HAGGAI 1:8 - Edisana ñwed Abasi Ibom

⁸ Mbufo edɔk ke obot eda eto edi, enyuŋ ebɔp ufɔk emi, ndien enye eyenem mi esit, nyenyuŋ nda ukpono, Jehovah ɔdɔhɔ.

HAGGAI 1:8 Referans Kwoze

EZRA 3:7

Ndien mmɔ eda silver enɔ mme ɔsɔi-itiat ye mme ekpeŋe-eto; enyuŋ enɔ mbio Zidon ye eke Tyre udia, ye wine, ye aran, ete eda eto cedar ke Lebanon enam efiɔrɔ ke inyaŋ edi ke Joppa, kpa nte Cyrus edidem Persia okonyimede ɔnɔ mmɔ.

2 CHRONICLES 7:16

Ke emi mmonyuŋ mmek ufɔk emi, nnyuŋ nnam enye asana, man enyiŋ mi okpodu do ke nsinsi; enyin mi ye esit mi eyenyuŋ edu do kpukpru usen.

HAGGAI 2:7

nyenyuŋ nnyeŋe kpukpru mme idut, ndien se mme idut eyomde eyedi: ndien nyesin ubɔŋ ke ufɔk emi nyɔhɔ, Jehovah mme udim ɔdɔhɔ ntem.

1 NDIDEM 9:3

Ndien Jehovah ɔdɔhɔ enye, ete, Mmokop akam fo, ye mkpe-ubɔk fo oro afo akanamde ke iso mi: mmonim ufɔk emi afo ɔkɔbɔpde, ke edisana, man nnim enyiŋ mi do ke nsinsi: ndien enyin mi ye esit mi eyedu do kpukpru ini.

EXODUS 29:43

Ndien nyesobo do ye nditɔ Israel, ndien ubɔŋ mi eyenam enye asana.

HAGGAI 2:9

Jehovah mme udim ɔdɔhɔ, ete, Ubɔŋ ekperedem ufɔk eyekpon akan eke akpa: ndien ke ebiet emi ke ndinɔ emem, Jehovah mme udim ɔdɔhɔ.

ISAIAH 66:11

man mbufo ewap eba ndɔŋesit esie eyuhɔ: man mbufo enyimi uyuhɔ ubɔŋ esie enyuŋ edat esit.

ISAIAH 60:13

Ubɔŋ Lebanon eyedi ke ɔtɔ fo, cypress, ye plane, ye box, eyedi ini kiet, man eda mmɔ ebana edisana ebiet mi: ndien nyekpono ebiet ukot mi.

ISAIAH 60:7

Kpukpru otu ufene Kedar eyebono ke ɔtɔ fo, okukim Nebaioth eyenam ŋkpɔ enɔ fi: eyedɔk ke itie-uwa mi nte ŋkpɔ inem; nyenyuŋ mbana ediye ufɔk mi.

EZRA 6:4

enyene udim ikpɔ itiat ita, ye udim obufa eto kiet; ndien yak mmɔ esio ekɔm-urua ke ufɔk edidem enɔ:

1 NDIDEM 6:1

EDIKEM ke ɔyɔhɔ isua ikie inaŋ ye anaŋ, nte nditɔ Israel eketo ke isɔŋ Egypt, ke ɔyɔhɔ isua inaŋ, ke ɔfiɔŋ Ziv (oro edi udiana-akpa ɔfiɔŋ), nte Solomon akada ubɔŋ Israel, enye ɔtɔŋɔ ndibɔp ufɔk Jehovah.

HAGGAI 1:7

Ntem ke Jehovah mme udim ɔdɔhɔ, ete, Mbufo etim ekere usuŋ mbufo.

1 CHRONICLES 22:19

Mbufo esin ndien esit mbufo, ye ukpɔŋ mbufo, eyom Jehovah Abasi mbufo: edaha ke enyɔŋ ndien, ebɔp edisana iduŋ Jehovah Abasi, enyuŋ eda ekebe ediomi Jehovah, ye edisana ŋkpɔ utom Abasi, enim ke ufɔk eke ebɔpde enɔ enyiŋ Jehovah.