HABAKKUK 1:8 - Edisana ñwed Abasi Ibom

⁸ Mme horse mmɔ esɔp ekan nawuri-ekpe: esɔp ekan wolf mbubreyo: mbon-horse mmɔ enyuŋ eyɔrɔ kpukpru ebiet, mbon-horse mmɔ enyuŋ eto ke anyan ebiet: mmɔ efeŋe nte ntrukpom ɔsɔpde aka ndita.

HABAKKUK 1:8 Referans Kwoze

JEREMIAH 4:13

Sese, enye eyedɔk nte mbubit enyɔŋ, mme chariot esie eyenyuŋ ebiet oyobio: horse esie esɔp ukot nte ntrukpom.

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

HOSEA 8:1

SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

EZEKIEL 17:3

Ntem ke Ɔbɔŋ Jehovah ɔdɔhɔ ete, Akwa ntrukpom emi mba okponide, ntaŋ mba enyuŋ eniɔŋide, ntaŋ enyuŋ eyɔhɔde enye ke idem, emi ewerede nsio-nsio, aka Lebanon akada nsom cedar:

JEREMIAH 5:6

Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.

DEUTERONOMY 28:49

Jehovah eyeda idut ke anyan ebiet, ke utit ererimbot, etiene fi, kpa nte ntrukpom efede; idut eke afo mudukopke usem mmɔ;

LUKE 17:37

Ndien mmɔ ebɔrɔ Enye ete, Ɔbɔŋ, ke mmɔŋ? Enye ete mmɔ, Ɔtɔ nte okpo anade, do ke mme utere ediboho.

MATTHEW 24:28

Ɔtɔ nte okpo odude, do ke mme utere edibono.

EZEKIEL 17:12

Dɔhɔ ndien ufɔk nsɔŋ-ibuot, ete, Nte mbufo ifiɔkke se ŋkpɔ emi edide? Dɔhɔ, ete, Sese, edidem Babylon okosim Jerusalem, okonyuŋ ada edidem esie ye mbɔŋ esie, onyuŋ emen mmɔ ke idemesie ɔnyɔŋ ke Babylon;

ŊWED ESEME 4:19

Mmɔ emi ebinede nnyin esɔp ukot ekan ntrukpom enyɔŋ: mmɔ esɔp ebine nnyin ke enyɔŋ ikpɔ obot, edibe ebet nnyin ke wilder-ness.

ŊWED JOB 9:26

Mmɔ esaŋa ebe nte ubom ŋkukop: nte ntrukpom ɔduɔde ke unam.

ISAIAH 11:14

Ndien mmɔ eyeduɔ mme Philistine ke afara, ke edem usop-utin: eyedi ebume nditɔ edem usiaha-utin; Edom ye Moab eyedi se mmɔ edoride ubɔk mmɔ ke esit; nditɔ Ammon eyenyuŋ ekop uyo mmɔ.

JEREMIAH 48:40

Koro ntem ke Jehovah ɔdɔhɔ, ete, Sese, enye efefe nte ntrukpom, onyuŋ atat mba esie ofuk Moab.

JEREMIAH 50:42

Mmɔ eyemum utiga ye eduat: mmɔ edehe ide, idinyuŋ ituaha owo mbɔm: uyo mmɔ eyeyomo nte inyaŋ ibom, mmɔ eyenyuŋ edoro ke horse, etim idem nte owo ekɔŋ eŋwana ye afo,

EZEKIEL 26:11

Enye eyeda ikpat mme horse esie edigi kpukpru efak fo: eyewot mbio-obio fo ke ofut, onyuŋ ɔduɔk mkpɔsɔŋ adaha fo ke isɔŋ.

NAHUM 2:5

Enye eti ikpɔ owo esie; mmɔ etuak ukot eduɔŋɔ ke isaŋ mmɔ: esɔp itɔk esim ibibene esie, enyuŋ etim ŋkpɔ ufuk mbon-ekɔŋ enim.