HABAKKUK 1:5 - Edisana ñwed Abasi Ibom

⁵ Mbufo ese ke otu mme idut, enyuŋ etiŋ enyin, enyuŋ eyik, enyuŋ enyene ndyɔ: koro mmɔŋ nnam erinam ke eyo mbufo, eke mbufo midinimke ke akpanikɔ ke owo editiŋde.

HABAKKUK 1:5 Referans Kwoze

ŊWED ESEME 4:12

Ndidem ererimbot ye kpukpru mme andiduŋ ekondo baba kiet ikpenimke ke akpanikɔ, ite ke owo usua ye owo utɔk ekpeduk ke inua-otop Jerusalem.

ISAIAH 29:14

ami nyemana nnam mbio-obio emi utibe ŋkpɔ, kpa utibe ŋkpɔ ye ido eke edide utibe: ndien ifiɔk mme ɔfiɔk ŋkpɔ owo mmɔ eyetak, ɔniɔŋ mbon ɔniɔŋ mmɔ eyenyuŋ onime.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

ISAIAH 29:9

Mbufo enam ubigi, enyuŋ eyik, ebre mbre, enyuŋ etie nnan; mmɔ eyuhɔ, edi idige wine anam; mmɔ eteŋ, edi idige mmin anam.

ZEPHANIAH 1:2

Jehovah ɔdɔhɔ ete, Nyetaŋ kpukpru ŋkpɔ ke iso idut emi mfep.

DANIEL 9:12

Enye omonyuŋ anam uyo esie oro enye ɔkɔdɔhɔde abaŋa nnyin ye mme ebierikpe nnyin emi ekekpede ikpe nnyin, ɔsɔŋɔ ada: onyuŋ ada akwa idiɔk ŋkpɔ etiene nnyin: koro owo akanam minamke baba ke idak ofuri ikpa enyɔŋ, nte emi ekenamde ke Jerusalem:

DEUTERONOMY 4:27

Ndien Jehovah eyesuan mbufo ke otu mme idut, ndien mbufo eyesuhɔ esisit ke otu mme idut emi Jehovah adade mbufo aka do.

HABAKKUK 3:2

O Jehovah, mmokop mbuk fo; ndik anam mi: O Jehovah, demere enye utom fo ke ufɔt mme isua, nam efiɔk enye ke ufɔt mme isua; ke ini iyaresit, ti mbɔm.