ fo; mme idut oro eyenyuŋ ebiara fap.

ISAIAH 19:2

Ndien nyedemere Egypt aŋwana ye Egypt: ndien owo eyeŋwana ye eyen-ete esie, owo ye mbɔhɔ-iduŋ esie; obio ye obio, idut ye idut.

ISAIAH 9:19

Iyaresit Jehovah esin isɔŋ okim, mbio-obio enyuŋ ebiet udia ikaŋ: kiet iyakke kiet ɔbɔhɔ.

2 CHRONICLES 20:22

Ekem adaŋemi mmɔ etɔŋɔde ikwɔ ye itoro, Jehovah anam mbon-udibe ebine nditɔ Ammon, ye Moab, ye eke obot Seir, emi ekedide ekɔŋ ye Judah; ndien mmɔ esuana.

1 SAMUEL 14:16

Ndien mbon-ukpeme Saul ke Gibeah Benjamin ese; ndien, sese, otu owo oro ke esuana, enyuŋ edediɔŋ esuana eka iso.

EXODUS 15:19

Koro mme horse Pharaoh, ye mme chariot esie, ye mbon horse esie ekedukde ke inyaŋ, ndien Jehovah esin mmɔŋ inyaŋ afiak ofuk mmɔ; edi nditɔ Israel esaŋa ke edisat isɔŋ ke ufɔt inyaŋ ebe.

EXODUS 14:28

Ndien mmɔŋ afiak okofuk mme chariot, ye mbon horse, ye ofuri udim-ekɔŋ Pharaoh emi ekebinede mmɔ eduk ke ufɔt inyaŋ: baba owo mmɔ ndomo kiet isukke.

EXODUS 14:17

Ndien se mi, ami nyesɔŋ nditɔ Egypt esit, ndien mmɔ eyebine mmɔ: ndien ami nyeda Pharaoh ukpono ke idem, ye ke idem kpukpru mbon-ekɔŋ esie, ye chariot esie, ye ke mbon horse esie.

EXODUS 15:4

Enye ekemen mme chariot Pharaoh ye mme udim esie ɔduɔk ke inyaŋ: akpan mbon-ekɔŋ esie enyuŋ edeŋ ke Ididuot Inyaŋ.

2 CHRONICLES 20:23

Ndien nditɔ Ammon ye Moab edaha ke enyɔŋ eŋwana ekɔŋ ye mme andiduŋ obot Seir, enyuŋ ewot enyuŋ esobo mmɔ: ndien ema ekesuan mme andiduŋ obot Seir ema, kpukpru owo ufan anyaŋa ndisobo ufan.

EZEKIEL 26:16

Ndien kpukpru mbɔŋ inyaŋ eyeto ke ebekpo mmɔ esuhɔre, enyuŋ enim ekura mmɔ, enyuŋ esioŋo ŋwet-ŋwet ɔfɔŋidem mmɔ efep: enyuŋ eda ndik esine ke idem; mmɔ eyesuhɔre etie ke isɔŋ, enyuŋ enyek idem kpukpru ini, enyuŋ enyene ndyɔ ebaŋa fi.

EZEKIEL 38:21

Ɔbɔŋ Jehovah ɔdɔhɔ ete, Ami nnyuŋ ŋkot ofut edi etiene enye ke kpukpru ikpɔ obot mi; ofut kiet eyesobo ofut eken.

AMOS 2:15

Ndien owo eke akamade utiga ididaha: ɔsɔp ukot idinyuŋ ibɔhɔke; owo eke odorode ke horse idinyuŋ inyaŋake uwem esie.

MICAH 7:16

Mme idut eyekut mi, ndien but ofuri odudu mmɔ eyenam mmɔ: mmɔ eyeda ubɔk mmɔ edori ke inua, utɔŋ mmɔ eyebakare edi inan.

ZECHARIAH 10:5

Ndien mmɔ eyebiet mbon-uko eke edigide owo ke ekɔŋ nte mbat efak: mmɔ eyenyuŋ eŋwana ekɔŋ, koro Jehovah odude ye mmɔ: eyenyuŋ esin mme andi-doro horse but.

2 CHRONICLES 15:6

Ndien idut asuan idut, obio onyuŋ anuak obio: koro Abasi adade kpukpru oruk nnaneyin etimere mmɔ.

MICAH 5:9

Afo eyemenere ubɔk fo aŋwana ye mbon-utɔk fo, ndien eyesibe kpukpru mme asua fo efep.

ZECHARIAH 12:9

Ndien ama ekem ke usen oro, nyeyom ndisobo kpukpru mme idut eke edide ndiŋwana ekɔŋ ye Jerusalem.