HABAKKUK 2:2 - Edisana ñwed Abasi Ibom

² Ndien Jehovah ɔbɔrɔ mi onyuŋ ɔdɔhɔ, ete, Wet ŋkukut emi, nyuŋ kap enye sin ke itiat ŋwed, man andikot enye ɔsɔp ukot.

HABAKKUK 2:2 Referans Kwoze

ISAIAH 30:8

Ka ndien kakap enye ke itiat ŋwed ke otu mmɔ, nyuŋ wet enye ke nwed, man enye etie ɔnɔ ini iso, ke nsinsi tutu amama.

ERIYARARE 14:13

Ekem ŋkop uyo emi otode ke heaven ɔdɔhɔ ete, Wet ete, Ɔfɔfɔn ɔnɔ mme akpa-mkpa emi ekpade ke Ɔbɔŋ, ɔtɔŋɔde ke ini emi: Spirit ete, Edi ntre; man mmɔ eduɔk odudu ke ɔkpɔsɔŋ utom mmɔ; koro se mmɔ ekenamde etiene mmɔ ke edem.

DEUTERONOMY 31:22

Ndien Moses ewet ikwɔ emi ke usen oro, onyuŋ ada enye ekpep nditɔ Israel.

DANIEL 12:4

Ndien afo, Daniel, dip ikɔ emi, nyuŋ nim seal ke ŋwed, tutu osim ke utit ini. Ediwak owo eyeyɔrɔ edi, eyɔrɔ eka, ndien ifiɔk eyekpon aka iso.

ISAIAH 8:1

NDIEN Jehovah ɔdɔhɔ mi, ete, Da akamba ikpa-ŋwed ke idem fo, nyuŋ da nta ŋwed owo wet ke esit, ete, Eke Maher-shalal-hash-baz; (Mbume, wara! Uŋwo, sɔp ukot!)

DEUTERONOMY 27:8

Ndien tim wet kpukpru ikɔ mbet emi kap ke itiat oro.

DEUTERONOMY 31:19

Mbufo ekam ewet ndien ikwɔ emi enɔ idem mbufo, ndien da enye kpep nditɔ Israel: sin mmɔ ke inua, man ikwɔ emi edi ntiense mi abaŋa nditɔ Israel.

ERIYARARE 19:9

Angel onyuŋ ɔdɔhɔ mi ete, Ɔfɔnfɔn ɔnɔ mmɔ emi ekekotde edi udia ndɔ Eyen-erɔŋ. Enye onyuŋ ɔdɔhɔ mi ete, Ikɔ emi edi ata ikɔ Abasi.

2 ŊWED CORINTH 3:12

Sia nnyin inyenede oruk idori enyin emi, itetiŋ ikɔ ye akwa uko; ntiehe nte Moses,

1 ŊWED CORINTH 14:19

edi ke ufɔk Abasi mkpakam nda ekikere esit mi ntiŋ ikɔ ition ŋkpep mmɔ eŋwen ŋkpɔ, ŋkan nditiŋ thousand ikɔ duop ke esen usem.

ŊWED MBON ROME 15:4

Koro se ededi eke ekewetde ke ini oko, ke ekewet ndida ŋkpep nnyin ŋkpɔ, man nnyin inyene idori-enyin oto ke ime ye ndɔŋ-esit eke Ŋwed Abasi ɔnɔde.

JEREMIAH 30:2

afo ke idem fo da ŋwed wet kpukpru ikɔ emi ndɔhɔde fi.

DANIEL 7:1

KE akpa isua Belshazzar edidem Babylon, Daniel okut ndap kiet ye ŋkukut ibuot esie ke bed esie. Ndien enye ewet ndap oro, onyuŋ obuk ofuri ikɔ oro.