HABAKKUK 1:6 - Edisana ñwed Abasi Ibom

⁶ Koro, sese, ami mmɔŋ ndemere mme Chaldean, ndot-ndot ye owowo idut oro asaŋade ke ntaŋwaŋ ebiet ererimbot, ndida ebiet iduŋ emi minyeneke enye.

HABAKKUK 1:6 Referans Kwoze

2 NDIDEM 24:2

Ndien Jehovah ɔdɔŋ mme udim mme Chaldean, ye mme udim mme Syrian, ye mme udim Moab, ye mme udim nditɔ Ammon utom, ete eŋwana ekɔŋ ye enye, onyuŋ ɔdɔŋ mmɔ, ete enam Judah, enyuŋ esobo enye, ekem ke uyo Jehovah emi enye ɔkɔdɔhɔde ke inua ikɔt esie mme prophet.

JEREMIAH 5:15

Jehovah ɔdɔhɔ ete, Sese, ami mmɔŋ nda idut ke anyan ebiet ndi ntiene mbufo, O ufɔk Israel: idut oro edi ɔkpɔsɔŋ, idut oro oto ke eyo oko, afo udufiɔkke usem idut oro, udunyuŋ ukopke se mmɔ edidɔhɔde.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

ISAIAH 23:13

Se isɔŋ mme Chaldee; obio emi ikoduhe: Assyria ɔtɔŋɔ ndibɔp enye nnɔ mbon ikɔt; mmɔ eneŋere mme tower mmɔ ewuk: ewuri ikpɔ ufɔk esie; owo onim enye ke ŋkpɔ nditaha.

JEREMIAH 21:4

Ntem ke Jehovah Abasi Israel ɔdɔhɔ, ete, Sese, ami mmɔŋ ŋkabare ŋkpɔ ekɔŋ emi edude mbufo ke ubɔk, emi mbufo edade eŋwana ekɔŋ ye edidem Babylon ye mme Chaldean emi ekande mbufo ekuk ke edem ibibene, efiak edem, ndien nyebon mmɔ ke ufɔt obio emi.

JEREMIAH 4:8

Mbufo eda ɔfɔŋ-ikpo ebɔbɔ ke idem ebaŋa ŋkpɔ emi, etuaŋa enyuŋ eseme: koro ifiopesit Jehovah midiwɔŋɔ-kede ikpɔŋ nnyin.

JEREMIAH 4:6

Mbufo emenere banner ke enyɔŋ ke Zion: efeŋe itɔk: ekutuak eda: koro ami mmɔŋ nda idiɔk ye akwa ŋwure ke edem edere ndi.

2 CHRONICLES 36:17

Ekem enye ada edidem mme Chaldean ɔdɔk etiene mmɔ, ndien enye owot mkparawa mmɔ ke ofut ke ufɔk edisana ebiet mmɔ, inyuŋ inyeneke mbɔm ye mkparawa, ye nditɔ-iban, ye akani-eren ye owo iwat: enye ada kpukpru esin enye ke ubɔk.

2 CHRONICLES 36:6

Nebuchadnezzar edidem Babylon ɔdɔk edi ekɔŋ ye enye, onyuŋ ɔkɔbi enye ufat-ubɔk, ete ida enye inyɔŋ ke Babylon.

JEREMIAH 4:11

Ke ini oro eyedɔhɔ mbio-obio emi ye Jerusalem, ete, Edifiop ofum ŋkokoŋo ebiet ke wilderness ke edi ke usuŋ adiaha oruk mi, idige ndisak, inyuŋ idige ndinam asana;

JEREMIAH 8:10

Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.

JEREMIAH 13:20

Mbufo emenere enyin mbufo enyuŋ ese, mmɔ ke eto ke edem edere edi: enye otu ufene oro ekenɔde fi, kpa ediye otu ufene fo?

JEREMIAH 21:7

Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

EZEKIEL 16:40

Ndien mmɔ eyeda udim owo etiene fi, enyuŋ etɔŋɔ fi ke itiat, enyuŋ esibe fi mbak-mbak ke ofut mmɔ;

EZEKIEL 21:31

Ndien nyeŋwaŋa fi ikpahesit mi ke idem, nyeda ikaŋ iyaresit mi mfuri fi, nnyuŋ nda fi nsin ke ubɔk mbon afai, mbon-usɔ ŋkpɔ eke osobode nsobo.

EZEKIEL 28:7

mmɔdo, sese, ami nyeda isen owo mme idut emi enyenede ndik, ntiene fi: ndien mmɔ eyesioŋo ofut mmɔ ekpi uyai ifiɔk fo, enyuŋ esabare uyai fo.

EZEKIEL 31:12

Ndien isen owo, kpa mme idut emi enyenede ndik, emekpi enye, emenyuŋ ekpɔŋ enye: ŋkɔk esie emeduɔŋɔ ke ikpɔ obot, ye ke kpukpru itihere, ikɔŋ esie enyuŋ ebuŋɔ ke mben kpukpru idim idut emi, ndien kpukpru mme idut ererimbot emeto ke mfut esie esuhɔre, enyuŋ ekpɔŋ enye.

2 NDIDEM 24:1

KE eyo esie Nebuchadnezzar edidem Babylon ɔdɔk edi, ndien Jehoiakim akabare edi owo esie ke isua ita, ndien akabare ɔsɔŋ ibuot ye enye.

JEREMIAH 30:5

Koro ntem ke Jehovah ɔdɔhɔ, ete, Nnyin ikop uyo unyek idem, ye eke ndik, emem inyuŋ iduhe.

JOEL 2:3

Ikaŋ ebem mmɔ iso ata; edemikaŋ onyuŋ etiene mmɔ edem ɔfɔp: isɔŋ ebiet iŋwaŋ Eden ke iso mmɔ, ndien ikpikpu wilderness odu mmɔ ke edem;