HABAKKUK 1:12 - Edisana ñwed Abasi Ibom

¹² Nte afo udige Jehovah edisana Abasi mi toto ko? Nnyin idikpaha. O Jehovah, afo onim mmɔ ɔnɔ ikpe; O akwa itiat, afo owuk mmɔ onim ɔnɔ nduari.

HABAKKUK 1:12 Referans Kwoze

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

ŊWED MME PSALM 90:2

Ke ini ikpɔ obot mika-imanake kaŋa, ke afo muka-ubotke kaŋa isɔŋ ye ererimbot, kpa ke nsinsi-nsinsi afo edi Abasi.

DEUTERONOMY 33:27

Nsinsi Abasi edi ebiet iduŋ, nsinsi ubɔk enyuŋ edu ke idak: ndien enye eyebin mme asua ke iso fo efep, onyuŋ ɔdɔhɔ ete, Sosobo.

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

ŊWED MME PSALM 93:2

Ebekpo fo ɔkɔwuhɔ ke eset: afo odu ke nsinsi.

MME HEBREW 13:8

Jesus Christ etie ukem-ukem, mkpɔŋ, ye mfin, ye ke nsinsi.

1ŊWED TIMOTHY 6:16

emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.

1ŊWED TIMOTHY 1:17

Yak emen ukpono ye ubɔŋ enɔ Edidem emi akarade ke kpukpru eyo, emi mikemeke ndikpa, enyin minyuŋ ikemeke ndikut Enye, kpa Abasi kierakiet ke nsinsi-nsinsi. Amen.

UTOM MME APOSTLE 3:14

Edi mbufo ekaŋ Enye emi asanade onyuŋ enende, enyuŋ ebeŋe ete eyak owo obom enɔ mbufo, enyuŋ ewot Ɔbɔŋ uwem;

MALACHI 3:6

Koro ami ndide Jehovah, ŋkpuhɔkede; ndien isoboke mbufo nditɔ Jacob ima.

HABAKKUK 3:2

O Jehovah, mmokop mbuk fo; ndik anam mi: O Jehovah, demere enye utom fo ke ufɔt mme isua, nam efiɔk enye ke ufɔt mme isua; ke ini iyaresit, ti mbɔm.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

EZEKIEL 30:25

Nyenyuŋ nsɔŋ edidem Babylon ubɔk, ndien ubɔk Pharaoh eyeduɔŋɔ; ndien mmɔ eyefiɔk ete ke ami ndi Jehovah, ke ini ndidade ofut mi nsin edidem Babylon ke ubɔk, nnyuŋ nnyanarede enye ndori ke isɔŋ Egypt.

ŊWED ESEME 5:19

Afo, O Jehovah, etie ke nsinsi; ebekpo fo ebigi ke ofuri emana.

ISAIAH 43:15

Ami ndi Jehovah, Edisana Abasi mbufo, andibot Israel, edidem mbufo.

ISAIAH 40:28

Nte afo ufiɔkke? nte afo akanam ukopke? Jehovah emi okobotde mme utit ererimbot edi nsinsi Abasi; enye ikpaha mba, inyuŋ ikpɔtke; idige nte eduŋɔrede asian esie.

ERIYARARE 1:8

Ami ndi Alpha ye Omega; ntem ke Jehovah Abasi, emi odude-du, okonyuŋ odude-du, edinyuŋ edide, Andikara kpukpru ŋkpɔ, ɔdɔhɔ.

ISAIAH 49:7

Ntem ke Jehovah, andifak Israel, Edisana Abasi esie, ɔdɔhɔ ye enye emi kpukpru owo esede ke ndek, ye enye emi obio asuade, ye ofin mbɔm, ete, Ndidem eyekut enyuŋ edaha ke enyɔŋ, mbɔŋ ŋko eyekut enyuŋ etuak ibuot: ebaŋa Jehovah emi anamde ŋkpɔ ke akpanikɔ, Edisana Abasi Israel emi ekemekde fi.

ISAIAH 37:26

Nte afo ukokopke? Ŋkanam enye ke eyo oko, ke ini eset, ŋkonyuŋ mbot enye. Ke emi ke nnam enye osu, ndien afo eyedi se idiwuride obio ibibene inam mmɔ edi ndon.

ŊWED MME PSALM 118:17

Ndikpaha mkpa, edi nyedu uwem, nnyuŋ mbuk se Jehovah anamde.

ŊWED MME PSALM 18:1

MMAMA fi, O Jehovah, odudu mi!

ŊWED MME PSALM 17:13

Dada ke enyɔŋ O Jehovah, biɔŋɔ enye ke iso, men enye duɔk ke isɔŋ: da ofut fo nam ukpɔŋ mi ɔbɔhɔ mme idiɔk owo:

2 NDIDEM 19:25

Nte afo ukokopke ete ke ŋkanam enye ke eyo oko, ŋkonyuŋ mbot enye ke ini eset? Ke emi ke nnam enye osu, ndien afo eyedi se idisobode, inam obio ibibene ekabare edi ndon.

1 SAMUEL 2:2

Baba kiet isanake nte Jehovah: koro efen miduhe ke mibɔhɔke afo: baba itiat ibietke Abasi nnyin.

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

JEREMIAH 5:18

Jehovah onyuŋ ɔdɔhɔ ete, Ke idem mme usen oro ndinamke mbufo mma.

JEREMIAH 4:27

Koro ntem ke Jehovah ɔdɔhɔ ete, Ofuri isɔŋ eyebiara; edi ndinamke mma.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

GENESIS 21:33

Ndien Abraham ɔtɔ eto ke Beer-sheba onyuŋ okot enyiŋ

ŊWED MME PSALM 102:24

Nyedɔhɔ nte, O Abasi mi, kumen mi uduɔk ke ufɔt uwem mi: mme isua fo ebigi ke ofuri emana.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 37:23

Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.

HABAKKUK 3:6

Enye atuak ada, onyuŋ enyeŋe isɔŋ: ese, onyuŋ anam mme idut enyek idem; ndien ŋkani obot esuana mbak-mbak; nsinsi ŋkpri obot esuhɔre: nsinsi usuŋ edi esie.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

ŊWED MME PSALM 74:12

Ndien Abasi edi edidem mi toto ke eset, ke anam eriyaŋa ke ufɔt isɔŋ.

ŊWED MME PSALM 90:1

O ƆBƆŊ, afo edi ebiet iduŋ nnyin ke ofuri emana.

ŊWED MME PSALM 149:2

Yak Israel adat esit abaŋa andibot enye: yak nditɔ Zion ebre ebaŋa edidem mmɔ.