GENESIS 7:23 - Edisana ñwed Abasi Ibom

²³ Enye onyuŋ ɔsɔhi kpukpru se idude uwem ke iso isɔŋ efep, ye owo, ye ufene, ye mme andinyɔni, ye inuen enyɔŋ; onyuŋ ɔsɔhi mmɔ efep ke isɔŋ. Ndien Noah ɔsuhɔ ikpɔŋ, ye mmɔ emi edude ye enye ke ubom.

GENESIS 7:23 Referans Kwoze

2 PETER 2:5

edieke Enye mikonyuŋ iyakke akani ererimbot ɔbɔhɔ, edi ekpemede Noah, ɔkwɔrɔ edinen ido, ye owo eŋwen itiaba, ke ini Enye anamde ukwɔ ɔtɔ ofuk ekondo eke mibakke Abasi;

1 PETER 3:20

kpa mmɔ emi eketutde utɔŋ ke eyo oko, ke adaŋemi anyan ime Abasi etiede ebet ke eyo Noah, tutu ema ebɔp ark, eke owo emi miwakke, oro edi owo itiaita, esaŋade ke esit ebe ke mmɔŋ ekut erinyaŋa;

MME HEBREW 11:7

Oto mbuɔtidem Noah, sia Abasi ɔnɔde enye ntɔt abaŋa se enyin mikwe kaŋa, ke uteŋe Abasi, ɔkɔŋ ubom ndida nnyaŋa ufɔk esie; ndien ke erinam emi enye obiom ererimbot ikpe, onyuŋ akabare edi andinyene edinen ido eke asaŋade ye mbuɔtidem.

2 PETER 3:6

ndien edi mmɔŋ ke ekada efuk enyuŋ esobo ererimbot emi okodude adaŋoro.

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;

MME ŊKE 11:4

Inyene ididoroke ke usen iyaresit: edi eti ido osio owo ke mkpa.

ŊWED MME PSALM 91:1

OWO eke etiede ke ndibe ebiet Ata Edikoŋ, ke oduŋ ke mfut Ata Ɔkpɔsɔŋ.

ŊWED JOB 5:19

Enye eyesio fi ke ukut itiokiet efep: ndien ke itiabaidiɔk-ŋkpɔ idisimke fi.

ŊWED MME PSALM 91:7

Tɔsin owo eyeduɔŋɔ fi ke ŋkaŋ, ye tɔsin duop ke ubɔk nnasia fo; edi idisimke fi.

GENESIS 6:17

Ndien, sese, ami mmɔn nnam ukwɔ mmɔn edi ke isɔŋ, edisobo kpukpru obuk owo emi ibifik uwem odude mmɔ ke esit, ke idak enyɔŋ efep; kpukpru se idude ke isɔŋ eyekpa.

GENESIS 8:18

Ndien Noah ɔwɔrɔ ye nditɔ-iren esie, ye ŋwan esie, ye iban nditɔ-iren esie ŋko.