HABAKKUK 3:2 - Edisana ñwed Abasi Ibom

² O Jehovah, mmokop mbuk fo; ndik anam mi: O Jehovah, demere enye utom fo ke ufɔt mme isua, nam efiɔk enye ke ufɔt mme isua; ke ini iyaresit, ti mbɔm.

HABAKKUK 3:2 Referans Kwoze

ŊWED MME PSALM 85:6

Nte afo edinam iyaresit fo osim kpukpru emana? Nte afo udutɔŋɔke ntak udemere nnyin, man ikɔt fo ekpedara fi?

ŊWED ESEME 3:32

koro enye ama otuk owo, enye eyenyuŋ atua owo mbɔm nte ekemde ye ediwak ima esie.

HABAKKUK 3:16

Ŋkop, ndien nsia oyomo mi; uyom esin mkpɔk-inua mi enyek: mme ɔkpɔ mi etɔŋɔ ndiyap; nyek idem ke itie mi: koro nyetie suŋ mbet ini ukut, ini eke mmɔ emi edidide ekɔŋ ye nnyin edidɔkde edi.

ŊWED MBON PHILIPPI 1:6

mmonyuŋ mbure mfiɔk ŋkpɔ emi, nte, Enye emi ɔkɔtɔŋɔde eti utom ke esit mbufo eyenam enye ɔfɔn ama ndien edisim usen Jesus Christ:

JEREMIAH 10:24

O Jehovah, tunɔ mi, edi nam ke ufat; mbak afo edinam mi ndi ekpri ke iyaresit fo.

ISAIAH 63:15

Tie ke heaven tiŋ enyin, nyuŋ tie ke edisana ebiet iduŋ fo, ye iduŋ ubɔŋ fo, se: ufup fo ye nsɔŋidem fo edu mmɔŋ? Nte emum uyom nsia fo ye mbɔm fo oro afo ekenyenede ye ami.

ISAIAH 54:8

Ke ibumere iyaresit ke ŋkodip fi iso mi ini esisit; ndien nda nsinsi ima ntua fi mbɔm; Jehovah andifak fi ɔdɔhɔ.

ŊWED MME PSALM 119:120

Ndik fo anam mi ndidien ke idem; ndien mfefehe mme ikpe fo.

JOHN 10:10

Inɔ idige, ke mibɔhɔke man oyip, onyuŋ owot, onyuŋ osobo: Ami ŋkedi man mmɔ enyene uwem, enyuŋ edɔdiɔŋ enyene ekan.

ŊWED MME PSALM 44:1

O ABASI, nnyin imokop ke utɔŋ nnyin, mme ete nnyin ekemen ŋkpɔ oro afo akanamde ke ini mmɔ, ke ini eset, etiŋ enɔ nnyin.

ZECHARIAH 1:12

Ndien angel ɔbɔrɔ, ete, O Jehovah mme udim, adaŋa didie ke afo udutuaha Jerusalem mbɔm, ye mme obio Judah emi afo ayatde esit ye mmɔ ke ofuri isua ata ye duop emi?

JEREMIAH 29:10

Koro ntem ke Jehovah ɔdɔhɔ, ete, Ke adaŋemi ekemde ke isua ata ye duop ke Babylon, nyedi ndise mbufo, nnyuŋ nnam eti ikɔ mi ɔsɔŋɔ ada ye mbufo, nnyuŋ nda mbufo mfiak ndi ke ebiet emi.

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

ŊWED MME PSALM 38:1

O JEHOVAH, kuduari mi ke iyaresit fo, kunyuŋ utɔnɔ mi ke ifiopesit fo.

EZRA 9:8

Ndien ke emi Jehovah Abasi nnyin ɔfɔn ini esisit, ke erisuhɔ usuk nnyin emi ibɔhɔde, nnyuŋ nnɔ nnyin ntok ke edisana ebiet esie, man Abasi nnyin aŋwaŋa nnyin enyin, onyuŋ edemere nnyin ke itie ufin nnyin.

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

ŊWED MBON ROME 10:16

Edi idige kpukpru mmɔ ekakpaŋ utɔŋ enɔ eti etop oro. Koro Isaiah ɔdɔhɔ ete, Ɔbɔŋ, anie okonim mbuk nnyin ke akpanikɔ?

DANIEL 9:2

Ke akpa isua ubɔŋ esie, ami Daniel nda ŋwed ntim mfiɔk ibat isua emi uyo Jehovah okosimde Jeremiah prophet abaŋa, ete ke ŋwure Jerusalem eyeyɔhɔ isua ata ye duop.

ISAIAH 53:1

ANIE onim mbuk nnyin ke akpanikɔ? Ubɔk Jehovah onyuŋ ayarare ɔnɔ anie?

ŊWED MME PSALM 78:38

Ndien enye enyene-mbɔm osio isop idiɔk ido mmɔ, inyuŋ isoboke mmɔ: Edi awak ndikabare ŋkpɔŋ iyaresit esie, inyuŋ idemekede ofuri ifuresit esie.

MME HEBREW 11:7

Oto mbuɔtidem Noah, sia Abasi ɔnɔde enye ntɔt abaŋa se enyin mikwe kaŋa, ke uteŋe Abasi, ɔkɔŋ ubom ndida nnyaŋa ufɔk esie; ndien ke erinam emi enye obiom ererimbot ikpe, onyuŋ akabare edi andinyene edinen ido eke asaŋade ye mbuɔtidem.

DANIEL 8:17

Ndien enye edi ke ɔtɔ ami ndade: ndien ke ini enye edide, ami ndikhe, nnyuŋ nduɔ ke isɔŋ ŋkubi iso mi; ndien enye ɔdɔhɔ mi, ete, Eyen owo, tim fiɔk ete ke ŋkukut emi aka ekperedem ini.

MME HEBREW 12:21

Ofuri ebiet ekenyene ndik eti-eti ndise, tutu Moses ɔdɔhɔ ete, Ŋkop ndik, nnyuŋ nnyek idem eti-eti.

ŊWED JOB 42:5

Ŋkokop mbaŋa fi nte utɔŋ okopde: edi ke emi enyin mi okut fi.

ŊWED MME PSALM 71:20

Afo emi anamde nnyin ikut ikpɔ ye mme idiɔk ukut, eyenam nnyin itɔŋɔ ntak idu uwem, onyuŋ anam nnyin itɔŋɔ ntak ito ke edituŋɔ ebiet isɔŋ idɔk.

JEREMIAH 10:7

Anie midibakke fi, O Edidem mme idut? Koro odotde fi: koro baba kiet eke ebietde fi miduhe ke otu kpukpru mme ɔfiɔkŋkpɔ owo mme idut, ye ke kpukpru mme obio mmɔ.

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

HABAKKUK 3:1

ŊKPE-UBƆK Habakkuk prophet, asaŋa ye Shigionoth.

ŊWED MME PSALM 25:6

Ti mbɔm fo, ye ima fo, O Jehovah, koro mmɔ edide nsinsi.