Biblia Todo Logo
Bib sou entènèt

- Piblisite -




GENESIS 6:9 - Edisana ñwed Abasi Ibom

9 Emi edi mbuk emana Noah: Noah enen oyuŋ ɔfɔn ama ke eyo esie,

Gade chapit la Kopi




GENESIS 6:9
34 Referans Kwoze  

Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.


Oto mbuɔtidem Noah, sia Abasi ɔnɔde enye ntɔt abaŋa se enyin mikwe kaŋa, ke uteŋe Abasi, ɔkɔŋ ubom ndida nnyaŋa ufɔk esie; ndien ke erinam emi enye obiom ererimbot ikpe, onyuŋ akabare edi andinyene edinen ido eke asaŋade ye mbuɔtidem.


edieke Enye mikonyuŋ iyakke akani ererimbot ɔbɔhɔ, edi ekpemede Noah, ɔkwɔrɔ edinen ido, ye owo eŋwen itiaba, ke ini Enye anamde ukwɔ ɔtɔ ofuk ekondo eke mibakke Abasi;


EKEM Jehovah ɔdɔhɔ Noah, ete, Afo ye ofuri ufɔk fo eka ekeduk ke ubom oro; koro afo ke ŋkut nte enende ke iso mi ke eyo emi.


Enoch onyuŋ asaŋa ye Abasi: ndien iduhe; koro Abasi akadade enye ɔnyɔŋ.


Edi otim ayarare ete ikpe itebeke baba owo kiet ke iso Abasi ke ntak erinim ibet: edi ete, Edinen owo edida mbuɔtidem odu uwem.


NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.


Methuselah: Enoch onyuŋ asaŋa ye Abasi, ke enye ama okobon Methuselah, ke isua ikie ita, onyuŋ obon nditɔ-iren ye nditɔ-iban:


Ndien owo mbita oro, Noah ye Daniel ye Job ekpedu enye ke ufɔt, mmɔ ekpenyaŋa ukpɔŋ mmɔ ke edinen ido mmɔ. Emi edi uyo Ɔbɔŋ Jehovah.


OWO kiet, ekere Job, okodu ke isɔŋ Uz: ndien owo oro ɔfɔn ama, onyuŋ enen, onyuŋ abak Abasi, onyuŋ afara ke idiɔk.


Mme mmɔ emi edi emana enyɔŋ ye isɔŋ ke ebotde mmɔ, ke usen emi Jehovah Abasi anamde isɔn ye enyɔŋ.


eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.


Koro baba eti owo kiet eke anamde eti ndien midiɔkke, iduhe ke ererimbot.


Ndien mmɔ ete, Edisana angel eteme Cornelius centurion, emi edide eti owo onyuŋ abakde Abasi, emi onyuŋ ɔwɔrɔde eti etop ke ofuri oruk mme Jew, ete, enye ɔdɔŋ edikot fi edi ke ufɔk esie, onyuŋ okop ikɔ ke inua fo.


Ɔbɔŋ Jehovah ɔdɔhɔ ete, Noah ye Daniel ye Job ekpedu ke esit, ma uwem mi, mmɔ ikpenyaŋake eyen-eren, ikpenyuŋ inyaŋake nditɔ-iban; edi mmɔ ke idem mmɔ ekpebɔhɔ.


Ndien Jehovah ɔdɔhɔ Satan, ete, Nte afo emetim ese owo mi Job? koro owo eke ebietde enye miduhe ke ererimbot, ɔfɔn ama, onyuŋ enen, onyuŋ abak Abasi, onyuŋ afara ke idiɔk.


Koro do ke edinen ido eke Abasi ayarare, eke ɔtɔŋɔde ke mbuɔtidem: nte ewetde ete, Edinen owo edida mbuɔtidem odu uwem.


Ndien sese, owo kiet odu, emi ekerede Joseph, emi edide owo akwa esop, onyuŋ edide eti ye edinen owo (enye ikasaŋake do ke uduak ye erinam mmɔ)


Ndien sese, owo kiet odu ke Jerusalem emi ekerede Simeon; owo emi edi edinen owo emi eteŋede Abasi, onyuŋ etiede ebet ndɔŋesit Israel: ndien Edisana Spirit odoro enye ke idem.


Sese, owo ntaŋidem! ukpɔŋ esie inenke enye ke idem: ndien edinen owo eyedu uwem ke mbuɔtidem esie.


Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.


Tiŋ enyin ke owo eke ɔfɔnde ama, nyuŋ se edinen owo: koro (eti) utit anade ɔnɔ owo emem.


Edi mmɔ isioŋoke mme edikoŋ ebiet ke Israel ifep.


Enye onyuŋ ɔdiɔŋ Joseph ete, Abasi emi mme ete mi Abraham ye Isaac esaŋade Enye ke iso, Abasi oro ɔkɔbɔkde mi ke ini ŋkamamana tutu osim mfin emi,


Mmenyene ndikabare ndi owo eke ufan esie asakde! kpa owo eke ekesemede ɔnɔ Abasi ndien Enye eyere enye. Eti owo emi enende onyuŋ ɔfɔnde ama akabare edi ŋkpɔ nsahi!


Ndien Solomon ɔdɔhɔ ete, Afo ɔmɔfɔn ye owo fo David ete mi akamba mfɔn, kpa nte enye akasaŋade ke iso fo ke akpanikɔ, ye ke eti ido, ye ke esit emi enende ye afo; afo ama onyuŋ onim akamba mfɔn emi ɔnɔ enye, ama onyuŋ ɔnɔ enye eyen eke etiede ke ebekpo esie, kpa nte edide mfin emi.


Ndien enye anam se inende Jehovah ke enyin, edi inamke ke ofuri esit.


MME mmɔ emi edi emana nditɔ-iren Noah; Shem, Ham, ye Japhet: ndito-iren enyuŋ emana enɔ mmɔ ke ukwɔ ama ekebe:


EMI edi ŋwed emana owo. Ke usen oro Abasi obotde owo, Enye anam owo ke mbiet Abasi;


Noah asaŋa ye Abasi. Noah onyuŋ obon nditɔ-iren ita,


Fɔn ma nɔ Jehovah Abasi fo.


Ŋkonyuŋ mfɔn mma ye enye, nnyuŋ ŋkpeme idem mi, man ŋkunam oburobut ido mi.


Ndien edi Jehovah anyaŋa nti owo: enye edi odudu mmɔ ke ini ukut.


Swiv nou:

Piblisite


Piblisite